Kolosebii 1:6 - ŊMALƐ KRƆŊKRƆŊ LƐ

⁶ Sanekpakpa lɛ eshɛ nyɛŋɔɔ tamɔ bɔ nɔŋŋ ni eyɔɔ yɛ jeŋ muu lɛ fɛɛ mli, ni eewo yibii ni eeshwere, tamɔ bɔ ni efeɔ yɛ nyɛ hu nyɛteŋ kɛjɛ gbi nɔ ni nyɛnu ni nyɛna nyɛle Nyɔŋmɔ dromɔ lɛ yɛ anɔkwale mli lɛ.

Ṅmãle̱ Kroṅkroṅ Le̱

⁶ noni eše̱ nyeṅõ take̱ bo̱ noṅṅ ni eyo̱ ye̱ dšeṅ mū le̱ fẽ mli, ní ewoo̱ yibii ni eſereo̱, take̱ bo̱ni efeo̱ ye̱ nye hũ nyeteṅ ke̱-dše̱ gbĩ no̱ ni nyenu ni nyená nyele Nyoṅmo̱ dromo̱ le̱ ye̱ ano̱kwale mli le̱;

Kolosebii 1:6 ပူးပေါင်းရင်းမြစ်များ

Lalai 110:3

Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

Lalai 98:3

Ekai esuɔmɔ ni tsakeee lɛ kɛ enɔkwayeli ni eyɔɔ hã Israel we lɛ. Je lɛ naagbeehei fɛɛ ena kunim ni wɔNyɔŋmɔ lɛ ye lɛ.

Mateo 24:14

Ni aaashiɛ maŋtsɛyeli lɛ he sane kpakpa nɛɛ atsɔ̃ɔ yɛ je lɛ mli fɛɛ, ni akɛye jeŋmaji lɛ fɛɛ odase; ni no dani naagbee lɛ aaaba.”

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Marko 16:15

Ni ekɛɛ amɛ akɛ, “Nyɛyaa je lɛ mli fɛɛ kwa nyɛyashiɛa Sanekpakpa lɛ nyɛtsɔ̃a nɔ fɛɛ nɔ ni abɔ lɛ.

Marko 4:8

Shi wui lɛ ekomɛi yashwie shikpɔŋ kpakpa nɔ, ni amɛkwɛ̃ ni amɛdara, ni amɛwo yibii: eko nyɔŋmai etɛ̃, eko nyɔŋmai ekpaa, kɛ eko oha.”

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Yohane 17:19

Ni amɛhewɔ mi diɛŋtsɛ mifeɔ mihe krɔŋkrɔŋ lɛ, koni amɛ hu afee amɛ krɔŋkrɔŋ yɛ anɔkwale mli.”

Yohane 4:23

Shi kɛ̃lɛ ŋmɛlɛtswaa lɛ miiba ni eshɛ momo, be ni anɔkwa jalɔi lɛ aaaja Tsɛ lɛ yɛ mumɔ kɛ anɔkwale mli, ejaakɛ jalɔi ni tamɔ mɛnɛɛmɛi Tsɛ lɛ taoɔ.

Bɔfoi 11:18

Shi be ni amɛnu wiemɔi nɛɛ lɛ, amɛmua amɛnaa, ni amɛwo Nyɔŋmɔ hiɛ nyam moŋ amɛkɛɛ, “Belɛ jeŋmaji lɛ hu Nyɔŋmɔ ehã amɛ tsuitsakemɔ ni akɛhere amɛyiwala!”

Bɔfoi 12:24

Agbɛnɛ Nyɔŋmɔ wiemɔ lɛ ni egbɛ eshwã eshwere.

Bɔfoi 16:14

Ni yoo ko ni atsɛɔ lɛ Lidia ni ji kɔɔjaŋhɔ̃ɔlɔ ko ni jɛ Tiatira maŋ lɛ mli ni sheɔ Nyɔŋmɔ gbeyei lɛ hu nu; lɛ Nuŋtsɔ lɛ gbele etsui naa akɛ ebo nii ni Paulo wieɔ lɛ toi.

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Romabii 1:13

Shi anyɛmimɛi, miisumɔ akɛ nyɛle akɛ mifɔɔ miyiŋtoo akɛ maba nyɛŋɔɔ, koni mibana yibii komɛi yɛ nyɛ hu nyɛteŋ, tamɔ mina yɛ jeŋmaji krokomɛi lɛ ateŋ lɛ.

Romabii 15:19

yɛ okadii kɛ naakpɛɛnii ahewalɛ mli, yɛ Mumɔ hewalɛ mli; bɔ ni fee nɛ ni mijɛ Yerusalɛm mibɔle shi aahu kɛyashi Ilirikum ni mishiɛ Kristo Sanekpakpa lɛ migbe naa.

Romabii 15:28

No hewɔ lɛ, kɛ mina migbe enɛ naa ni misɔo nɛkɛ yibii nɛɛ anaa mihã amɛ lɛ, mabatsɔ̃ nyɛŋɔɔ kɛya Tarshish.

Romabii 16:26

teemɔ sane ni agbɛnɛ ajie atsɔ̃ɔ faŋŋ yɛ naanɔ Nyɔŋmɔ lɛ famɔ naa, ni atsɔ̃ gbalɔi lɛ aŋmalɛi lɛ anɔ atsi tã atsɔ̃ɔ jeŋmaji lɛ fɛɛ koni amɛbo hemɔkɛyeli lɛ toi lɛ naa lɛ,

2 Korintobii 10:14

Ejaakɛ wɔkpãaa wɔmli tsɔ tamɔ mɛi ni shɛɛɛ nyɛŋɔɔ, ejaakɛ wɔ klɛŋklɛŋ wɔkɛ Kristo he Sanekpakpa lɛ shɛ nyɛŋɔɔ;

2 Korintobii 6:1

Shi akɛni Nyɔŋmɔ hefatalɔi ji wɔ yɛ enitsumɔ lɛ mli lɛ, wɔmiikpa nyɛ fai ni nyɛkahã Nyɔŋmɔ dromɔ ni nyɛnine eshɛ nɔ lɛ fee yaka.

Efesobii 3:2

kɛji nyɛnu akɛ Nyɔŋmɔ kɛ edromɔ ehã mi hã nyɛsɔ̃ɔmɔ lɛ,

Efesobii 4:21

kɛji eyɛ mli akɛ nyɛnu ehe, ni atsɔ̃ɔ nyɛ nii yɛ emli hu, tamɔ bɔ ni ji anɔkwale yɛ Yesu mli lɛ,

Efesobii 4:23

Ni nyɛtsɔ̃mɔ mɛi hei yɛ mumɔ ni nyɛkɛjwɛŋɔ lɛ gbɛfaŋ,

Efesobii 5:9

Ejaakɛ la lɛ yibii jeɔ kpo yɛ ekpakpafeemɔ kɛ jalɛ kɛ anɔkwale fɛɛ mli.

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Filipibii 4:17

Jeee akɛ nikeenii mitaoɔ; shi moŋ miitao yibii ni baahã nyɛkɔntaa lɛ afa.

Kolosebii 1:10

Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

1 Tesalonikabii 1:5

akɛ wɔSanekpakpa lɛ baaa nyɛŋɔɔ yɛ wiemɔ mli kɛkɛ, shi moŋ yɛ Mumɔ Krɔŋkrɔŋ lɛ hewalɛ kɛ nɔmimaa babaoo mli, tamɔ bɔ ni nyɛle lɛ, no ji bɔ ni wɔtsɔ̃ wɔba wɔjeŋ yɛ nyɛteŋ yɛ nyɛhewɔ lɛ.

1 Tesalonikabii 2:13

Enɛ hewɔ ni wɔ hu wɔdaa Nyɔŋmɔ shi ni wɔfɔ̃ɔɔ lɛ, ejaakɛ be ni nyɛnine shɛ Nyɔŋmɔ wiemɔ ni nyɛnu yɛ wɔnaa lɛ nɔ lɛ, nyɛmɔ mli akɛ Nyɔŋmɔ wiemɔ, tamɔ bɔ ni eji hu lɛɛlɛŋ lɛ, shi jeee akɛ gbɔmɛi awiemɔ ko. Wiemɔ nɛɛ tsuɔ hewalɛ nii yɛ nyɛ ni nyɛheɔ nyɛyeɔ lɛ nyɛmli.

2 Tesalonikabii 2:13

Shi wɔ lɛ, esa akɛ wɔdaa Nyɔŋmɔ shi daa yɛ nyɛhewɔ, anyɛmimɛi ni Nuŋtsɔ lɛ sumɔɔ, ejaakɛ Nyɔŋmɔ ehala nyɛ akɛ klɛŋklɛŋ yibii ehã yiwalaheremɔ kɛtsɔ̃ nyɛhe ni Mumɔ Krɔŋkrɔŋ lɛ tsuɔ kɛ he ni nyɛheɔ anɔkwale lɛ nyɛyeɔ lɛ nɔ.

1 Petro 5:12

Mitsɔ̃ wɔnyɛmi Silvano ni ji anɔkwafo tamɔ bɔ ni mibuɔ lɛ lɛ nɔ miŋma nyɛ wolo fioo nɛɛ mikɛmiiwo nyɛ ekãa, ni mikɛmiiye odase miishi sɛɛ akɛ enɛ ji Nyɔŋmɔ anɔkwa dromɔ lɛ. Nyɛdamɔa shi shiŋŋ yɛ mli.