Kolosebii 3:14 - ŊMALƐ KRƆŊKRƆŊ LƐ

¹⁴ Shi enɛɛmɛi fɛɛ sɛɛ lɛ nyɛwoa suɔmɔ ni ji kpãa ni fiɔ nibii fɛɛ feɔ lɛ ekome ni ehãa eyeɔ emuu lɛ.

Ṅmãle̱ Kroṅkroṅ Le̱

¹⁴ ši ene̱mei fẽ se̱ le̱ nyewoa suomo̱ ni dši emūyeli kpã le̱. Rom. 13,8. 10.

Kolosebii 3:14 ပူးပေါင်းရင်းမြစ်များ

Yohane 13:34

Kitã hee mikɛhãa nyɛ akɛ, Nyɛsumɔsumɔa nyɛhe.

Yohane 15:12

Mikitã ji akɛ nyɛsumɔsumɔa nyɛhe tamɔ bɔ ni misumɔ nyɛ lɛ.

Yohane 17:23

Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

Romabii 13:8

Nyɛkahiɛa mɔ ko mɔ ko nyɔmɔ, akɛ ja suɔmɔ ni nyɛkɛaasumɔsumɔ nyɛhe lɛ; ejaakɛ mɔ ni sumɔɔ enaanyo lɛ eye Mla lɛ nɔ kɛwula shi.

Efesobii 1:4

Nyɔŋmɔ nɛɛ, lɛ ehala wɔ yɛ lɛ nɔŋŋ emli dani ato jeŋ shishi, koni wɔfee krɔŋkrɔŋ ni wɔhe akahi kpa ko yɛ ehiɛ.

Efesobii 4:3

Ni nyɛbɔa mɔdɛŋ ni nyɛkɛ hejɔlɛ kpãa ni fiɔ nyɛ lɛ ato ekomefeemɔ ni jɛɔ Mumɔ lɛ ŋɔɔ lɛ.

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Kolosebii 2:2

Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

1 Tesalonikabii 4:9

Shi nɔ ni kɔɔ nyɛmimɛi asuɔmɔ he lɛ, ehĩaaa akɛ aŋma nyɛ; ejaakɛ nyɛ diɛŋtsɛ lɛ, Nyɔŋmɔ etsɔ̃ɔ nyɛ akɛ nyɛsumɔsumɔɔ nyɛhe;

1 Timoteo 1:5

Shi ŋaawoo lɛ oti ji suɔmɔ ni jɛ tsui ni mli tse kɛ henilee kpakpa kɛ hemɔkɛyeli ni osato ko bɛ mli lɛ mli.

Hebribii 6:1

No hewɔ lɛ, nyɛhãa wɔshĩa Kristo he nitsɔɔmɔ lɛ shishijee nibii lɛ, ni wɔfo mli kɛya tsɔ̃ɔmɔi ni sa onukpai ahe; ni wɔkakã he wɔto nitsumɔi ni egboi ahe tsuitsakemɔ kɛ Nyɔŋmɔ nɔ hemɔkɛyeli,

1 Petro 4:8

Shi titri lɛ nyɛsuɔmɔ ni nyɛkɛsumɔsumɔɔ nyɛhe lɛ mli awa, ejaakɛ suɔmɔ haa eshai babaoo nɔ.

2 Petro 1:7

nyɛkɛ nyɛmimɛi ahedɔɔ afataa Nyɔŋmɔ gbeyeishemɔ lɛ he; ni nyɛkɛ suɔmɔ afataa nyɛmimɛi ahedɔɔ lɛ he.

1 Yohane 3:10

Enɛ mli Nyɔŋmɔ bii lɛ kɛ abonsam bii lɛ jieɔ amɛhe shi faŋŋ yɛ. Mɔ fɛɛ mɔ ni tsuuu jalɛnii lɛ, ejɛɛɛ Nyɔŋmɔ mli, nakai nɔŋŋ ji mɔ ni sumɔɔɔ enyɛmi hu.

1 Yohane 3:23

Ni enɛ ji ekitã lɛ, akɛ wɔhe eBi Yesu Kristo gbɛi lɛ nɔ wɔye, ni wɔsumɔsumɔɔ wɔhe, tamɔ bɔ ni ewo wɔ kitã lɛ.

1 Yohane 4:21

Ni nɛkɛ kitã nɛɛ wɔna kɛjɛ eŋɔɔ, koni mɔ ni sumɔɔ Nyɔŋmɔ lɛ asumɔ enyɛmi hu.