Kolosebii 1:23 - ŊMALƐ KRƆŊKRƆŊ LƐ

²³ Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

Ṅmãle̱ Kroṅkroṅ Le̱

²³ ke̱dši nyehĩe heme̱-ke̱-yeli le̱ mli ni nyedamo̱ ši šiṅṅ, ni nyetšĩṅ nyehe ke̱-dše̱ṅ sanekpakpa le̱ ni nyenu ni ašie̱o̱ atšõo̱ bō̱nii fẽ ni yo̱ ṅwei šiši le̱, ni mi Paulo misúmoo̱ ye̱ he le̱, no̱hĩekãmo̱ le̱ he le̱.

Kolosebii 1:23 ပူးပေါင်းရင်းမြစ်များ

Lalai 125:5

Shi mɛi ni kpaleɔ kɛyaa amɛgbɛi gbohii anɔ lɛ, Yehowa aaaloo amɛ kɛ mɛi ni tsuɔ nifɔɔjianii lɛ kɛaatee. Toiŋjɔlɛ aba Israel!

Yāfó 3:66

Ao! Yehowa, okɛ mlifu atiu amɛ, ni okpãtã amɛhiɛ kɛje shikpɔŋ lɛ nɔ.”

Ezekiel 18:26

Kɛji jalɔ fɔ̃ɔ nɔ ni ja feemɔ, ni efee efɔŋ lɛ, gbo eeegbo yɛ no hewɔ. Ebaagbo yɛ efɔŋ ni efee lɛ hewɔ.

Zefania 1:6

Mibakpãtã mɛi fɛɛ ni ekpale, ni amɛjaaa Yehowa lɛ dɔŋŋ lɛ ahiɛ, ni ji mɛi ni taooo mi, Yehowa lɛ, misɛɛgbɛ aloo amɛbiii mi nii dɔŋŋ lɛ.”

Marko 16:15

Ni ekɛɛ amɛ akɛ, “Nyɛyaa je lɛ mli fɛɛ kwa nyɛyashiɛa Sanekpakpa lɛ nyɛtsɔ̃a nɔ fɛɛ nɔ ni abɔ lɛ.

Luka 22:32

Shi mi lɛ mikpa fai miha bo, koni ohemɔkɛyeli akatã; ni bo hu, kɛ okpale lɛ, wo onyɛmimɛi lɛ hewalɛ.”

Luka 6:48

etamɔ nuu ko ni be ni emaa tsu lɛ etsa shi kwɔŋkwɔŋ ni eto shishi yɛ tɛsaa nɔ; ni nu afua ba, ni eshimɔ nakai tsu lɛ, ni enyɛɛɛ lɛ ehoso, ejaakɛ ato shishi jogbaŋŋ.

Yohane 15:6

Kɛji mɔ ko ehiii mimli lɛ, ashɛɔ lɛ afɔ̃ɔ tamɔ tso nine, ni egbiɔ, ni abuaa naa awoɔ la mli, ni ashãa.

Bɔfoi 1:17

ejaakɛ abu lɛ ashi wɔnɔ, ni eyɛ egbɛnaa yɛ nɛkɛ sɔ̃ɔmɔ nɛɛ mli.”

Bɔfoi 1:25

ni eŋɔ nɛkɛ sɔ̃ɔmɔ kɛ bɔfo nitsumɔ ni Yuda eje mli koni ekɔ lɛ diɛŋtsɛ egbɛ lɛ.”

Bɔfoi 1:8

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Bɔfoi 2:5

Shi Yudafoi Nyɔŋmɔ gbeyeishelɔi komɛi yɛ Yerusalɛm, ni amɛjɛ jeŋ maji fɛɛ ni yɔɔ ŋwɛi shishi lɛ anɔ.

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

Bɔfoi 26:16

Shi tee shi ni odamɔ onaji anɔ; ejaakɛ enɛ hewɔ mijie mihe kpo mitsɔ̃ɔ bo nɛɛ, koni mafee bo sɔ̃ɔlɔ kɛ odasefonyo yɛ nibii ni ona kɛ nii ni mibajie mihe kpo matsɔ̃ɔ bo yɛ hewɔ lɛ ahe.

Bɔfoi 4:12

Ejaakɛ yiwalaheremɔ bɛ mɔ kroko mli; ni asaŋ gbɛi kroko hu bɛ ŋwɛi shishi ni akɛhã gbɔmɛi ni sa akɛ atsɔ̃ nɔ ahere wɔyiwala.”

Romabii 10:18

Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ, “Amɛgbee ejije kɛtee shikpɔŋ muu lɛ fɛɛ nɔ. Ni amɛwiemɔi lɛ eshɛ jeŋ naagbeehei lɛ.”

Romabii 15:16

koni mitsɔ̃ Yesu Kristo sɔ̃ɔlɔ mihã jeŋmaji lɛ, ni mitsu Nyɔŋmɔ Sanekpakpa lɛ he nii akɛ osɔfo, ni jeŋmaji lɛ atsɔ̃mɔ afɔle ni sa ehiɛ jogbaŋŋ ni atsuu he yɛ Mumɔ Krɔŋkrɔŋ mli.

Romabii 2:7

mɛi ni kɛ tsuishiŋmɛɛ hiɛɔ ekpakpafeemɔ mli ni amɛtaoɔ anunyam kɛ woo kɛ shihilɛ ni fiteŋ lɛ, eeehã amɛ naanɔ wala;

Romabii 5:5

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.

1 Korintobii 15:58

No hewɔ lɛ, minyɛmimɛi ni misumɔɔ, nyɛfĩa shi ni nyɛkagbugbãa ni nyɛtekea nɔ yɛ Nuŋtsɔ lɛ nitsumɔ lɛ mli daa nɛɛ, ejaakɛ nyɛle akɛ nyɛdeŋmegbomɔ lɛ efeŋ yaka yɛ Nuŋtsɔ lɛ mli.

1 Korintobii 3:5

Agbɛnɛ, Namɔ ji Apolo? Namɔ ji Paulo? Amɛ ji sɔ̃ɔlɔi ni nyɛtsɔ̃ amɛnɔ nyɛhe nyɛye, amɛteŋ mɔ fɛɛ mɔ lɛ bɔ ni Nuŋtsɔ lɛ kɛhã lɛ.

2 Korintobii 10:1

Shi mi Paulo diɛŋtsɛ miikpa nyɛ fai yɛ Kristo hejɔlɛ kɛ kpoofeemɔ lɛ hewɔ, mi ni akɛɛ kɛ miyɛ nyɛhiɛ lɛ mifeɔ mihe humi yɛ nyɛteŋ, shi kɛ mibɛ nyɛŋɔɔ lɛ, mijeɔ ekãa miwoɔ nyɛ lɛ.

2 Korintobii 11:23

Kristo sɔ̃ɔlɔi ji amɛ? Miiwie tamɔ mɔ ni yitsoŋ kãa lɛ. Mife amɛ yɛ tɔlɛ nitsumɔi ni tɛke nɔ amli, yɛ tsuŋwoi babaoi amli, yɛ yii ni fa tsɔ̃ amli, yɛ gbelei amli kpitiokpitio.

2 Korintobii 3:6

lɛ ehã wɔtsɔ̃mɔ mɛi ni sa akɛ akɛfee kpãŋmɔ hee lɛ sɔ̃ɔlɔi, jeee nɔ ni aŋma shi moŋ Mumɔ nɔ; ejaakɛ nɔ ni aŋma lɛ gbeɔ mɔ; shi Mumɔ lɛ hãa mɔ yi naa wala.

2 Korintobii 4:1

No hewɔ lɛ, akɛni akɛ sɔ̃ɔmɔ nɛɛ ehã wɔ yɛ Nyɔŋmɔ mɔbɔnalɛ naa lɛ, wɔnijiaŋ ejeee wui,

2 Korintobii 6:1

Shi akɛni Nyɔŋmɔ hefatalɔi ji wɔ yɛ enitsumɔ lɛ mli lɛ, wɔmiikpa nyɛ fai ni nyɛkahã Nyɔŋmɔ dromɔ ni nyɛnine eshɛ nɔ lɛ fee yaka.

Galatabii 4:11

Miishe gbeyei akɛ ekolɛ yakatswaa migba mihe naa yɛ nyɛhe lɛ.

Galatabii 5:5

Ejaakɛ wɔ lɛ, Mumɔ lɛ nɔ wɔtsɔ̃ɔ wɔkɛ hemɔkɛyeli mɛɔ jalɛ ni wɔhiɛ kã nɔ lɛ.

Galatabii 5:7

Kulɛ nyɛmiiya nɔ jogbaŋŋ; namɔ po tsi nyɛ gbɛ akɛ nyɛkabo anɔkwale lɛ toi?

Galatabii 6:9

Shi nyɛkahãa ekpakpafeemɔ miitɔa wɔ, ejaakɛ kɛ wɔnijiaŋ ejeee wui lɛ, wɔbaakpa hu yɛ be ni sa mli.

Efesobii 1:18

Nyɛmligbɛ hiŋmɛii anɔ atse, koni nyɛna nyɛle nɔ ni ji hiɛnɔkãmɔ ni yɔɔ etsɛmɔ lɛ mli, kɛ egboshinii lɛ anunyam lɛ falɛ yɛ mɛi krɔŋkrɔŋi amli,

Efesobii 2:21

Emli atswa tsu muu lɛ fɛɛ afee ekome yɛ, ni eeda eefee Sɔlemɔtsu krɔŋkrɔŋ yɛ Nuŋtsɔ lɛ mli;

Efesobii 3:17

ni atsɔ̃ hemɔkɛyeli nɔ ni Kristo ahi shi yɛ nyɛtsuii amli, ni nyɛshishifã amɔ shi ni nyɛma shi shiŋŋ yɛ suɔmɔ mli.

Efesobii 4:16

Lɛ emli gbɔmɔtso muu lɛ fɛɛ tsɔ̃ɔ talɔ fɛɛ talɔ ni ahã lɛ lɛ nɔ emɔmɔɔ ehe eshimɔshimɔɔ ehe nɔ yɛ. Ni ehe mɔɔ ehe, ni kɛ henɔ fɛɛ henɔ miitsu enii jogbaŋŋ lɛ, ehãa gbɔmɔtso lɛ daa, ni emaa ehe yɛ suɔmɔ mli.

5 Mose 2:25

Kɛjɛ ŋmɛnɛ gbi nɛɛ nɔ lɛ, mahã nyɛhe ŋmiŋmi kɛ gbeyei amɔmɔ mɛi fɛɛ ni yɔɔ jeŋ fɛɛ; amɛaanu nyɛhe, amɛtsui aaafã, ni amɛhe aaakpokpo kɛji atsi nyɛtã.

5 Mose 4:19

Kɛji nyɛwo nyɛhiɛ nɔ kɛtee ŋwɛi ni nyɛkwɛ hulu kɛ nyɔɔŋtsere kɛ ŋulamii lɛ ni ji ŋwɛiniiaŋ nibii lɛ, nyɛkahãa amɛgbalaa nyɛ ni nyɛjaa amɛ, ni nyɛsɔmɔa amɛ, ejaakɛ Yehowa nyɛNyɔŋmɔ lɛ, saa nomɛi eto ehã maji krokomɛi lɛ koni amɛ, amɛja nomɛi.

Kolosebii 1:25

Ni mitsɔ̃ esafo lɛ sɔ̃ɔlɔ yɛ nitsumɔ ni Nyɔŋmɔ etu ewo midɛŋ yɛ nyɛhewɔ lɛ naa, akɛ mashiɛ Nyɔŋmɔ wiemɔ lɛ kɛwula shi lɛ.

Kolosebii 2:7

Ni nyɛshishifã amɔ̃ shi ni atswa nyɛ ama enɔ ni nyɛfi shi yɛ hemɔkɛyeli lɛ mli, tamɔ bɔ ni atsɔ̃ɔ nyɛ lɛ ni nyɛteke nɔ kɛ shidaa.

1 Tesalonikabii 3:3

koni nɛkɛ amanehului nɛɛ akahã mɔ ko mɔ ko miigbugbãa. Ejaakɛ nyɛ diɛŋtsɛ nyɛle akɛ nɔ ni kã shi hã wɔ nɔŋŋ ji no.

1 Tesalonikabii 3:5

Enɛ hewɔ ni mi hu, be ni minyɛɛɛ dɔŋŋ lɛ, mitsu Timoteo ni mikɛle nyɛhemɔkɛyeli lɛ, akɛ aleenɔ kalɔ lɛ ebaka nyɛ, ni ehã wɔdeŋme ni wɔgbo lɛ efee yaka lo.

1 Tesalonikabii 5:8

Shi wɔ lɛ, akɛni shwanebii ji wɔ hewɔ lɛ, nyɛhãa wɔhiɛ akãa shi ni wɔwo hemɔkɛyeli kɛ suɔmɔ dama lɛ ni wɔbumɔ dade fai ni ji yiwalaheremɔ hiɛnɔkãmɔ lɛ.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

1 Timoteo 1:12

Miida wɔNuŋtsɔ Kristo Yesu ni wo mi hewalɛ lɛ shi, akɛ ebu mi anɔkwafo, ni eŋɔ mi ewo sɔ̃ɔmɔ lɛ mli,

1 Timoteo 2:7

ni no hewɔ awo mi shiɛlɔ kɛ bɔfo (anɔkwale miwieɔ yɛ Kristo mli, mimaleee), jeŋmaji atsɔ̃ɔlɔ yɛ hemɔkɛyeli kɛ anɔkwale mli lɛ.

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Tito 3:7

koni ahã wɔtsɔ̃mɔ niyelɔi yɛ naanɔ wala lɛ gbɛfaŋ yɛ hiɛnɔkãmɔ naa, akɛni abu wɔ bem yɛ lɛ nɔŋŋ edromɔ naa lɛ.

Hebribii 10:38

Shi mɔ ni ja yɛ hemɔkɛyeli mli lɛ, yi aaana wala; ni kɛ ekpa yɛ misɛɛ lɛ misusuma naŋ ehe tsuijurɔ.”

Hebribii 3:14

Ejaakɛ wɔtsɔ̃mɔ Kristo nanemɛi niyelɔi, kɛji wɔhiɛ wɔhe ni wɔkɛfɔ̃ɔ enɔ kɛjɛ shishijee lɛ mli kpɛŋŋ kɛyashi naagbee lɛ.

Hebribii 3:6

Shi Kristo lɛ, eye anɔkwa akɛ Bi yɛ lɛ diɛŋtsɛ ewe; lɛ ewe ji wɔ, kɛji wɔhiɛ nɔhiɛkãmɔ mli ekãa kɛ shwãa lɛ mli kpɛŋŋ kɛyashi naagbee lɛ.

Hebribii 4:14

Agbɛnɛ, akɛni wɔyɔɔ osɔfonukpa kpeteŋkple, ni efoŋ kɛtsɔ̃ ŋwɛiiaŋ, ni ji Yesu, Nyɔŋmɔ Bi lɛ nɛɛ, nyɛhãa wɔmɔa jajemɔ lɛ mli ni awaa.

Hebribii 6:19

nɔ ni wɔhiɛ tamɔ wɔsusuma sɛkɛ ni tseee ni efi shi shiŋŋ ni ebote mli kɛtee muhɔɔ lɛ sɛɛ tɔ̃ɔ,

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

1 Petro 1:5

Ni atsɔ̃ɔ hemɔkɛyeli nɔ abuɔ nyɛhe yɛ Nyɔŋmɔ hewalɛ naa atoɔ yiwalaheremɔ ni asaa ato ni abaajie kpo yɛ naagbee be lɛ mli lɛ.

1 Yohane 2:27

Ni nyɛ lɛ, mufɔɔ ni nyɛna kɛjɛ eŋɔɔ lɛ yɛ nyɛmli, ni ehe ehĩaaa nyɛ akɛ mɔ ko atsɔ̃ɔ nyɛ nii, shi moŋ bɔ ni emufɔɔ lɛ tsɔ̃ɔ nyɛ nii fɛɛ, ni eji anɔkwale ni jeee amale ni lɛ, bɔ ni etsɔ̃ɔ nyɛ lɛ nyɛhia emli.

Kpojiemɔ 2:10

Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.