Kolosebii 2:4 - ŊMALƐ KRƆŊKRƆŊ LƐ

⁴ Shi miikɛɛ enɛ, koni mɔ ko kɛ naadɔkɔmɔ wiemɔ ko akashishiu nyɛ.

Ṅmãle̱ Kroṅkroṅ Le̱

⁴ Ši mĩkē̱ ene, koni moko ke̱ nādo̱ko̱-wieme̱ ko *akašišiunye, *Rom. 16,18.

Kolosebii 2:4 ပူးပေါင်းရင်းမြစ်များ

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

Mateo 24:4

Ni Yesu here nɔ ekɛɛ amɛ akɛ, “Nyɛkwɛa ni ahia koni mɔ ko akabalaka nyɛ.

Marko 13:22

ejaakɛ amale kristoi kɛ amale gbalɔi aaate shi ni amɛaafee okadii kɛ naakpɛɛnii koni kɛ aaaho lɛ, amɛlaka mɛi ni ahala lɛ tete.

Bɔfoi 20:30

Ni nyɛ diɛŋtsɛ nyɛteŋ hu lɛ, hii ni wieɔ nii ni ejaaa aaate shi, ni amɛaakpala kaselɔi lɛ amɛshwie amɛsɛɛ.

1 Korintobii 2:4

ni miwiemɔ kɛ mishiɛmɔ lɛ hu jeee gbɔmɛi anilee wiemɔi ni hãa mɔ yiŋ tsɔ̃ɔ mikɛshiɛ, shi moŋ wiemɔi ni jieɔ Nyɔŋmɔ Mumɔ lɛ hewalɛ kpo,

2 Korintobii 11:3

Shi miishe gbeyei akɛ aleenɔ, tamɔ bɔ ni onufu lɛ kɛ ekutumpɔo lɛ laka Hawa lɛ, nakai nɔŋŋ aaafite nyɛ hu nyɛjwɛŋmɔ ni nyɛŋmɛɛ suɔmɔ krɔŋŋ ni nyɛkɛsumɔɔ Kristo lɛ he.

Galatabii 2:4

Mɛi ni wo ketiafoo sane nɔ ji amale nyɛmimɛi komɛi ni ju shi kɛbafutu wɔ, ni amɛba nigii koni amɛbasara wɔhe ni wɔye yɛ Kristo Yesu mli lɛ, koni amɛye wɔ nyɔŋ;

Efesobii 4:14

koni wɔkakã he wɔfee abifabii ni tsɔ̃ɔmɔ fɛɛ tsɔ̃ɔmɔ hosoɔ amɛ tamɔ kɔɔyɔɔ hosoɔ nii, ni ekpalaa amɛ kɛyaa kɛbaa yɛ gbɔmɛi aŋaafɔŋtoo kɛ kutumpɔo ni akɛshishiuɔ mɛi lɛ naa.

Efesobii 4:17

No hewɔ lɛ, miikɛɛ ni miima nɔ mi yɛ Nuŋtsɔ lɛ mli, akɛ nyɛkanyiɛ tamɔ bɔ ni jeŋbii lɛ nyiɛɔ yɛ amɛyaka jwɛŋmɔ lɛ mli lɛ dɔŋŋ,

Efesobii 5:6

Nyɛkahãa mɔ ko kɛ wiemɔi foji miishishiua nyɛ, ejaakɛ nii nɛɛ ahewɔ ni Nyɔŋmɔ mlifu baa toigbelebii lɛ anɔ lɛ.

Kolosebii 2:18

Nyɛkahãa mɔ ko kɛ taomɔ ni etaoɔ akɛ nyɛkɛ heshibaa jwɛŋmɔ aja ŋwɛi bɔfoi miishɔ̃ nyɛjuromɔnii lɛ yɛ nyɛdɛŋ. Gbɔmɔ ni tamɔ nɛkɛ lɛ, nɔ nɔ ni edamɔ ji ninai, ni eheloo jwɛŋmɔ lɛ hãa ewoɔ ehe nɔ efolo,

Kolosebii 2:8

Nyɛkwɛa nyɛhe ni ahĩa, koni mɔ ko kɛ jeŋ nilee kɛ yaka shishiumɔ ni damɔ gbɔmɛi ablema tsɔ̃ɔmɔ kɛ je nɛɛŋ shishijee nibii anɔ, shi jeee Kristo nɔ lɛ, akaŋɔ nyɛ nom.

2 Timoteo 2:16

Shi yaka wiemɔ ni buleɔ mɔ lɛ, tsi ohe kɛjɛ he; ejaakɛ mɛi ni wieɔ nɛkɛ lɛ aaaya nɔ awo wu yɛ bu ni abuuu Nyɔŋmɔ mli.

2 Timoteo 3:13

Shi gbɔmɛi fɔ̃ji kɛ shishiulɔi aaawo wu yɛ efɔŋ mli; amɛlakaa mɛi ni amɛ hu alakaa amɛ.

1 Yohane 2:18

Gbekɛbii, naagbee ŋmɛlɛtswaa lɛ nɛ; ni bɔ ni nyɛnu akɛ Kristo henyɛlɔ lɛ miiba lɛ, Kristo henyɛlɔi lɛ pii eba amrɔ nɛɛ, hewɔ lɛ wɔle akɛ naagbee ŋmɛlɛtswaa lɛ nɛ.

1 Yohane 2:26

Mɛi ni hãa nyɛduɔ gbɛ lɛ ahewɔ miŋmaa nyɛ nii nɛɛ.

1 Yohane 4:1

Suɔmɔmɛi, nyɛkahea mumɔ fɛɛ mumɔ nyɛyea; shi moŋ nyɛkaa mumɔi lɛ nyɛkwɛa akɛ Nyɔŋmɔ mli amɛjɛ lo, ejaakɛ amalegbalɔi pii eba je lɛ mli.

2 Yohane 1:7

Ejaakɛ shishiulɔi pii eba je lɛ mli, mɛi ni ejajeee akɛ Yesu Kristo eba yɛ heloo mli. Mɔ nɛ ji shishiulɔ lɛ kɛ Kristo henyɛlɔ lɛ.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 20:3

ni eshɛ́ lɛ efɔ̃ bu kwɔŋkwɔŋ lɛ mli, ni eŋa naa ni esɔo naa, koni ekashishiu jeŋmaji lɛ dɔŋŋ kɛyashi beyinɔ ni aaagbe afii akpe lɛ naa. Ni no sɛɛ lɛ ja afɛne lɛ be fioo ko.

Kpojiemɔ 20:8

ni ebaaje kpo ni eyashishiu jeŋmaji lɛ ni yɔɔ shikpɔŋ koji ejwɛ lɛ, Gog kɛ Magog, koni ebua amɛnaa kɛkpe ni amɛya ta. Amɛyifalɛ tamɔ ŋshɔ naa shia.