Kolosebii 3:11 - ŊMALƐ KRƆŊKRƆŊ LƐ

¹¹ Enɛ mli lɛ Helanyo kɛ Yudanyo, ketiafolɔ kɛ foolɔ, gbɔ, Sikitianyo, nyɔŋ kɛ odehe ko bɛ dɔŋŋ, shi moŋ Kristo ji nii fiaa yɛ mɛi fɛɛ mli.

Ṅmãle̱ Kroṅkroṅ Le̱

¹¹ heni Helanyo ke̱ Iudanyo, ketiafolo̱ ke̱ fōlo̱, dšekõnyo ke̱ Skitenyo, nyõṅ ke̱ odehe ko be̱ doṅṅ, ši moṅ Kristo dši nii fiã ye̱ mei fē mli le̱. Gal. 3,28.

Kolosebii 3:11 ပူးပေါင်းရင်းမြစ်များ

Lalai 117:2

Ejaakɛ esuɔmɔ kpele ni tsakeee lɛ fa yɛ wɔnɔ; ni Yehowa anɔkwayeli lɛ hiɔ shi kɛyaa naanɔ. Nyɛjiea Yehowa yi!

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Ezekiel 47:22

Nyɛfɔ̃a oshiki kɛjaa shikpɔŋ lɛ nyɛhãa nyɛhe, ni etsɔ̃ gboshinii eha nyɛ kɛ mɛi ni ebato gbɔ yɛ nyɛteŋ, ni amɛfɔɔ bii yɛ nyɛteŋ lɛ. Amɛtsɔmɔ tamɔ Israel fɔmɔbii nɔŋŋ yɛ nyɛteŋ koni amɛ kɛ nyɛ aja shikpɔŋ lɛ pɛpɛɛpɛ akɛ gboshinii hã nyɛ yɛ Israel akutsei lɛ anaa.

Hosea 2:23

Mahã mimɛi lɛ ahe shi yɛ shikpɔŋ lɛ nɔ, ni mahã amɛshwere. Mɛi ni atsɛ amɛ akɛ ‘Mɔbɔnalɛ etã’ lɛ, kɛ mɛi hu ni atsɛ amɛ akɛ ‘Nyɛjeee mimɛi’ lɛ, mibana amɛ fɛɛ mɔbɔ. Ni makɛɛ amɛ akɛ, ‘Mimɛi ji nyɛ,’ ni amɛaahere nɔ akɛ ‘bo ji wɔNyɔŋmɔ lɛ.’ ”

Amos 9:12

Ni Israelbii lɛ baaku amɛsɛɛ amɛbashɔ̃ Edom shikpɔŋ ni eshwɛ lɛ, kɛ shikpɔji krokomɛi fɛɛ ni tsutsu ko lɛ migbɛi kã amɛnɔ lɛ.” Nɔ ni Yehowa, mɔ ni baatsu nɛkɛ nibii nɛɛ, ekɛɛ nɛ,

Mika 4:2

Ni maji amli bii pii aaaba abakɛɛ akɛ, “Nyɛbaa ni nyɛhãa wɔyakwɔa Yehowa gɔŋ lɛ, kɛya Israel Nyɔŋmɔ lɛ Sɔlemɔ we lɛ; ejaakɛ eeetsɔ̃ɔ wɔ nɔ ni etaoɔ ni wɔfee; koni wɔnyiɛ egbɛi lɛ anɔ. Ejaakɛ Yehowa Mla lɛ, Yerusalɛm ebaajɛ; ekɛ emaŋ lɛ wieɔ kɛjɛɔ Zion.”

Zakaria 2:11

Nakai gbi lɛ nɔ lɛ, maji babaoo kɛ amɛhe aaahã Yehowa ni amɛaatsɔ̃ mimɛi, ni mahi amɛteŋ. No nyɛkɛaale akɛ Yehowa Taiatsɛ lɛ ni tsu mi nyɛŋɔɔ lɛ.

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Yohane 14:23

Yesu here nɔ ni ekɛɛ lɛ akɛ, “Kɛji mɔ ko miisumɔ mi lɛ, eeeye miwiemɔ lɛ nɔ, ni miTsɛ aaasumɔ lɛ, ni wɔɔba eŋɔɔ, ni wɔkɛ lɛ aaahi shi.

Yohane 15:5

“Mi ji waintso lɛ, nyɛ ji niji lɛ. Mɔ ni hiɔ mimli ni mi hu mihiɔ emli lɛ, lɛ ewoɔ yibii pii; ejaakɛ kɛjeee miŋ lɛ nyɛnyɛŋ nɔ ko nyɛfee.

Yohane 17:23

Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

Bɔfoi 15:17

Bɔ ni afee ni gbɔmɛi ni eshwɛ lɛ kɛ jeŋmaji lɛ fɛɛ ni akɛ migbɛi ewo amɛ lɛ atao Nuŋtsɔ lɛ sɛɛgbɛ.’

Bɔfoi 28:2

Jɛibii lɛ fee wɔ ejurɔ pii, ejaakɛ amɛshɛre la, ni amɛhere wɔ fɛɛ tswɛm hiɛmɛɛ yɛ nunɛmɔ babaoo kɛ fɛ̃i lɛ hewɔ.

Bɔfoi 28:4

Be ni jɛibii lɛ na kooloo lɛ kpɛtɛ enine he lɛ, amɛkɛɛkɛɛ amɛhe akɛ, “Bɔ fɛɛ bɔ ni fee lɛ, nɛkɛ nuu nɛɛ awuyelɔ ni, ni ahere eyiwala kɛjɛ ŋshɔ lɛ mli moŋ nɛ, shi oweletɔɔ eŋmɛ̃ɛɛ lɛ gbɛ ni eyi ana wala.”

Romabii 1:14

Mihiɛ Helabii kɛ jekɔ̃ji, nilelɔi kɛ mɛi ni leee nii fɛɛ anyɔmɔ.

Romabii 10:12

Ejaakɛ srɔto ko bɛ Yudanyo kɛ Helanyo teŋ; ejaakɛ Nuŋtsɔ kome amɛ fɛɛ amɛyɔɔ, ni niiatsɛ hu ji lɛ ha mɛi fɛɛ ni boɔ tsɛɔ lɛ lɛ.

Romabii 3:22

no ji Nyɔŋmɔ jalɛ ni atsɔ̃ɔ Yesu Kristo nɔ hemɔkɛyeli nɔ akɛhãa mɛi fɛɛ ni heɔ yeɔ lɛ. Ejaakɛ srɔto ko bɛ;

Romabii 3:29

Aloo Nyɔŋmɔ lɛ Yudafoi kɛkɛ aNyɔŋmɔ ni? Ani jeee jeŋmaji lɛ hu aNyɔŋmɔ ni? Hɛɛ, jeŋmaji lɛ hu aNyɔŋmɔ

1 Korintobii 12:13

Ejaakɛ Yudafoi ji wɔ jio, Helabii ji wɔ jio, nyɔji ji wɔ jio, wɔhiɛ wɔhe jio, wɔ fɛɛ lɛ Mumɔ kome nɔ atsɔ abaptisi wɔ awo gbɔmɔtso kome mli; ni wɔ fɛɛ lɛ, Mumɔ kome akɛhã wɔ ni wɔnu.

1 Korintobii 14:11

Shi kɛji minaaa wiemɔ lɛ shishi lɛ, belɛ mibatsɔ̃ mɔkpɔŋ yɛ mɔ ni wieɔ lɛ hiɛ, ni mɔ ni wieɔ lɛ hu baatsɔ mɔkpɔŋ yɛ mihiɛ.

1 Korintobii 7:19

Ketiafoo jeee nɔ ko, ni foo hu jeee nɔ ko, shi Nyɔŋmɔ kitãi lɛ anɔyeli moŋ ji nɔ ko.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Galatabii 5:6

Ejaakɛ Kristo Yesu mli lɛ, jeee ketiafoo, ni asaŋ jeee foo hu ni nyɛɔ nɔ ko efeɔ, shi moŋ hemɔkɛyeli ni tsɔ̃ɔ suɔmɔ nɔ etsuɔ nii lɛ.

Efesobii 1:23

ni ji egbɔmɔtso lɛ kɛ lɛ mɔ ni ewoɔ mɛi fɛɛ obɔ̃ yɛ nii fɛɛ mli lɛ obɔ̃yimɔ lɛ.

Efesobii 2:14

Ejaakɛ lɛ ji wɔhejɔlɛ lɛ, mɔ ni ŋɔ kui enyɔ lɛ fɛɛ efee ekome, ni ekumɔ gbogbo afabaŋ ni yɔɔ teŋ ni ji nyɛɛ lɛ.

Efesobii 2:15

Ni ekɛ lɛ diɛŋtsɛ eheloo gu Mla lɛ kitãi kɛ akpɔi lɛ, koni ekɛ mɛi enyɔ lɛ fɛɛ abɔ gbɔmɔ hee kome yɛ lɛ diɛŋtsɛ emli ni ehã hejɔlɛ aba,

Efesobii 3:17

ni atsɔ̃ hemɔkɛyeli nɔ ni Kristo ahi shi yɛ nyɛtsuii amli, ni nyɛshishifã amɔ shi ni nyɛma shi shiŋŋ yɛ suɔmɔ mli.

Efesobii 3:6

No ji akɛ jeŋmajiaŋbii lɛ hu niyelɔi lɛ ekomɛi kɛ gbɔmɔtso lɛ henii lɛ ekomɛi kɛ mɛi ni awo amɛ shi yɛ Kristo Yesu mli lɛ hu ekomɛi ji amɛ kɛtsɔ̃ Sanekpakpa lɛ nɔ.

Efesobii 6:8

Ni nyɛle akɛ, mɔ fɛɛ mɔ lɛ, nyɔŋ ji lɛ jio, odehe jio, nɔ ekpakpa ni efeɔ lɛ, no he nyɔmɔwoo ebaana kɛjɛ Nuŋtsɔ lɛ dɛŋ.

Kolosebii 2:10

ni nyɛye emuu yɛ emli, lɛ mɔ ni ji onukpayeli kɛ hegbɛ fɛɛ yitso lɛ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

2 Yohane 1:9

Mɔ fɛɛ mɔ ni tekeɔ Kristo tsɔ̃ɔmɔ lɛ ni ehiii mli lɛ, ebɛ Nyɔŋmɔ; mɔ ni hiɔ Kristo tsɔ̃ɔmɔ lɛ mli lɛ, eyɛ Tsɛ lɛ kɛ Bi lɛ.