Kolosebii 3:1 - ŊMALƐ KRƆŊKRƆŊ LƐ

¹ No hewɔ lɛ, kɛ atee nyɛ kɛ Kristo shi lɛ, nyɛtaoa nii ni yɔɔ ŋwɛi, he ni Kristo yɔɔ ni eta Nyɔŋmɔ ninejurɔ nɔ yɛ lɛ.

Ṅmãle̱ Kroṅkroṅ Le̱

¹ Nohewo̱ le̱, ké̱ *atēnye ke̱ Kristo fĕ ši le̱, nyetaoa nii ni yo̱ ṅwei, heni Kristo yo̱ ni etá Nyoṅmo̱ ninedšũrõ no̱ ye̱ le̱; *2,12.

Kolosebii 3:1 ပူးပေါင်းရင်းမြစ်များ

Lalai 110:1

Yehowa kɛɛ minuŋtsɔ lɛ akɛ, “Ta mininejurɔ nɔ kɛyashi beyinɔ ni maŋɔ ohenyɛlɔi lɛ mafee onajiashi maaŋoo.”

Lalai 16:11

Bo otsɔ̃ɔ mi wala gbɛ. Ohiɛ lɛ, miishɛɛ sɔŋŋ; ni mimii eshɛ kɛmiiya naanɔ.

Abe̱i 15:24

Nilelɔ gbɛ lɛ, wala gbɛ ni kɛ mɔ yaa ŋwɛi ni; ni ejieɔ mɔ kɛjeɔ gbohiiaje bu lɛ mli.

Jajelɔ 10:2

Nilelɔ tsui kpalaa lɛ kɛyaa nɔ ni ja he; shi kwashia tsui kpalaa lɛ kɛyaa nɔ ni ejaaa he.

Mateo 22:44

‘Nuŋtsɔ lɛ kɛɛ miNuŋtsɔ lɛ akɛ, Ta mininejurɔ nɔ Kɛyashi beyinɔ ni mikɛ ohenyɛlɔi lɛ aaawo onaji ashishi lɛ?’

Mateo 26:64

Yesu kɛɛ lɛ akɛ, “Okɛɛ. Shi miikɛɛ nyɛ akɛ, kɛjɛ be nɛ nɔ kɛyaa nɛɛ, nyɛaana Gbɔmɔ Bi lɛ akɛ eta Hewalɛ lɛ ninejurɔ nɔ, ni eeba yɛ ŋwɛi atatui lɛ amli.”

Mateo 6:20

Shi nyɛbɔa jwetri nyɛhãa nyɛhe yɛ ŋwɛi, he ni omlɛgɛ kɛ ŋkanale fiteee nii ni julɔi egbuuu kɛboteee mli kɛyajuuu yɛ lɛ.

Mateo 6:33

Shi nyɛtaoa Nyɔŋmɔ Maŋtsɛyeli lɛ kɛ ejalɛ lɛ tsutsu ni akɛ nii nɛɛ fɛɛ aaafata he ahã nyɛ.

Marko 12:36

Ejaakɛ David diɛŋtsɛ kɛɛ yɛ Mumɔ Krɔŋkrɔŋ lɛ naa akɛ, ‘Nuŋtsɔ lɛ kɛɛ miNuŋtsɔ lɛ akɛ, ta mininejurɔ nɔ, kɛyashi beyinɔ ni maŋɔ ohenyɛlɔi mafee onaneshi maaŋoo.’

Marko 14:62

Ni Yesu kɛɛ, “Miŋ; ni nyɛaana Gbɔmɔ Bi lɛ akɛ eta Ofe lɛ ninejurɔ nɔ ni eeba yɛ ŋwɛi atatui lɛ amli.”

Marko 16:19

Kɛkɛ ni be ni Nuŋtsɔ Yesu kɛ amɛ ewie sɛɛ lɛ, aŋɔ lɛ kɛtee ŋwɛi, ni eyata Nyɔŋmɔ ninejurɔ nɔ.

Luka 12:33

Nyɛhɔ̃a nii ni nyɛyɔɔ lɛ ni nyɛkɛfea ejurɔ; nyɛfea fotroi ni tsɔ̃mɔɔɔ ememeji nyɛhãa nyɛhe, nyɛtoa jwetri ni etãaa yɛ ŋwɛi, he ni julɔ ko bɛŋkɛɛɛ ni omlɛgɛ kpeee nii yɛ lɛ.

Luka 20:42

Ejaakɛ David diɛŋtsɛ kɛɛ yɛ Lalai Awolo lɛ mli akɛ, ‘Nuŋtsɔ lɛ kɛɛ miNuŋtsɔ lɛ akɛ, Ta mininejurɔ nɔ,

Luka 22:69

Shi kɛjɛ be nɛɛ nɔ kɛyaa nɛɛ Gbɔmɔ Bi lɛ aaata Nyɔŋmɔ hewalɛ lɛ ninejurɔ nɔ.”

Bɔfoi 2:34

Ejaakɛ David eyaaa ŋwɛi, shi lɛ nɔŋŋ ekɛɛ, ‘Nuŋtsɔ lɛ kɛɛ miNuŋtsɔ lɛ akɛ, ta mininejurɔ nɔ,

Bɔfoi 7:55

Shi Stefano ni Mumɔ Krɔŋkrɔŋ eyi lɛ obɔ̃ lɛ kwɛ ŋwɛi gãa, ni ena Nyɔŋmɔ anunyam lɛ kɛ Yesu ni edamɔ Nyɔŋmɔ ninejurɔ nɔ,

Romabii 8:34

Namɔ ji mɔ ni buɔ fɔ lɛ? Kristo, mɔ ni gbo, shi nɔ ni fe no lɛ, mɔ ni atee lɛ shi ni eyɔɔ Nyɔŋmɔ ninejurɔ nɔ, ni esaa edamɔɔ mli ehãa wɔ lɛ?

Romabii 8:6

Ejaakɛ heloo jwɛŋmɔ lɛ, gbele ni, shi mumɔ jwɛŋmɔ lɛ, wala kɛ hejɔlɛ ni.

2 Korintobii 4:18

ejaakɛ wɔjeee mɛi ni kwɛɔ nii ni anaa lɛ, shi moŋ nii ni anaaa lɛ wɔkwɛɔ; ejaakɛ nii ni anaa lɛ hiɔ shi be fioo kɛkɛ, shi nii ni anaaa lɛ hiɔ shi kɛyashiɔ naanɔ.

Efesobii 4:10

Mɔ ni kpeleke shi lɛ, lɛ nɔŋŋ hu ji mɔ ni kwɔ kɛtee ŋwɛii fɛɛ ayiteŋ, koni eyi nii fiaa obɔ̃ lɛ.

Efesobii 5:22

Nyɛ yeigbãyei lɛ, nyɛbaa nyɛhe shi nyɛhãa nyɛ diɛŋtsɛ nyɛwumɛi lɛ, tamɔ akɛ Nuŋtsɔ lɛ nyɛfeɔ nyɛhãa.

Kolosebii 2:20

No hewɔ lɛ, kɛ nyɛkɛ Kristo egbo ni je nɛɛŋ shishijeenii bɛ nyɛnɔ hewalɛ dɔŋŋ lɛ, mɛɛba mɔ ni nyɛhiɔ shi tamɔ nɔ ni nyɛhiɛ kamɔ̃ lolo yɛ je nɛɛŋ, ni nyɛhãa awoɔ nyɛ akpɔi akɛ,

Kolosebii 3:2

Nii ni yɔɔ ŋwɛi lɛ ahe nyɛjwɛŋa, jeee nii ni yɔɔ shikpɔŋ lɛ nɔ.

Hebribii 1:13

Shi ŋwɛi bɔfoi lɛ ateŋ namɔ po ni Nyɔŋmɔ ekɛɛ lɛ pɛŋ akɛ, “Ta mininejurɔ nɔ kɛyashi beyinɔ ni maŋɔ ohenyɛlɔi lɛ mafee onajiashi maaŋoo?”

Hebribii 1:3

Lɛ ji enunyam lɛ kpɛmɔ kɛ esu lɛ mfoniri lɛ, ni ekɛ lɛ diɛŋtsɛ ehewalɛ wiemɔ lɛ hiɛɔ nibii fɛɛ. Be ni ekɛ lɛ diɛŋtsɛ ehe etsuu wɔhe kɛjɛ wɔhe eshai lɛ amli lɛ, etee eyata shi yɛ anunyam-Tsɛ agbo lɛ nine jurɔ nɔ yɛ ŋwɛi,

Hebribii 10:12

Shi Kristo lɛ, lɛ lɛ, be ni eshã eshai ahe afɔle shi kome nyɔŋlo lɛ, eyata Nyɔŋmɔ ninejurɔ nɔ.

Hebribii 12:2

Ni wɔkwɛ hemɔkɛyeli shishijelɔ kɛ naagbelɔ ni ji Yesu lɛ, mɔ ni nyamɔ ni kã ehiɛ lɛ hewɔ lɛ emia ehiɛ yɛ sɛŋmɔtso lɛ he amanehulu lɛ mli. Ni ebuuu hiɛgbele lɛ, ni eyata shi yɛ Nyɔŋmɔ maŋtsɛ sɛi lɛ ninejurɔ nɔ lɛ.

Hebribii 8:1

Shi nii ni wɔwieɔ lɛ mli sane titri nɛ, nɛkɛ Osɔfonukpa wɔyɔɔ; Osɔfonukpa ni ta mɔ ni je agbo lɛ maŋtsɛ sɛi lɛ ninejurɔ nɔ yɛ ŋwɛi

1 Petro 3:22

mɔ ni etee ŋwɛi ni eyata Nyɔŋmɔ ninejurɔ nɔ, ni akɛ ŋwɛi bɔfoi kɛ hegbɛi kɛ hewalɛi fɛɛ ewo eshishi lɛ.