Kolosebii 2:11 - ŊMALƐ KRƆŊKRƆŊ LƐ

¹¹ Lɛ emli afolɔ nyɛ ketia hu yɛ, jeee ketia ni akɛ nine fo, shi moŋ ketiafoo ni ji heloo gbɔmɔtso lɛ jiemɔ yɛ Kristo ketiafoo lɛ mli.

Ṅmãle̱ Kroṅkroṅ Le̱

¹¹ mo mli ni aflo̱nye ketia hũ ye̱, ke̱ ketiafō ni dšee nidši aṅõfe, ši moṅ *noni yo̱ helo ešai agbomotšo le̱ dšiemo̱ le̱ mli, ye̱ Kristo ketiafō le̱ mli le̱; *1 Pet. 3,21. Rom. 2,29.

Kolosebii 2:11 ပူးပေါင်းရင်းမြစ်များ

Yeremia 4:4

Nyɛjiea nyɛtsuii amli muji lɛ nyɛshwiea tamɔ afoɔ ketia kɛjieɔ foo koni nyɛkɛ nyɛhe ahã Yehowa. Nyɛ Yudahii kɛ nyɛ Yerusalɛmbii, kɛjeee nakai lɛ mimlila lɛ baanina nyɛ tamɔ la yɛ nyɛnifɔɔjianii lɛ ahewɔ, ni ebaashã nii, mɔ ko bɛ ni aaanyɛ agbe.”

Marko 14:58

“Wɔ diɛŋtsɛ wɔnu ni ekɛɛ akɛ, ‘Mi lɛ makumɔ Sɔlemɔtsu nɛɛ ni akɛ niji fee lɛ, ni gbii etɛ̃ mli lɛ mamã ekroko ni jeee niji akɛfee.’ ”

Luka 2:21

Ni be ni gbii kpaanyɔ shɛ ni abaafo gbekɛ lɛ ketia lɛ, awo lɛ gbɛi akɛ Yesu, ni ji gbɛi ni bɔfo lɛ wo lɛ dani ana lɛ musu lɛ.

Bɔfoi 17:24

Nyɔŋmɔ ni bɔ je lɛ kɛ emli nibii fɛɛ lɛ, lɛ ji ŋwɛi kɛ shikpɔŋ nuŋtsɔ lɛ; ehiii Sɔlemɔtsui ni akɛ niji ma amli,

Bɔfoi 7:48

“Tsɛbelɛ Ŋwɛinyo lɛ ehiii tsui ni akɛ niji fee amli, tamɔ bɔ ni gbalɔ lɛ hu kɛɛ lɛ,

Romabii 2:29

shi moŋ mɔ ni ji Yudanyo yɛ mligbɛ lɛ ji Yudanyo, ni tsui mli ketiafoo ji nɔ ni atsɔ̃ Mumɔ lɛ nɔ afo, shi jeee Mla lɛ nɔ, ni eyijiemɔ lɛ jɛɛɛ gbɔmɛi aŋɔɔ, shi moŋ Nyɔŋmɔ ŋɔɔ ejɛɔ.

Romabii 6:6

ejaakɛ wɔle enɛ akɛ asɛŋ wɔgbɔmɔ momo lɛ kɛ lɛ, koni esha gbɔmɔtso lɛ hiɛ akpãtã ni wɔkasɔ̃mɔ esha lɛ dɔŋŋ.

Romabii 7:24

Gbɔmɔ ni nii yɔɔ mɔbɔ ji mi! Namɔ aaajie mi kɛaajɛ gbele gbɔmɔtso nɛɛ dɛŋ?

2 Korintobii 5:1

Ejaakɛ wɔle akɛ, kɛ akumɔ wɔbuu ni wɔyɔɔ mli ni ji wɔshikpɔŋ nɛɛ nɔ gbɔmɔtso lɛ shĩa jiŋŋ, wɔyɛ tsu ko ni jɛ Nyɔŋmɔ ŋɔɔ, shĩa ko ni jeee niji akɛfee, ni hiɔ shi kɛyaa naanɔ yɛ ŋwɛi.

2 Korintobii 5:17

Hewɔ lɛ, kɛ mɔ ko yɛ Kristo mli lɛ, bɔɔnɔ hee ji lɛ; blema nii lɛ eho; naa, nibii fɛɛ etsɔ̃mɔ ehee.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Galatabii 5:24

Shi mɛi ni ji Kristo nii lɛ, amɛsɛŋ heloo lɛ kɛ ehiɛdɔɔnii kɛ ekɔnɔi lɛ fɛɛ.

Efesobii 4:22

akɛ nyɛshɛ nɔ ni ji gbɔmɔ momo yɛ nyɛsa jeŋba lɛ naa gbɔmɔ ni efite yɛ shishiumɔ sɛɛdii lɛ anaa lɛ nyɛfɔ̃.

5 Mose 10:16

No hewɔ lɛ, nyɛtsakea nyɛtsui ni nyɛkpliŋ lɛ, ni nyɛkafea nyɛhe kuɛŋtilɔi dɔŋŋ.

5 Mose 30:6

Yehowa, nyɛNyɔŋmɔ lɛ, aaahã nyɛ kɛ nyɛshwiei hu atsake nyɛtsui bɔ ni afee ni nyɛkɛ nyɛtsui kɛ nyɛnyɛmɔ fɛɛ asumɔ Yehowa, nyɛNyɔŋmɔ lɛ, koni nyɛyi ana wala.

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Kolosebii 3:5

No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.

Hebribii 9:11

Shi Kristo ni ba akɛ nibii kpakpai ni baaba lɛ ahe Osɔfonukpa lɛ, etsɔ̃ buu ni da ni hi kɛwula shi fe klɛŋklɛŋ nɔ lɛ mli; buu ni jeee niji akɛfee, no ji akɛ jeee je nɛɛ mli bɔɔnii amli ejɛ;

Hebribii 9:24

Ejaakɛ jeee He Krɔŋkrɔŋ ni akɛ niji fee ni ji nii lɛ diɛŋtsɛ lɛ afoniri kɛkɛ lɛ mli Kristo yabote lɛ; shi moŋ ŋwɛi diɛŋtsɛ eyabote, koni agbɛnɛ eyapue yɛ Nyɔŋmɔ hiɛ ehã wɔ.