Kolosebii 2:8 - ŊMALƐ KRƆŊKRƆŊ LƐ

⁸ Nyɛkwɛa nyɛhe ni ahĩa, koni mɔ ko kɛ jeŋ nilee kɛ yaka shishiumɔ ni damɔ gbɔmɛi ablema tsɔ̃ɔmɔ kɛ je nɛɛŋ shishijee nibii anɔ, shi jeee Kristo nɔ lɛ, akaŋɔ nyɛ nom.

Ṅmãle̱ Kroṅkroṅ Le̱

⁸ Nyekwe̱a nyehe ni ahīa, koni moko ke̱ dšeṅnilẽ ke̱ yakašišiumo̱ akaṅõnye nom, ye̱ gbomei ablemasãdši ke̱ dše ne̱ṅ *šišidšēnibii ni dšee Kristo le̱ anā, *K. 20.

Kolosebii 2:8 ပူးပေါင်းရင်းမြစ်များ

Salomo Lalai 2:15

Nyɛmɔmɔa osɔi lɛ, osɔi bibii ni fiteɔ waintromii lɛ, ejaakɛ wɔwaintsei lɛ egba afofro.”

Yeremia 29:8

Ejaakɛ bɔ ni Yehowa Taiatsɛ, Israel Nyɔŋmɔ lɛ, kɛɔ ji, nyɛkaŋmɛa nyɛgbalɔi kɛ nyɛklamɔfoi ni yɔɔ nyɛteŋ lɛ gbɛ ni amɛlakaa nyɛ; asaŋ nyɛkahea lamɔi ni amɛlaa lɛ nyɛye,

Mateo 10:17

“Shi nyɛhĩɛ ahia nyɛhe nɔ yɛ gbɔmɛi ahewɔ; ejaakɛ amɛaaŋɔ nyɛ kɛaatee kojomɔhei, ni amɛaayi nyɛ yɛ amɛkpeehei lɛ.

Mateo 16:6

Shi Yesu kɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ Farisifoi kɛ Sadukifoi lɛ amasha lɛ he!”

Mateo 7:15

“Shi nyɛhiɛ ahia nyɛhe nɔ yɛ amale gbalɔi lɛ ahe; amɛkɛ too wolo haa amɛhe kɛbaa nyɛŋɔɔ, shi amɛmligbɛ lɛ klãji fulɔi ji amɛ.

Bɔfoi 17:18

Shi nilelɔi ni ji Epikuromɛi kɛ Stoamɛi lɛ ateŋ mɛi komɛi kɛ lɛ taa naa ni mɛi komɛi kɛɛ, “Mɛni po naafuutsɛ nɛɛ taoɔ ekɛɛ?” Ni mɛi komɛi hu kɛɛ, “Etamɔ mɔ ni jajeɔ maŋsɛɛ jemawɔji ahe sane etsɔ̃ɔ.” Amɛkɛɛ enɛ ejaakɛ ejaje Yesu kɛ shitee lɛ he Sanekpakpa lɛ etsɔ̃ɔ amɛ.

Bɔfoi 17:32

Shi be ni amɛnu gbohiiashitee he lɛ, mɛi komɛi ye ehe fɛo, ni mɛi komɛi hu kɛɛ, “Wɔɔsaa wɔbo owiemɔ nɛɛ toi ekoŋŋ.”

Romabii 16:17

Shi anyɛmimɛi, miikpa nyɛ fai ni nyɛhiɛ akã mɛi ni jeɔ tsɔ̃ɔmɔ ni nyɛkase lɛ sɛɛ ni amɛkɛ mligbalamɔi kɛ pampitoo baa lɛ ahe, ni nyɛtsi nyɛhe kɛje amɛhe.

1 Korintobii 10:12

No hewɔ lɛ, mɔ ni susuɔ akɛ edamɔ shi lɛ akwɛ ehe ni ahi koni ekagbee shi.

1 Korintobii 8:9

Shi nyɛkwɛa ni ahĩa koni nyɛhegbɛ nɛɛ akabatsɔ̃ pampi miihã gbedelɔi lɛ.

2 Korintobii 10:5

ni wɔkumɔɔ jwɛŋmɔi kɛ he nɔ ni awoɔ ashiɔ Nyɔŋmɔ nilee lɛ, ni wɔŋɔɔ jwɛŋmɔ fɛɛ jwɛŋmɔ nom ni ebo Kristo toi,

Galatabii 1:14

ni mitee hiɛ yɛ Yudafoi ajamɔ lɛ mli fe mitipɛŋfoi pii yɛ mijakubii ateŋ, ni mihiɛ dɔ naakpa yɛ wɔtsɛmɛi ablema tsɔ̃ɔmɔi ni akɛhã wɔ lɛ he.

Galatabii 4:3

Nakai nɔŋŋ kɛ̃ wɔ hu, be ni wɔji abifabii lɛ, akɛ wɔ wo je nɛɛŋ shishijee nibii anyɔŋyeli lɛ shishi.

Galatabii 4:9

shi agbɛnɛ moŋ ni nyɛle Nyɔŋmɔ, aloo ni Nyɔŋmɔ ele nyɛ lɛ, te feɔ tɛŋŋ ni nyɛkuɔ nyɛsɛɛ kɛya shishijee nibii ni nyɛ̃ɛɛ nɔ ko afee ni bɛ hewalɛ ko lɛ aŋɔɔ, ni nyɛsaa nyɛtaoɔ akɛ nyɛje shishi nyɛsɔ̃mɔ amɛ ekoŋŋ lɛ?

Galatabii 5:15

Shi kɛ nyɛkɔ̃mɔkɔ̃mɔɔ nyɛhe ni nyɛyeyeɔ nyɛhe lɛ, nyɛkwɛa ni nyɛkakpãtãa nyɛhe hiɛ.

Efesobii 2:2

Ni nyɛnyiɛ yɛ mli sa yɛ no je nɛɛŋ su lɛ naa, yɛ lumɔ ni yɔɔ kɔɔyɔɔ mli hewalɛ lɛ ni ji mumɔ ni tsuɔ nii amrɔ nɛɛ yɛ toigbele bii amli lɛ naa.

Efesobii 4:20

Shi nyɛ lɛ, jeee nakai nyɛkase Kristo lɛ,

Efesobii 5:6

Nyɛkahãa mɔ ko kɛ wiemɔi foji miishishiua nyɛ, ejaakɛ nii nɛɛ ahewɔ ni Nyɔŋmɔ mlifu baa toigbelebii lɛ anɔ lɛ.

5 Mose 6:12

nyɛkwɛa nyɛhe nɔ ni ahĩa koni nyɛhiɛ akajea Yehowa, mɔ ni jie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ, nɔ.

Filipibii 3:2

Nyɛkwɛa jogbaŋŋ yɛ gbei lɛ ahe, nyɛkwɛa jogbaŋŋ yɛ nitsulɔi fɔ̃ji lɛ ahe, nyɛkwɛa jogbaŋŋ yɛ gbɔmɔtso henii folɔmɔ lɛ he!

Kolosebii 2:18

Nyɛkahãa mɔ ko kɛ taomɔ ni etaoɔ akɛ nyɛkɛ heshibaa jwɛŋmɔ aja ŋwɛi bɔfoi miishɔ̃ nyɛjuromɔnii lɛ yɛ nyɛdɛŋ. Gbɔmɔ ni tamɔ nɛkɛ lɛ, nɔ nɔ ni edamɔ ji ninai, ni eheloo jwɛŋmɔ lɛ hãa ewoɔ ehe nɔ efolo,

Kolosebii 2:20

No hewɔ lɛ, kɛ nyɛkɛ Kristo egbo ni je nɛɛŋ shishijeenii bɛ nyɛnɔ hewalɛ dɔŋŋ lɛ, mɛɛba mɔ ni nyɛhiɔ shi tamɔ nɔ ni nyɛhiɛ kamɔ̃ lolo yɛ je nɛɛŋ, ni nyɛhãa awoɔ nyɛ akpɔi akɛ,

Kolosebii 2:22

Enɛɛmɛi fɛɛ ji nibii ni hiɛ kpãtãa yɛ amɛhe nitsumɔ mli; amɛ ji akpɔi ni awo yɛ gbɔmɛi akitãi kɛ tsɔ̃ɔmɔi anaa.

Kolosebii 2:23

Suɔmɔnaa jamɔ kɛ heshibaa jwɛŋmɔ kɛ gbɔmɔtso yiwaa hãa nibii nɛɛ feɔ tamɔ nɔ ni nilee yɛ mli nɛ, shi yɛ heloo akɔnɔ naatsii gbɛfaŋ lɛ, ehe bɛ sɛɛnamɔ.

1 Timoteo 6:20

Ao Timoteo, nii ni atu awo odɛ̃ŋ lɛ, baamɔ yi ni okwa yakayaka sanegbaa ni buleɔ mɔ kɛ wiemɔi ni bɛ ekome ni jɛ apasa nilee mli.

2 Timoteo 3:13

Shi gbɔmɛi fɔ̃ji kɛ shishiulɔi aaawo wu yɛ efɔŋ mli; amɛlakaa mɛi ni amɛ hu alakaa amɛ.

Hebribii 13:9

Nyɛkahãa tsɔ̃ɔmɔi srɔtoi kɛ tsɔ̃ɔmɔi krokomɛi kɛ nyɛ miililaa shi; ejaakɛ ehi akɛ akɛ Nyɔŋmɔ dromɔ awo tsui hewalɛ, shi jeee niyenii ni hãaa mɛi ni tsuɔ he nii lɛ ana sɛɛ ko yɛ mli lɛ.

Hebribii 3:12

Nyɛkwɛa ni ahia, anyɛmimɛi, koni nyɛteŋ mɔ ko akahi tsui fɔŋ ni heee yeee ni ekpale kɛje Nyɔŋmɔ, hiɛkãalɔ lɛ, he.

1 Petro 1:18

Ejaakɛ nyɛle akɛ jeee nibii ni fiteɔ, tamɔ jwiɛtɛi loo shika, akɛkpɔ̃ nyɛ kɛjɛ nyɛyaka jeŋba ni nyɛna kɛjɛ nyɛtsɛmɛi lɛ aŋɔɔ lɛ mli;

2 Petro 3:17

Agbɛnɛ suɔmɔmɛi, akɛni nyɛ lɛ nyɛle momosa hewɔ lɛ, nyɛsaraa, koni akɛ gbɔmɛi fɔ̃ji alakamɔ sane lɛ akashãtã nyɛ hu, ni nyɛjɛ nyɛ diɛŋtsɛ nyɛshifimɔ lɛ mli nyɛgbee shi

2 Yohane 1:8

Nyɛkwɛa nyɛhe jogbaŋŋ koni nyɛkalaaje nii ni nyɛkɛ nitsumɔ ena lɛ, shi moŋ nyɛna nyɔmɔwoo muu.