Kolosebii 2:2 - ŊMALƐ KRƆŊKRƆŊ LƐ

² Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

Ṅmãle̱ Kroṅkroṅ Le̱

² koni ame̱tšé̱ ame̱tšuii ame̱ṅmẽ ame̱mli, ni ame̱fe ekome ye̱ suomo̱ mli ke̱-mõ šišinamo̱ ni ayo̱ hewale̱ ye̱ no̱ le̱ fále̱ le̱ fē mli, ni ame̱le tše̱ Nyoṅmo̱ le̱ ke̱ Kristo tẽmo̱sane le̱,

Kolosebii 2:2 ပူးပေါင်းရင်းမြစ်များ

1 Maŋtsɛmɛi 3:28

Be ni Israelbii fɛɛ nu bɔ ni Maŋtsɛ Solomon bua sane nɛɛ he ehã lɛ, amɛkɛ bulɛ kpele hã maŋtsɛ lɛ, ejaakɛ amɛna akɛ Nyɔŋmɔ nilee yɛ emli, ni no hã enyɛ nɛkɛ kojomɔ ekojo!

Lalai 133:1

Kwɛ bɔ ni ehi, bɔ ni eyɔɔ fɛo, kɛji nyɛmimɛi fee ekome kɛhi shi lɛ!

Yesaia 32:17

Jalɛ saneyeli lɛ hesɛɛnamɔ baafee toiŋjɔlɛ kɛ hejɔlɛ shihilɛ kɛ nyɛmi hemɔkɛyeli.

Yesaia 40:1

“Nyɛshɛjea, nyɛshɛjea mimaŋ lɛ mii!” WɔNyɔŋmɔ lɛ kɛɛ.

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Yeremia 9:24

shi mɔ ni shwãa lɛ, eshwã efɔ̃, enɛ moŋ nɔ; akɛ ele mi, ni enuɔ mi shishi, akɛ mi ji Yehowa ni misuɔmɔ sɛɛ efooo, ni miyeɔ jalɛ sane yɛ shikpɔŋ lɛ nɔ. Enɛɛmɛi ahe moŋ minyaa. Mi, Yehowa, mikɛɛ.”

Mateo 11:25

Nakai be lɛ mli lɛ Yesu kɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ okɛ nii nɛɛ etee nilelɔi kɛ jwɛŋlɔi, ni ojie otsɔ̃ɔ abifabii.

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Mateo 13:11

Shi ehere nɔ ekɛɛ amɛ akɛ, “Ejaakɛ nyɛ lɛ akɛhã nyɛ akɛ nyɛle ŋwɛi maŋtsɛyeli lɛ mli teemɔ saji lɛ, shi amɛ lɛ akɛ hãko amɛ.

Luka 1:1

Akɛni mɛi pii ekɔ efɔ̃ amɛnɔ akɛ amɛaaŋma saji ni eba mli yɛ wɔteŋ

Yohane 10:30

Mi kɛ Tsɛ lɛ fɛɛ lɛ, ekomeŋ.”

Yohane 10:38

shi kɛji no mitsuɔ, ni kɛ̃lɛ nyɛheee mi nyɛyeee lɛ, nyɛhea nitsumɔi lɛ kɛkɛ nyɛyea mɔ, koni nyɛle ni nyɛhe nyɛye akɛ Tsɛ lɛ yɛ mimli, ni mi hu miyɛ Tsɛ lɛ mli.”

Yohane 16:15

Nii fiaa ni Tsɛ lɛ yɔɔ lɛ, minɔŋ; no hewɔ ni mikɛɛ akɛ, ebaaŋɔ minɔ lɛ eko, ni etsi tã etsɔ̃ɔ nyɛ lɛ.”

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Yohane 5:17

Shi Yesu here amɛ nɔ ekɛɛ, “MiTsɛ miitsu nii kɛbashi be nɛ, ni mi hu miitsu.”

Yohane 5:23

koni mɛi fɛɛ abu Bi lɛ, tamɔ bɔ ni amɛbuɔ Tsɛ lɛ. Mɔ ni ebuuu Bi lɛ, ebuuu Tsɛ lɛ ni tsu lɛ lɛ hu.

Yohane 6:69

ni wɔ lɛ wɔhe wɔye ni asaŋ wɔna wɔle akɛ bo ji Nyɔŋmɔ Mɔ Krɔŋkrɔŋ lɛ!”

Bɔfoi 4:32

Shi mɛi babaoo lɛ ni heɔ yeɔ lɛ fɛɛ hiɛ tsui koome kɛ susuma koome, ni amɛteŋ mɔ ko mɔ ko tsɛɛɛ enii ni eyɔɔ lɛ amli eko akɛ lɛ diɛŋtsɛ enɔ, shi eyɛ hã amɛ fɛɛ.

Romabii 15:13

Shi Nyɔŋmɔ ni ji wɔhiɛnɔkãmɔ lɛ kɛ miishɛɛ kɛ hejɔlɛ fɛɛ awo nyɛ obɔ̃bɔ̃ɔbɔ̃ yɛ hemɔkɛyeli mli, koni nyɛna hiɛnɔkãmɔ ni ateke nɔ yɛ Mumɔ Krɔŋkrɔŋ hewalɛ mli.

Romabii 16:25

Shi mɔ ni aaanyɛ ahã nyɛfi shi shiŋŋ yɛ misanekpakpa lɛ kɛ Yesu Kristo shiɛmɔ lɛ naa, yɛ teemɔ sane ni akɛtee kɛjɛ naanɔ beebe lɛ kpojiemɔ naa,

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

1 Korintobii 14:31

Ejaakɛ kɛ afee lɛ mɔ kome mɔ kome lɛ, nyɛ fɛɛ nyɛaanyɛ nyɛgba, koni mɛi fɛɛ akase nii, ni awo mɛi fɛɛ hewalɛ.

1 Korintobii 2:12

Shi wɔ lɛ, jeee je nɛɛ mli mumɔ lɛ wɔna, shi moŋ Mumɔ ni jɛ Nyɔŋmɔ mli lɛ, koni wɔle nii ni Nyɔŋmɔ kɛduro wɔ lɛ.

Galatabii 3:28

Yudanyo bɛ lɛ, Helanyo hu bɛ dɔŋŋ; nyɔŋ bɛ lɛ, odehe hu bɛ dɔŋŋ; nuu bɛ lɛ, yoo hu bɛ dɔŋŋ: ejaakɛ nyɛ fɛɛ lɛ mɔ kome ji nyɛ yɛ Kristo Yesu mli.

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

Efesobii 3:16

Ni yɛ enunyam falɛ naa lɛ ehã nyɛtsɔ̃ eMumɔ lɛ nɔ nyɛhe awa kpiŋtiŋŋ yɛ nyɛmli gbɔmɔ lɛ gbɛfaŋ,

Efesobii 3:3

kpojiemɔ nɔ etsɔ̃ ehã mile teemɔ sane lɛ, tamɔ bɔ ni miŋma nyɛ fioo momo lɛ.

Efesobii 6:22

Ejaakɛ enɛ nɔŋŋ hewɔ mitsu lɛ nyɛŋɔɔ lɛ, bɔ ni afee ni nyɛle bɔ ni wɔyɔɔ, ni ehã nyɛtsui anyɔ nyɛmli.

Filipibii 2:1

No hewɔ lɛ, kɛ Kristo mli hewalɛwoo ko yɛ, kɛ suɔmɔ miishɛjemɔ ko yɛ, kɛ mumɔŋ naanyobɔɔ ko yɛ, kɛ musuŋtsɔlɛ kɛ mɔbɔnalɛ ko yɛ lɛ,

Filipibii 3:8

Anɔkwale mli lɛ mibuɔ fɛɛ akɛ shigbeemɔ yɛ Kristo Yesu, miNuŋtsɔ lɛ, he nilee ni fe nii fɛɛ lɛ hewɔ; lɛ ehewɔ ni nii fɛɛ ebɔ mi, ni mibuɔ amɛ akɛ tumo nɔ nii, koni mana Kristo,

Kolosebii 1:26

Enɛ ji teemɔ sane ni akɛtee kɛjɛ teteete kɛ yinɔi lɛ anɔ lɛ, shi agbɛnɛ lɛ ajie lɛ kpo atsɔ̃ɔ emɛi krɔŋkrɔŋi lɛ.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

Kolosebii 1:9

Enɛ hewɔ lɛ, wɔ hu, kɛjɛ gbi nɔ ni wɔnu lɛ, wɔfɔ̃ko sɔlemɔ kɛ faikpamɔ kɛ nyɛ hãmɔ, koni nyɛyimɔ obɔ̃bɔ̃ kɛ esuɔmɔnaanii alee yɛ mumɔŋ nilee kɛ shishinumɔ fɛɛ mli.

Kolosebii 2:19

ni ehiɛɛɛ Kristo ni ji yitso lɛ mli, mɔ mli ni gbɔmɔtso lɛ fɛɛ tsɔ̃ɔ talɔi kɛ fai lɛ anɔ enaa nii ni hiaa lɛ kɛjeɔ ni emɔmɔ̃ɔ ehe kɛshimɔ̃ɔ ehe nɔ kɛdaa bɔ ni Nyɔŋmɔ taoɔ lɛ.

Kolosebii 3:14

Shi enɛɛmɛi fɛɛ sɛɛ lɛ nyɛwoa suɔmɔ ni ji kpãa ni fiɔ nibii fɛɛ feɔ lɛ ekome ni ehãa eyeɔ emuu lɛ.

Kolosebii 4:3

Ni nyɛsaa nyɛsɔlea nyɛhãa wɔ hu, koni Nyɔŋmɔ agbele gbɛ ahã wɔ hã wiemɔ lɛ, ni wɔwie Kristo teemɔ sane lɛ, nɔ hewɔ hu ni mikã kpãa mli nɛɛ.

Kolosebii 4:8

Enɛ nɔŋŋ hewɔ mitsu lɛ nyɛŋɔɔ, koni nyɛle bɔ ni wɔyɔɔ, ni eshɛje nyɛmii.

1 Tesalonikabii 1:5

akɛ wɔSanekpakpa lɛ baaa nyɛŋɔɔ yɛ wiemɔ mli kɛkɛ, shi moŋ yɛ Mumɔ Krɔŋkrɔŋ lɛ hewalɛ kɛ nɔmimaa babaoo mli, tamɔ bɔ ni nyɛle lɛ, no ji bɔ ni wɔtsɔ̃ wɔba wɔjeŋ yɛ nyɛteŋ yɛ nyɛhewɔ lɛ.

1 Tesalonikabii 3:2

ni wɔtsu Timoteo ni ji wɔnyɛmi kɛ Nyɔŋmɔ sɔ̃ɔlɔ kɛ wɔnaanyo nitsulɔ yɛ Kristo Sanekpakpa lɛ mli lɛ. Wɔtsu lɛ ni ebawo nyɛ hewalɛ ni eshɛje nyɛmii yɛ nyɛhemɔkɛyeli lɛ gbɛfaŋ,

1 Tesalonikabii 5:14

Ni wɔmiikpa nyɛ fai, anyɛmimɛi, nyɛwiea nyɛtsɔ̃a hejɔ̃lɔi lɛ, nyɛwoa gbeyelɔi lɛ ekãa; nyɛwaa mɛi ni yɔɔ gbedee lɛ; nyɛtoa nyɛtsui shi nyɛhãa mɛi fɛɛ.

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Hebribii 10:22

nyɛhãa wɔkɛ anɔkwa tsui ababɛŋkɛa yɛ hemɔkɛyeli ni wɔyɔɔ hewalɛ yɛ nɔ lɛ mli, kɛ tsui hu ni atsuu he ni ebɛ henilee fɔŋ ko dɔŋŋ, kɛ gbɔmɔtso ni akɛ nu ni mli tse eju he.

Hebribii 6:11

Shi wɔmiitao akɛ nyɛteŋ mɔ fɛɛ mɔ ajie nɛkɛ mɔdɛŋbɔɔ nɛɛ nɔŋŋ kpo, koni nyɛna hiɛnɔkãmɔ lɛ nɔmimaa kɛyashi naagbee,

2 Petro 1:10

Belɛ no hewɔ lɛ, anyɛmimɛi, nyɛbɔa mɔdɛŋ ni nyɛtsɛmɔ kɛ nyɛhalamɔ lɛ ama shi shiŋŋ; ejaakɛ, kɛ nyɛfee enɛ lɛ, nyɛtɛrɛŋ gbi ko gbi ko.

2 Petro 1:3

ENyɔŋmɔ hewalɛ lɛ kɛ nii fiaa ni hi hã wala kɛ Nyɔŋmɔ gbeyeishemɔ lɛ eke wɔ yɛ mɔ ni tsɔ̃ lɛ diɛŋtsɛ enunyam kɛ ehewalɛ nɔ etsɛ wɔ lɛ he nilee mli.

2 Petro 3:18

Shi nyɛshwerea yɛ wɔNuŋtsɔ kɛ yiwalaherelɔ Yesu Kristo dromɔ kɛ nilee lɛ mli. Lɛ nɔŋŋ aŋɔ anunyam ahã agbɛnɛ kɛ daa. Amen!

1 Yohane 3:19

Ni no wɔkɛaale akɛ anɔkwale lɛ mli wɔjɛ, ni wɔɔtsɛ wɔtsui wɔŋmɛ wɔmli yɛ Nyɔŋmɔ hiɛ.

1 Yohane 5:7

Shi mɛi etɛ̃ ji mɛi ni yeɔ odase lɛ, ejaakɛ Mumɔ lɛ ji anɔkwale lɛ.