Kolosebii 1:27 - ŊMALƐ KRƆŊKRƆŊ LƐ

²⁷ Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

Ṅmãle̱ Kroṅkroṅ Le̱

²⁷ mei ni Nyoṅmo̱ *sumoo̱ ake̱ ahã ame̱le noni dši ne̱ke̱ tēmo̱sane ne̱ anumnyam fále̱ le̱ ye̱ dšeṅmãdši le̱ ateṅ, ni dši Kristo ye̱ nyemli, anumnyam le̱ *no̱hĩekãmo̱ le̱; *1 Tim. 1,1.

Kolosebii 1:27 ပူးပေါင်းရင်းမြစ်များ

Mateo 13:11

Shi ehere nɔ ekɛɛ amɛ akɛ, “Ejaakɛ nyɛ lɛ akɛhã nyɛ akɛ nyɛle ŋwɛi maŋtsɛyeli lɛ mli teemɔ saji lɛ, shi amɛ lɛ akɛ hãko amɛ.

Luka 17:21

ni asaŋ amɛkɛŋ akɛ, ‘Naa, eyɛ biɛ! Loo biɛ!’ Ejaakɛ naa, Nyɔŋmɔ maŋtsɛyeli lɛ eyɛ nyɛteŋ.”

Yohane 14:17

Hefatalɔ ni ji anɔkwale Mumɔ lɛ ni je lɛ nyɛɛɛ lɛ aŋɔ, ejaakɛ enaaa lɛ ni asaŋ eleee lɛ lɛ; shi nyɛ lɛ nyɛle lɛ, ejaakɛ ekɛ nyɛ yɔɔ, ni eyɛ nyɛmli.

Yohane 14:20

Nakai gbi lɛ nɔ lɛ nyɛ diɛŋtsɛ nyɛaale akɛ miyɛ miTsɛ mli, ni nyɛ hu nyɛyɛ mimli, ni mi hu miyɛ nyɛmli.

Yohane 14:23

Yesu here nɔ ni ekɛɛ lɛ akɛ, “Kɛji mɔ ko miisumɔ mi lɛ, eeeye miwiemɔ lɛ nɔ, ni miTsɛ aaasumɔ lɛ, ni wɔɔba eŋɔɔ, ni wɔkɛ lɛ aaahi shi.

Yohane 17:26

ni mijie ogbɛi lɛ kpo mitsɔ̃ɔ amɛ, ni masaa majie lɛ kpo matsɔ̃ɔ, koni suɔmɔ ni okɛsumɔ mi lɛ ahi amɛmli, ni mi hu mahi amɛmli.”

Yohane 6:56

Mɔ ni yeɔ miheloo ni enuɔ mila lɛ, ehiɔ mimli, ni mi hu mihiɔ emli.

Romabii 11:33

Ao, Nyɔŋmɔ nifalɛ kɛ ŋaa kɛ nilee mlikwɔlɛ! Ekojomɔi lɛ anyɛɛɛ shishi ana, ni egbɛi lɛ hu anyɛɛɛ sɛɛ mo aja!

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

Romabii 5:2

Lɛ enɔ wɔtsɔ̃ ni wɔkɛ hemɔkɛyeli lɛ ena gbɛ hu kɛba dromɔ ni wɔyɔɔ mli nɛɛ mli, ni wɔnyaa yɛ Nyɔŋmɔ anunyam lɛ ni wɔhiɛ kã nɔ lɛ hewɔ.

Romabii 8:10

Shi kɛ Kristo yɛ nyɛmli lɛ, no lɛ gbɔmɔtso lɛ egbo yɛ esha hewɔ nɛ, shi Mumɔ lɛ hiɛ kã, yɛ jalɔi ni abu nyɛ lɛ hewɔ.

Romabii 9:23

bɔ ni afee ni ehã ale enunyam falɛ lɛ hu yɛ emɔbɔnalɛ nii ni esaa eto ehã anunyam lɛ anɔ lɛ, mɛni obaakɛɛ?

1 Korintobii 3:16

Ani nyɛleee akɛ Nyɔŋmɔ Sɔlemɔtsu ji nyɛ ni Nyɔŋmɔ Mumɔ lɛ hiɔ nyɛmli?

2 Korintobii 2:14

Shi shidaa ahã Nyɔŋmɔ, mɔ ni tsɔ̃ɔ Yesu Kristo nɔ nyiɛɔ wɔhiɛ be fɛɛ be yɛ ekunimyeli lɛ mli lɛ, ni etsɔ̃ɔ wɔnɔ ehãa enilee ŋmajee lɛ jeɔ kpo yɛ he fɛɛ he lɛ.

2 Korintobii 4:17

Ejaakɛ wɔmanehulu ni jaraaa ni asaŋ esɛɛ etsɛɛɛ nɛɛ, baahã wɔna naanɔ anunyam kpele ni jara wa aahu;

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

2 Korintobii 6:16

Ni asaŋ mɛɛ ekomefeemɔ yɔɔ Nyɔŋmɔ Sɔlemɔtsu kɛ amãgãi ateŋ? Ejaakɛ Nyɔŋmɔ hiɛkãalɔ lɛ Sɔlemɔtsu ji nyɛ, tamɔ bɔ ni Nyɔŋmɔ kɛɛ akɛ, “Mahi amɛmli, ni manyiɛ yɛ amɛteŋ. Ni matsɔ̃ amɛNyɔŋmɔ, ni amɛ hu amɛaatsɔ̃ mimaŋ.”

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Galatabii 4:19

Mibii bibii ni mikɔ̃mɔɔ kɛ nyɛfɔmɔ ekoŋŋ kɛyashi beyinɔ ni aaashɔ̃ Kristo subaŋ yɛ nyɛmli.

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

Efesobii 2:22

ni emli atswaa nyɛ awoɔ afee Nyɔŋmɔ shihilɛhe yɛ Mumɔ mli lɛ.

Filipibii 4:19

MiNyɔŋmɔ lɛ aaahã nyɛ nii ni hiaa nyɛ lɛ fɛɛ yɛ enifalɛ lɛ naa yɛ anunyam mli, yɛ Kristo Yesu mli.

Kolosebii 1:5

yɛ hiɛnɔkãmɔ ni akɛto ahã nyɛ yɛ ŋwɛi lɛ hewɔ lɛ. Nyɛnu enɛ momo yɛ Sanekpakpa lɛ anɔkwale wiemɔ lɛ mli.

Kolosebii 2:3

Mɔ mli ni akɛ ŋaa kɛ nilee jwetrii lɛ fɛɛ etee yɛ lɛ.

Kolosebii 3:11

Enɛ mli lɛ Helanyo kɛ Yudanyo, ketiafolɔ kɛ foolɔ, gbɔ, Sikitianyo, nyɔŋ kɛ odehe ko bɛ dɔŋŋ, shi moŋ Kristo ji nii fiaa yɛ mɛi fɛɛ mli.

1 Timoteo 1:1

Paulo ni ji Yesu Kristo bɔfo yɛ Nyɔŋmɔ, wɔyiwalaherelɔ lɛ, kɛ Nuŋtsɔ Yesu Kristo, wɔhiɛnɔkãmɔ lɛ, famɔ naa lɛ,

Hebribii 6:19

nɔ ni wɔhiɛ tamɔ wɔsusuma sɛkɛ ni tseee ni efi shi shiŋŋ ni ebote mli kɛtee muhɔɔ lɛ sɛɛ tɔ̃ɔ,

1 Yohane 4:4

Mibii bibii, nyɛ lɛ nyɛjɛ Nyɔŋmɔ mli ni nyɛye amalegbalɔi lɛ anɔ kunim; ejaakɛ Mumɔ ni yɔɔ nyɛmli lɛ da fe mumɔ ni yɔɔ je lɛ mli lɛ.

Kpojiemɔ 3:20

Naa, Midamɔ shinaa lɛ naa ni miishi; kɛji mɔ ko nu migbee ni egbele shinaa lɛ, maba eŋɔɔ ni mikɛ lɛ aaabaye nii, ni lɛ hu ekɛ mi aaaye.