Kolosebii 2:7 - ŊMALƐ KRƆŊKRƆŊ LƐ

⁷ Ni nyɛshishifã amɔ̃ shi ni atswa nyɛ ama enɔ ni nyɛfi shi yɛ hemɔkɛyeli lɛ mli, tamɔ bɔ ni atsɔ̃ɔ nyɛ lɛ ni nyɛteke nɔ kɛ shidaa.

Ṅmãle̱ Kroṅkroṅ Le̱

⁷ ni *nyešišifāi amõmo̱ ši, ni †amãmo̱nye ye̱ eno̱, ni nyefī ši ye̱ hemo̱-ke̱-yeli le̱ mli, take̱ bo̱ noṅṅ ni atšõnye le̱, ni nyeteke no̱ ke̱ šidā, *Ef. 3,17. †Ef. 2,22.

Kolosebii 2:7 ပူးပေါင်းရင်းမြစ်များ

Lalai 1:3

Etamɔ tsei ni atɛo yɛ fai atoi, ni woɔ yibii yɛ amɛbe mli, ni amɛbai kpalaaa, ni nɔ fɛɛ nɔ ni efeɔ lɛ shwereɔ.

Lalai 92:13

Amɛtamɔ tsei ni atɛo yɛ Yehowa we lɛŋ; amɛfrɔkeɔ yɛ wɔNyɔŋmɔ lɛ kpoi lɛ anɔ.

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Yeremia 17:8

Etamɔ tso ni atɛo yɛ faa toi; etsɛ̃rɛɔ eshishi fãi kɛyaninaa nu lɛ. Esheee gbeyei kɛji jeŋdɔlɛ be shɛ, ejaakɛ lɛ lɛ eyaa nɔ ewoɔ yibii, etsui yeee kɛji nu enɛɛɛ, ejaakɛ eyibaa hiɔ shi frɔ̃frɔ̃.

Luka 6:48

etamɔ nuu ko ni be ni emaa tsu lɛ etsa shi kwɔŋkwɔŋ ni eto shishi yɛ tɛsaa nɔ; ni nu afua ba, ni eshimɔ nakai tsu lɛ, ni enyɛɛɛ lɛ ehoso, ejaakɛ ato shishi jogbaŋŋ.

Romabii 16:25

Shi mɔ ni aaanyɛ ahã nyɛfi shi shiŋŋ yɛ misanekpakpa lɛ kɛ Yesu Kristo shiɛmɔ lɛ naa, yɛ teemɔ sane ni akɛtee kɛjɛ naanɔ beebe lɛ kpojiemɔ naa,

1 Korintobii 1:8

Lɛ nɔŋŋ eeewaje nyɛ kɛaatee naagbee ni nyɛhe akaba kpa ko yɛ wɔNuŋtsɔ Yesu Kristo gbi lɛ nɔ.

1 Korintobii 15:58

No hewɔ lɛ, minyɛmimɛi ni misumɔɔ, nyɛfĩa shi ni nyɛkagbugbãa ni nyɛtekea nɔ yɛ Nuŋtsɔ lɛ nitsumɔ lɛ mli daa nɛɛ, ejaakɛ nyɛle akɛ nyɛdeŋmegbomɔ lɛ efeŋ yaka yɛ Nuŋtsɔ lɛ mli.

2 Korintobii 1:21

Shi Nyɔŋmɔ ji mɔ ni hãa wɔ kɛ nyɛ fɛɛ fiɔ shi yɛ Kristo mli, ni efɔ wɔ mu;

Efesobii 3:17

ni atsɔ̃ hemɔkɛyeli nɔ ni Kristo ahi shi yɛ nyɛtsuii amli, ni nyɛshishifã amɔ shi ni nyɛma shi shiŋŋ yɛ suɔmɔ mli.

Efesobii 4:21

kɛji eyɛ mli akɛ nyɛnu ehe, ni atsɔ̃ɔ nyɛ nii yɛ emli hu, tamɔ bɔ ni ji anɔkwale yɛ Yesu mli lɛ,

Efesobii 5:20

Nyɛdaa Tsɛ Nyɔŋmɔ lɛ shi daa yɛ nii fiaa hewɔ yɛ wɔ Nuŋtsɔ Yesu Kristo gbɛi mli,

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

Kolosebii 3:17

Ni nɔ fɛɛ nɔ ni nyɛfeɔ yɛ wiemɔ loo nitsumɔ gbɛfaŋ lɛ, nyɛfea fɛɛ yɛ Yesu Kristo gbɛi mli, ni nyɛtsɔ̃a enɔ nyɛdaa Nyɔŋmɔ ni ji Tsɛ lɛ shi.

1 Tesalonikabii 5:18

nyɛdaa shi yɛ nɔ fɛɛ nɔ mli. Ejaakɛ enɛ ji Nyɔŋmɔ suɔmɔnaanii yɛ Kristo Yesu mli yɛ nyɛgbɛfaŋ.

2 Tesalonikabii 2:17

lɛ nɔŋŋ eshɛje nyɛmii ni ewaje nyɛ yɛ wiemɔ kpakpa kɛ nitsumɔ kpakpa fɛɛ mli.

Hebribii 13:15

Belɛ nyɛhãa wɔtsɔ̃a enɔ ni wɔkɛ yijiemɔ afɔle abahãa Nyɔŋmɔ daa; no ji, naabui ni jajeɔ egbɛi lɛ yibii lɛ.

Hebribii 13:9

Nyɛkahãa tsɔ̃ɔmɔi srɔtoi kɛ tsɔ̃ɔmɔi krokomɛi kɛ nyɛ miililaa shi; ejaakɛ ehi akɛ akɛ Nyɔŋmɔ dromɔ awo tsui hewalɛ, shi jeee niyenii ni hãaa mɛi ni tsuɔ he nii lɛ ana sɛɛ ko yɛ mli lɛ.

1 Petro 5:10

Shi dromɔ fɛɛ Nyɔŋmɔ ni tsɛ nyɛ kɛba enaanɔ anunyam lɛ mli yɛ Kristo Yesu mli lɛ, kɛ nyɛna amanehulu fioo nɛɛ etã lɛ, lɛ diɛŋtsɛ eeesaa nyɛ pɛ, ni eeewaje nyɛ, ni eeewo nyɛ hewalɛ ni eeehã nyɛfi shi shiŋŋ.

Yuda 1:12

Mɛnɛɛmɛi ji mɛi ni woɔ nyɛsuɔmɔ niyenii lɛ ahe muji, ejaakɛ amɛkɛ nyɛ yeɔ nii ni amɛsheee gbeyei. Ni amɛ diɛŋtsɛ amɛhe amɛlɛlɛɔ. Atatui ni nu bɛ amɛmli ni kɔɔyɔɔ kpalaa amɛ kɛbɔleɔ shi ji amɛ. Tsei ni yibiiwoo be mli lɛ amɛwooo yibii, shi amɛgboi shii enyɔ ni afãmɔ amɛ kɛ amɛshishifãi.

Yuda 1:20

Shi suɔmɔmɛi, nyɛ lɛ nyɛtswaa nyɛhe nyɛmaa nyɛhemɔkɛyeli ni he tse jogbaŋŋ lɛ nɔ, ni nyɛsɔlea yɛ Mumɔ Krɔŋkrɔŋ lɛ mli,

Yuda 1:24

Shi lɛ mɔ ni yɔɔ hewalɛ ni ekɛaabu nyɛhe ni nyɛkatɛrɛ ni eŋɔ nyɛ eyadamɔ enunyam lɛ hiɛ ni kpa ko bɛ nyɛhe yɛ mliflimɔ mli lɛ,