Kolosebii 2:15 - ŊMALƐ KRƆŊKRƆŊ LƐ

¹⁵ Ni ekpɔlɔ onukpayelii kɛ hewalɛi lɛ ahe nii, ni ebɔ amɛ ahora faŋŋ, ni enyã yɛ amɛnɔ.

Ṅmãle̱ Kroṅkroṅ Le̱

¹⁵ ni ekplo̱ onukpayelii ke̱ hewale̱i le̱ ahe nii, ni ebo̱ame̱ ahora faṅṅ, ni enyā ye̱ ame̱no̱ ye̱ le̱dientše̱ emli. 1,13.

Kolosebii 2:15 ပူးပေါင်းရင်းမြစ်များ

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

Lalai 68:18

Okwɔ kɛtee gɔŋ grɔŋŋ lɛ nɔ, kɛ nomii ni nyiɛ osɛɛ, ohe nikee kɛjɛ mɛi, mɛi tete ni te shi wo bo lɛ adɛŋ, Yehowa, Nyɔŋmɔ lɛ, baahi jɛi.

Yesaia 53:12

No hewɔ lɛ, maha lɛ egbɛfaŋnɔ yɛ mɛi wuji ateŋ; ni ekɛ hewalɔi aaaja haanii, ejaakɛ eŋɔ ehe eha gbele, ni abu lɛ ashi mlanɔtɔlɔi anɔ, kɛ̃lɛ etere mɛi pii ahe eshai, ni edamɔ mli eha eshafeelɔi.”

Mateo 12:29

Shi kulɛ te aaafee tɛŋŋ ni mɔ ko aaanyɛ hewalɔ we abote ni eyaha enibiiŋ, akɛ ja efi hewalɔ lɛ dani eeewo ewe lɛ haa?

Luka 10:18

Shi Yesu kɛɛ amɛ akɛ, “Mina Satan jɛ ŋwɛi bagbee shi tamɔ srawa.

Luka 11:22

shi kɛji mɔ ni he wa fe lɛ batua lɛ ni eye enɔ kunim lɛ, eshɔ̃ɔ etawuunii ni eŋɔɔ ehiɛ efɔ̃ɔ nɔ lɛ fɛɛ yɛ edɛŋ ni ejaa enomŋɔɔnii lɛ.

Yohane 16:11

eeekã je lɛ yɛ kojomɔ he, ejaakɛ akojo je nɛɛŋ lumɔ lɛ momo.

Yohane 19:30

Ni be ni Yesu he ashiŋ lɛ, ekɛɛ, “Agbe naa!” Ni ema eyi shi, ni ebu enaa.

1 Korintobii 15:24

no sɛɛ dani naagbee lɛ baaba, be ni ekɛ maŋtsɛyeli lɛ aaahã Nyɔŋmɔ, Tsɛ lɛ, ni eeefo nɔyeli fɛɛ kɛ hegbɛ fɛɛ kɛ hewalɛ fɛɛ sɛɛ lɛ.

2 Korintobii 2:14

Shi shidaa ahã Nyɔŋmɔ, mɔ ni tsɔ̃ɔ Yesu Kristo nɔ nyiɛɔ wɔhiɛ be fɛɛ be yɛ ekunimyeli lɛ mli lɛ, ni etsɔ̃ɔ wɔnɔ ehãa enilee ŋmajee lɛ jeɔ kpo yɛ he fɛɛ he lɛ.

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

Efesobii 3:10

koni agbɛnɛ atsɔ̃ asafo lɛ nɔ ahã onukpai kɛ mɛi ni yɔɔ hegbɛ yɛ ŋwɛiniiaŋ lɛ ale Nyɔŋmɔ nilee ni jieɔ ehe kpo yɛ gbɛi srɔtoi pii anɔ lɛ.

Efesobii 4:8

No hewɔ lɛ, ekɛɛ, “Ekwɔ kɛtee ŋwɛi, ni eŋɔ nomi anom, ni ekɛ nikeenii hã gbɔmɛi.”

Efesobii 6:12

Ejaakɛ jeee gbɔmɛi wɔkɛna lɛ, shi moŋ wɔkɛ onukpayelii kɛ hegbɛi kɛ je nɛɛŋ duŋ lɛ mli lumɛi lɛ kɛ mumɔi fɔ̃ji ni yɔɔ ŋwɛiniiaŋ lɛ.

Kolosebii 1:16

Ejaakɛ emli abɔ nii fiaa yɛ, nii ni yɔɔ ŋwɛi kɛ nii ni yɔɔ shikpɔŋ lɛ nɔ, nii ni anaa kɛ nii ni anaaa, maŋtsɛ sɛii jio, nɔyelii jio, onukpayelii jio, hegbɛi jio, nii lɛ fɛɛ lɛ, enɔ atsɔ̃ abɔ, ni lɛ nɔŋŋ abɔ ahã.

Kolosebii 2:10

ni nyɛye emuu yɛ emli, lɛ mɔ ni ji onukpayeli kɛ hegbɛ fɛɛ yitso lɛ.

Hebribii 2:14

No hewɔ lɛ, akɛni bii lɛ hiɛ heloo kɛ lá kome hewɔ lɛ, lɛ hu eŋɔ no nɔŋŋ eko tamɔ amɛ, koni etsɔ̃ gbele nɔ ekpãtã mɔ ni yɔɔ gbele nɔ hewalɛ ni ji abonsam lɛ hiɛ,

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 20:10

Ni abonsam lɛ ni shishiuɔ amɛ lɛ, ashɛ lɛ afɔ̃ la kɛ swɔɔ kpaakpo lɛ mli, he ni kooloo lɛ kɛ amale gbalɔ lɛ hu yɔɔ lɛ, ni aaapiŋ amɛ nyɔɔŋ kɛ shwane kɛaatee naanɔi anaanɔ.