Kolosebii 1:5 - ŊMALƐ KRƆŊKRƆŊ LƐ

⁵ yɛ hiɛnɔkãmɔ ni akɛto ahã nyɛ yɛ ŋwɛi lɛ hewɔ lɛ. Nyɛnu enɛ momo yɛ Sanekpakpa lɛ anɔkwale wiemɔ lɛ mli.

Ṅmãle̱ Kroṅkroṅ Le̱

⁵ ye̱ hīeno̱kãmo̱ ni aṅō-to ahãnye ye̱ ṅwei le̱ hewo̱, noni nyenu momo ye̱ sanekpakpa le̱ ano̱kwale wiemo̱ le̱ mli le̱,

Kolosebii 1:5 ပူးပေါင်းရင်းမြစ်များ

Lalai 31:19

Oo, kwɛ bɔ ni omlihilɛ ni oyɔɔ kɛhã mɛi ni sheɔ bo gbeyei lɛ fa babaoo hã. Ojieɔ otsɔ̃ɔ mɛi ni baa bo abo lɛ yɛ gbɔmɛi ahiɛ.

Luka 12:33

Nyɛhɔ̃a nii ni nyɛyɔɔ lɛ ni nyɛkɛfea ejurɔ; nyɛfea fotroi ni tsɔ̃mɔɔɔ ememeji nyɛhãa nyɛhe, nyɛtoa jwetri ni etãaa yɛ ŋwɛi, he ni julɔ ko bɛŋkɛɛɛ ni omlɛgɛ kpeee nii yɛ lɛ.

Bɔfoi 10:36

Nyɔŋmɔ tsu akɛ wiemɔ lɛ yahã Israelbii ni etsɔ̃ Yesu Kristo nɔ ejaje hejɔlɛ Sanekpakpa etsɔ̃ɔ amɛ. Yesu nɛɛ ji mɛi fɛɛ aNuŋtsɔ.

Bɔfoi 13:26

“Ataamɛi kɛ anyɛmimɛi, Abraham shwiei kɛ Nyɔŋmɔ gbeyeishelɔi ni yɔɔ nyɛteŋ, wɔ atsu akɛ nɛkɛ yiwalaheremɔ sane nɛɛ bahã.”

Bɔfoi 23:6

Shi be ni Paulo yoo akɛ amɛfã kome lɛ Sadukifoi ni, ni amɛfã kroko lɛ Farisifoi ni lɛ, ebo yɛ akwaashɔŋ lɛ teŋ akɛ, “Anyɛmimɛi, naa, mi lɛ Farisifonyo ji mi kɛ Farisifonyo bi hu. Hiɛnɔkãmɔ kɛ gbohiiashitee lɛ hewɔ akojoɔ mi nɛɛ.”

Bɔfoi 24:15

ni miyɛ Nyɔŋmɔ nɔ hiɛnɔkãmɔ ni mɛnɛɛmɛi hu kwɛɔ gbɛ akɛ gbohiiashitee baaba lɛ, ni jalɔi kɛ mɛi ni ejaaa fɛɛ baate shi.

Romabii 10:8

Shi moŋ te ekɛɔ tɛŋŋ? “Bɛŋkɛmɔ wiemɔ lɛ ebɛŋkɛ bo yɛ odaa mli kɛ otsui mli fɛɛ,” no ji hemɔkɛyeli wiemɔ lɛ ni wɔshiɛɔ lɛ.

1 Korintobii 13:13

Shi agbɛnɛ hemɔkɛyeli, hiɛnɔkãmɔ, suɔmɔ, nɛkɛ nibii etɛ̃ nɛɛ, hiɔ shi; shi suɔmɔ ji amɛteŋ nɔ ni fe fɛɛ.

1 Korintobii 15:19

Kɛ wala nɛɛ mli kɛkɛ wɔhiɛ kã Kristo nɔ yɛ lɛ, wɔnii yɛ mɔbɔ fe gbɔmɛi fɛɛ.

2 Korintobii 5:19

no ji akɛ Nyɔŋmɔ tsɔ̃ Kristo nɔ ekɛ je lɛ kpãtã, ni ebuuu amɛnɔ̃tɔ̃mɔi lɛ ehãaa amɛ, ni etu kpãtãmɔ wiemɔ lɛ ewo wɔdɛŋ.

2 Korintobii 6:7

Nyɔŋmɔ hewalɛ naa lɛ wɔwieɔ anɔkwale. Ni wɔwoɔ jalɛ tawuunii yɛ ninejurɔ kɛ abɛku fɛɛ.

Galatabii 2:14

Shi be ni mina akɛ amɛnyiɛɛɛ trɔmɔɔ yɛ Sanekpakpa lɛ anɔkwale lɛ naa lɛ, mikɛɛ Kefa yɛ amɛ fɛɛ amɛhiɛ akɛ, “Kɛ bo ni oji Yudanyo lɛ ohiɔ shi tamɔ jeŋmajiaŋnyo ni jeee tamɔ Yudafonyo lɛ, mɛɛba onyɛɔ jeŋmajiaŋbii lɛ anɔ akɛ amɛhi shi tamɔ Yudafoi?”

Galatabii 2:5

shi wɔkpɛ̃lɛɛɛ ni wɔbo amɛ toi ŋmɛlɛtswaa kome po tete, koni Sanekpakpa lɛ anɔkwale lɛ ahi shi daa ahã nyɛ.

Galatabii 5:5

Ejaakɛ wɔ lɛ, Mumɔ lɛ nɔ wɔtsɔ̃ɔ wɔkɛ hemɔkɛyeli mɛɔ jalɛ ni wɔhiɛ kã nɔ lɛ.

Efesobii 1:13

Lɛ emli akɛ Mumɔ Krɔŋkrɔŋ ni awo he shi lɛ sɔo nyɛ hu nyɛnaa yɛ be ni nyɛnu anɔkwale lɛ wiemɔ lɛ ni ji yiwalaheremɔ Sanekpakpa lɛ ni nyɛhe nyɛye lɛ.

Efesobii 4:21

kɛji eyɛ mli akɛ nyɛnu ehe, ni atsɔ̃ɔ nyɛ nii yɛ emli hu, tamɔ bɔ ni ji anɔkwale yɛ Yesu mli lɛ,

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

Kolosebii 3:16

Nyɛhãa Kristo wiemɔ lɛ ahia nyɛmli babaoo; ni nyɛkɛ nilee fɛɛ atsɔ̃a nyɛhe nii ni nyɛwiea nyɛtsɔ̃a nyɛhe yɛ saŋkutswai kɛ yijiemɔ lalai kɛ mumɔŋ lalai amli, ni nyɛkɛ shidaa alaa yɛ nyɛtsuii amli nyɛhãa Nyɔŋmɔ.

1 Tesalonikabii 2:13

Enɛ hewɔ ni wɔ hu wɔdaa Nyɔŋmɔ shi ni wɔfɔ̃ɔɔ lɛ, ejaakɛ be ni nyɛnine shɛ Nyɔŋmɔ wiemɔ ni nyɛnu yɛ wɔnaa lɛ nɔ lɛ, nyɛmɔ mli akɛ Nyɔŋmɔ wiemɔ, tamɔ bɔ ni eji hu lɛɛlɛŋ lɛ, shi jeee akɛ gbɔmɛi awiemɔ ko. Wiemɔ nɛɛ tsuɔ hewalɛ nii yɛ nyɛ ni nyɛheɔ nyɛyeɔ lɛ nyɛmli.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

1 Timoteo 1:15

Eji anɔkwa wiemɔ ni sa akɛ amɔ mli kwraa, akɛ Kristo Yesu ba je nɛɛŋ eba eshafeelɔi ayiwalaheremɔ, mɛi ateŋ ni mi mi ji oti lɛ;

2 Timoteo 4:8

Nɔ ni eshwɛ ni kã shi hã mi ji jalɛ akekre lɛ, ni Nuŋtsɔ ni ji jalɛ kojolɔ lɛ baahã mi yɛ nakai Gbi lɛ nɔ lɛ, ni jeee mikome ebaahã, shi moŋ mɛi bluublu hu ni sumɔɔ epuemɔ lɛ.

Tito 1:2

ni amɛna naanɔ wala lɛ hiɛnɔkãmɔ. Naanɔ wala nɛɛ Nyɔŋmɔ wo he shi dani abɔ je lɛ.

Hebribii 7:19

ejaakɛ Mla lɛ hãaa nɔ ko nɔ ko aye emuu, shi agbɛnɛ ahã hiɛnɔkãmɔ ni hi fe no eba, nɔ nɔ ni wɔtsɔ̃ɔ wɔbɛŋkɛɔ Nyɔŋmɔ.

1 Petro 2:2

Akɛ fufɔbii ni afɔ amɛ bianɛ lɛ, nyɛshwea wiemɔ lɛ mli fufɔ krɔŋŋ lɛ, koni nyɛdara yɛ mli kɛna yiwalaheremɔ,

1 Petro 3:15

Shi Nuŋtsɔ, Kristo lɛ, nyɛbua lɛ krɔŋkrɔŋ yɛ nyɛtsuii amli; ni daa nɛɛ nyɛsaa nyɛhe nyɛtoa, koni nyɛna hetoo nyɛhã mɔ fɛɛ mɔ ni biɔ nyɛ hiɛnɔkãmɔ ni yɔɔ nyɛmli lɛ shi lɛ;

2 Petro 1:12

No hewɔ lɛ, daa nɛɛ majwɛŋ nɔ makai nyɛ nɛkɛ nibii nɛɛ, tsɛ nyɛle momo, ni nyɛnane emɔ shi yɛ anɔkwale ni nyɛnine eshɛ nɔ lɛ mli.

1 Yohane 3:3

Ni mɔ fɛɛ mɔ ni yɔɔ hiɛnɔkãmɔ nɛɛ yɛ emli lɛ, etsuuɔ lɛ diɛŋtsɛ ehe, tamɔ bɔ ni lɛ ehe tse lɛ.