Kolosebii 2:13 - ŊMALƐ KRƆŊKRƆŊ LƐ

¹³ Ni nyɛ ni nyɛ ji gbohii yɛ nyɛnɔtɔ̃mɔi lɛ kɛ nyɛheloofoo lɛ mli lɛ, ehã nyɛ kɛ lɛ fɛɛ wala, ni ekɛ nyɛnɔtɔ̃mɔi lɛ fɛɛ efa nyɛ.

Ṅmãle̱ Kroṅkroṅ Le̱

¹³ Ni nye ni nyedši ghohīī ye̱ nyeno̱tõmo̱i le̱ ke̱ nyehelo fõ le̱ mli le̱, ehãnye ke̱le̱ fẽ wala, ni eke̱ nyeno̱tõmo̱i le̱ fẽ efanye. Ef 2,1. 5.

Kolosebii 2:13 ပူးပေါင်းရင်းမြစ်များ

Lalai 119:50

Enɛ ji mimiishɛjemɔ yɛ mimanehulu lɛ mli, akɛ owiemɔ lɛ hãa miyi naa wala.

Lalai 32:1

Ajɔɔ mɔ ni akɛ etɔmɔ efa lɛ, ni atsumɔ ehe eshai lɛ.

Lalai 71:20

Bo mɔ ni ohã mina amanehului babaoo ni jaraa lɛ, bo nɔŋŋ ooowo mi hewalɛ ekoŋŋ. Ooojie mi kɛje gbonyo bu mli, ni okɛ mi aaaba kpo nɔ ekoŋŋ.

Yesaia 1:18

Yehowa kɛɛ akɛ, “Nyɛbaa agbɛnɛ; nyɛhãa wɔtaoa naa. Kɛji nyɛhe eshai lɛ tsuɔ tamɔ lá tete po, amɛbaayɛ futaa tamɔ snoo; ni kɛji amɛtsuɔ fɔɔ tamɔ kɔɔjaŋ po, amɛbaatsɔ̃ tamɔ too he tsɔ̃i yɛŋ.

Yesaia 55:7

Ha mɔ fɔŋ lɛ akwa ejeŋba fɔŋ lɛ; ni nɔshafeelɔ atsake ejwɛŋmɔ. Ha eku esɛɛ kɛba Yehowa ŋɔɔ ni emusuŋ aaatsɔ lɛ yɛ ehewɔ. Ekpale kɛba wɔNyɔŋmɔ lɛ ŋɔɔ, ni ekɛaafa lɛ aahu.

Yeremia 31:34

Ni mɔ ko etsɔŋ enaanyo, ni mɔ ko hu etsɔŋ enyɛmi dɔŋŋ akɛ, ‘Le Yehowa’, ejaakɛ amɛ fɛɛ kwa amɛaale mi, kɛjɛ amɛteŋ mɔ bibioo nɔ kɛyashi mɔ wulu nɔ, ejaakɛ mikɛ amɛnishaianii lɛ baafa amɛ, ni mikaiŋ eshai ni amɛfee lɛ dɔŋŋ. Mi Yehowa, mikɛɛ.”

Luka 15:24

ejaakɛ mibi nɛɛ gbo, ni ehiɛ etsɛ̃ ekoŋŋ; elaaje, ni ana lɛ.’ Ni amɛbɔ̃i nyamɔ.

Luka 15:32

shi esa akɛ wɔnya ni wɔmii ashɛ wɔhe, ejaakɛ onyɛmi nɛɛ gbo, ni ehiɛ etsɛ̃ ekoŋŋ, elaaje, ni ana lɛ.’ ”

Luka 9:60

Ni Yesu kɛɛ lɛ akɛ, “Hã ni gbohii afu amɛgbohii, shi bo lɛ yaa ni oyashiɛ Nyɔŋmɔ Maŋtsɛyeli lɛ!”

Yohane 5:21

Ejaakɛ bɔ ni Tsɛ lɛ teɔ gbohii ashi ni ehãa amɛ wala lɛ, nakai nɔŋŋ Bi lɛ hu hãa mɛi ni esumɔɔ lɛ wala.

Yohane 6:63

Mumɔ lɛ ji mɔ ni hãa wala lɛ; heloo lɛ ehe bɛ sɛɛnamɔ ko. Wiemɔi ni mikɛ nyɛ wie lɛ, mumɔ ni, ni wala ni.

Romabii 4:17

tamɔ bɔ ni aŋma lɛ akɛ, “Mikɛ bo efee jeŋmaji pii atsɛ” yɛ Nyɔŋmɔ mɔ ni ehe eye lɛ hiɛ, mɔ hu ni tsiɛ̃ɔ gbohii ahiɛ, ni etsɛɔ nibii ni bɛ lɛ kɛbaa tamɔ nɔ ni amɛyɛ momo lɛ.

Romabii 6:13

ni asaŋ nyɛkɛ nyɛhenii lɛ akahãa esha akɛ esha lɛ tawuunii; shi moŋ nyɛkɛ nyɛhe ahãa Nyɔŋmɔ akɛ mɛi ni hiɛ etsɛ̃ kɛjɛ gbohii ateŋ, ni nyɛkɛ nyɛhenii lɛ afea jalɛ tawuunii nyɛhãa Nyɔŋmɔ.

Romabii 8:11

Shi kɛ mɔ ni tee Yesu shi kɛjɛ gbohii ateŋ lɛ mumɔ lɛ hiɔ nyɛmli lɛ, mɔ ni tee Kristo shi kɛjɛ gbohii ateŋ lɛ aaahã nyɛgbɔmɔtsei ni baagboi lɛ hu yi ana wala yɛ eMumɔ ni hiɔ nyɛmli lɛ hewɔ.

1 Korintobii 15:36

Kwashia! Nɔ ni bo diɛŋtsɛ oduɔ lɛ, ja egbo fɛɛ da ni eyi naa wala.

1 Korintobii 15:45

Nakai aŋma hu akɛ, “Adam ni ji klɛŋklɛŋ gbɔmɔ lɛ tsɔ̃ susuma ni hiɛ kã;” naagbee Adam lɛ tsɔ̃ mumɔ ni hãa mɔ yi naa wala.

2 Korintobii 3:6

lɛ ehã wɔtsɔ̃mɔ mɛi ni sa akɛ akɛfee kpãŋmɔ hee lɛ sɔ̃ɔlɔi, jeee nɔ ni aŋma shi moŋ Mumɔ nɔ; ejaakɛ nɔ ni aŋma lɛ gbeɔ mɔ; shi Mumɔ lɛ hãa mɔ yi naa wala.

2 Korintobii 5:19

no ji akɛ Nyɔŋmɔ tsɔ̃ Kristo nɔ ekɛ je lɛ kpãtã, ni ebuuu amɛnɔ̃tɔ̃mɔi lɛ ehãaa amɛ, ni etu kpãtãmɔ wiemɔ lɛ ewo wɔdɛŋ.

Efesobii 2:1

Nyɛ hu kulɛ gbohii ji nyɛ yɛ nyɛ nɔtɔmɔi kɛ nyɛhe eshai lɛ amli.

Efesobii 2:11

No hewɔ lɛ, nyɛkaia akɛ nyɛ ni sa ni nyɛ ji jeŋmajiaŋbii yɛ heloo gbɛfaŋ ni mɛi ni atsɛɔ amɛ ketiafolɔi ni akɛ niji folɔ amɛ ketia yɛ heloo mli lɛ tsɛɔ nyɛ foolɔi lɛ,

Efesobii 5:14

No hewɔ ni ekɛɛ, “Ohiɛ atsɛ̃, bo mɔ ni owɔɔ lɛ, ni ote shi kɛjɛ gbohii ateŋ ni Kristo aaatso ahã bo!”

Kolosebii 2:12

Ejaakɛ afu nyɛ kɛ lɛ yɛ baptisimɔ lɛ mli; ni emli hu atee nyɛ shi yɛ yɛ Nyɔŋmɔ ni tee lɛ shi kɛjɛ gbohii ateŋ lɛ hewalɛ lɛ nɔ hemɔkɛyeli naa.

1 Timoteo 5:6

Shi yoo okulafo ni bɔɔ ahoshwi lɛ, ehiɛ kã nɛ, shi egbo.

1 Timoteo 6:13

Miiwo bo kitã yɛ Nyɔŋmɔ ni hãa nibii fiaa wala lɛ kɛ Kristo Yesu ni ye jajemɔ fɛɛfɛo lɛ he odase yɛ Pontio Pilato yinɔ lɛ hiɛ,

Hebribii 6:1

No hewɔ lɛ, nyɛhãa wɔshĩa Kristo he nitsɔɔmɔ lɛ shishijee nibii lɛ, ni wɔfo mli kɛya tsɔ̃ɔmɔi ni sa onukpai ahe; ni wɔkakã he wɔto nitsumɔi ni egboi ahe tsuitsakemɔ kɛ Nyɔŋmɔ nɔ hemɔkɛyeli,

Hebribii 9:14

enyiɛ nɔŋŋ ni Kristo ni tsɔ̃ naanɔ Mumɔ lɛ nɔ eŋɔ ehe ni kpa ko bɛ he lɛ ehã Nyɔŋmɔ akɛ afɔle lɛ lá lɛ tsumɔŋ wɔhenilee lɛ he kɛjɛŋ nitsumɔi gbohii amli, koni wɔsɔ̃mɔ Nyɔŋmɔ hiɛkãalɔ lɛ?

Yakobo 2:17

Nakai nɔŋŋ hemɔkɛyeli hu kɛ nitsumɔi bɛ he lɛ, eji hemɔkɛyeli ni egbo.

Yakobo 2:20

Ao, yaka gbɔmɔ, Ootao ole akɛ hemɔkɛyeli ni nitsumɔi bɛ he lɛ hemɔkɛyeli ni egbo ni lo?

Yakobo 2:26

Ejaakɛ tamɔ bɔ ni gbɔmɔtso ni mumɔ bɛ mli lɛ ji gbonyo lɛ, nakai nɔŋŋ hemɔkɛyeli ni nitsumɔi bɛ he lɛ hu ji hemɔkɛyeli ni egbo.

1 Yohane 2:12

Miiŋma nyɛ, mibii bibii, ejaakɛ akɛ nyɛhe eshai lɛ efa nyɛ yɛ Kristo gbɛi lɛ hewɔ.