Kolosebii 1:29 - ŊMALƐ KRƆŊKRƆŊ LƐ

²⁹ No he deŋme migboɔ ni mipeleɔ yɛ ehewalɛ ni tsuɔ nii kɛ hewalɛ yɛ mimli lɛ naa.

Ṅmãle̱ Kroṅkroṅ Le̱

²⁹ no he deṅme migboo̱ ni mipleo̱ ye̱ nitšumo̱ ni ake̱ hewale̱ tšuo̱ ye̱ mimli le̱ nā.

Kolosebii 1:29 ပူးပေါင်းရင်းမြစ်များ

Luka 13:24

“Nyɛpelea agbo fintɔŋŋ lɛ mlibotemɔ he, ejaakɛ miikɛɛ nyɛ akɛ mɛi pii aaatao mli abote shi amɛnyɛŋ.

Romabii 15:20

Nɔ ni mikɛmã mihiɛ titri ji akɛ, he ni atsiko Kristo gbɛi tã yɛ lɛ, jɛi majaje Sanekpakpa lɛ yɛ, bɔ ni afee ni mikayatswa mɔ kroko shishitoo nɔ;

Romabii 15:30

Shi miikpa nyɛ fai, anyɛmimɛi, yɛ wɔNuŋtsɔ Yesu Kristo hewɔ kɛ Mumɔ lɛ suɔmɔ lɛ hewɔ, akɛ nyɛfata mihe kɛpele yɛ nyɛsɔlemɔi ni nyɛsɔleɔ nyɛhãa mi yɛ Nyɔŋmɔ hiɛ lɛ amli,

1 Korintobii 12:11

Shi nɛkɛ nibii nɛɛ fɛɛ lɛ Mumɔ kome lɛ nɔŋŋ tsuɔ, ni ejaa ehãa bɔ ni esumɔɔ, mɔ fɛɛ mɔ kɛ enɔ.

1 Korintobii 12:6

ni nitsumɔi srɔtoi hu yɛ, shi Nyɔŋmɔ kome lɛ nɔŋŋ ji mɔ ni tsuɔ fɛɛ yɛ mɛi fɛɛ amli.

1 Korintobii 15:10

Shi Nyɔŋmɔ dromɔ naa mi ji mɔ ni mi ji nɛɛ, ni edromɔ ni eduro mi lɛ efeee yaka; shi moŋ mitsu nii waa fe amɛ fɛɛ; shi jeee mi mitsu, shi moŋ Nyɔŋmɔ dromɔ ni kɛ mi yɔɔ lɛ.

2 Korintobii 11:23

Kristo sɔ̃ɔlɔi ji amɛ? Miiwie tamɔ mɔ ni yitsoŋ kãa lɛ. Mife amɛ yɛ tɔlɛ nitsumɔi ni tɛke nɔ amli, yɛ tsuŋwoi babaoi amli, yɛ yii ni fa tsɔ̃ amli, yɛ gbelei amli kpitiokpitio.

2 Korintobii 13:3

ejaakɛ nyɛmiitao naakpɛɛ okadi ko ni nyɛkɛaana akɛ Kristo wieɔ yɛ mimli, Kristo mɔ ni gbedeee yɛ nyɛmli, shi moŋ ehe waa yɛ nyɛmli lɛ.

2 Korintobii 5:9

No hewɔ lɛ, oti ni wɔkɛma wɔhiɛ ji akɛ, shĩa wɔyɔɔ jio, dommɔ wɔdom jio, esa ni wɔsa ehiɛ.

2 Korintobii 6:5

Ayiɔ wɔ ni awoɔ wɔ tsuŋ kpitiokpitio. Afeɔ wɔ soisoi. Wɔtsuɔ nii kɛ kpeshii kɛ deŋmegbomɔ pii. Wɔhiɔ ŋmãa,

Efesobii 1:19

kɛ nɔ ni ji ehewalɛ lɛ dalɛ ni tekeɔ nɔ babaoo hãa wɔ mɛi ni wɔheɔ wɔyeɔ lɛ yɛ enyɛmɔ hewalɛ nitsumɔ lɛ naa lɛ.

Efesobii 3:20

Shi mɔ ni nyɛɔ efeɔ kɛtekeɔ nɔ babaoo fe nii fɛɛ ni wɔkpaa he fai loo wɔjwɛŋɔ, yɛ ehewalɛ ni tsuɔ nii yɛ wɔmli lɛ naa lɛ,

Efesobii 3:7

No he sɔ̃ɔlɔ ji mi yɛ Nyɔŋmɔ dromɔ nikee nii ni atsɔ̃ ehewalɛ nitsumɔ nɔ akɛhã mi lɛ naa,

Filipibii 1:27

Nɔ kome kɛkɛ ji akɛ, nyɛbaa nyɛjeŋ bɔ ni sa Kristo Sanekpakpa lɛ, koni kɛ miba mibana nyɛ jio, mikɛ nyɛ bɛ jio, manu nyɛhe akɛ nyɛdamɔ shi yɛ mumɔ kome mli, ni nyɛkɛ jwɛŋmɔ kome miipele Sanekpakpa lɛ hemɔkɛyeli lɛ he,

Filipibii 1:30

Ni nakai ta kome lɛ ni nyɛna ni miiwu, ni agbɛnɛ nyɛnuɔ akɛ miiwu lolo lɛ, no nɔŋŋ mli nyɛhiɛ nɛɛ.

Filipibii 2:13

ejaakɛ suɔmɔ ni aaasumɔ jio, feemɔ ni aaafee jio, Nyɔŋmɔ ji mɔ ni tsuɔ fɛɛ yɛ nyɛ mli bɔ ni lɛ etaoɔ.

Filipibii 2:16

Ni nyɛhiɛ wala wiemɔ lɛ mli, koni etsɔ̃ shwãanɔ ehã mi yɛ Kristo Gbi lɛ nɔ, akɛ mifoijee lɛ efeee yaka ni mideŋmegbomɔ lɛ hu efeee efolo.

Kolosebii 2:1

Ejaakɛ miisumɔ akɛ nyɛle nɔ pelemɔ ni mli wa ni mipeleɔ yɛ nyɛ kɛ mɛi ni yɔɔ Laodikea kɛ mɛi abɔ ni enako mi hiɛ kɛ hiɛ lɛ ahewɔ.

Kolosebii 2:12

Ejaakɛ afu nyɛ kɛ lɛ yɛ baptisimɔ lɛ mli; ni emli hu atee nyɛ shi yɛ yɛ Nyɔŋmɔ ni tee lɛ shi kɛjɛ gbohii ateŋ lɛ hewalɛ lɛ nɔ hemɔkɛyeli naa.

Kolosebii 4:12

Epafra ni jɛ nyɛteŋ ni ji Kristo tsulɔ ni daa nɛɛ ekɛ mɔdɛŋbɔɔ hiɛ sɔlemɔi amli waa kɛhã nyɛ, koni nyɛdamɔ shi akɛ mɛi ni eye emuu ni amɛyimɔ obɔ̃bɔ̃ kɛ Nyɔŋmɔ suɔmɔnaanii fɛɛ feemɔ lɛ, miibi nyɛ.

1 Tesalonikabii 2:9

Ejaakɛ, anyɛmimɛi, nyɛkaiɔ wɔtɔlɛ kɛ wɔdeŋmegbomɔ lɛ, akɛ bɔ ni afee ni wɔkatsɔ̃ jatsu wɔmiihã nyɛteŋ mɔ ko hewɔ lɛ nyɔɔŋ kɛ shwane fɛɛ wɔmiitsu nii, ni wɔsaa wɔmiijaje Nyɔŋmɔ Sanekpakpa lɛ wɔmiitsɔ̃ɔ nyɛ.

2 Tesalonikabii 3:8

Ni asaŋ wɔyeee mɔ ko ŋmaa yaka, shi moŋ wɔkɛ mɔdɛŋbɔɔ kɛ tɔlɛ tsuɔ nii nyɔɔŋ kɛ shwane bɔ ni afee ni wɔkafee jatsu wɔmiihã nyɛteŋ mɔ ko.

2 Timoteo 2:10

Enɛ hewɔ lɛ, mimiaa mihiɛ yɛ saji fɛɛ amli yɛ mɛi ni ahala amɛ lɛ ahewɔ, koni amɛ hu amɛnine ashɛ yiwalaheremɔ ni yɔɔ Kristo Yesu mli lɛ kɛ naanɔ anunyam lɛ nɔ.

Hebribii 12:4

Nyɛnako nyɛgbee hiɛ kɛyashi lájee mli yɛ nyɛ kɛ esha tawuu lɛ mli;

Hebribii 13:21

lɛ esaa nyɛ ehã nitsumɔ kpakpa fɛɛ nitsumɔ kpakpa, ni nyɛfee esuɔmɔnaanii, ni etsɔ̃ Yesu Kristo nɔ efee nɔ ni sa ehiɛ yɛ nyɛmli. Lɛ aŋɔ anunyam ahã kɛyashi naanɔi anaanɔ lɛ. Amen!

Kpojiemɔ 2:3

Ni ohiɛ mli, ni oŋmɛɔ otsui shi yɛ migbɛi lɛ hewɔ, ni etɔko bo.