Kolosebii 1:22 - ŊMALƐ KRƆŊKRƆŊ LƐ

²² Agbɛnɛ ekɛ egbɔmɔtso lɛ etsɔ̃ gbele nɔ ekpãtã nyɛ ni ekɛ nyɛ edamɔ shi akɛ mɛi krɔŋkrɔŋi ni he bɛ kpa ko ni sane ko bɛ amɛhe yɛ ehiɛ.

Ṅmãle̱ Kroṅkroṅ Le̱

²² agbe̱ne̱ eke̱ ehelo gbomotšo le̱ etšō gbĕle mli eṅõ-kpãtãnye, ni *eke̱nye adamo̱ ši ake̱ meikroṅkroṅi ni he be̱ kpa ko lo nāflo̱mo̱ ko ye̱ ehĩe; *Ef. 5,27.

Kolosebii 1:22 ပူးပေါင်းရင်းမြစ်များ

2 Samuel 22:24

Ele akɛ fɔbuu ko bɛ mihe, ni ele akɛ miwi mihe kɛje nɔ fɔŋ he.

Hiob 15:15

Naa, Nyɔŋmɔ kɛ ehe efɔ̃ɔɔ emɛi krɔŋkrɔŋi lɛ tete anɔ; ni ŋwɛi tete he tseee yɛ ehiɛ.

Hiob 25:5

Naa, yɛ ehiɛ lɛ nyɔɔŋtsere kpɛɛɛ, ni ŋulamii lɛ hu ahe tseee;

Lalai 51:7

Mihe esha lɛ okɛ awrɔke afɔ, koni mihe atse; juu mihe, ni mayɛ futaa fe ayilɔ.

Luka 1:75

yɛ hetsemɔ kɛ jalɛ mli yɛ ehiɛ wɔgbii abɔ fɛɛ.

Romabii 7:4

Minyɛmimɛi, nakai nɔŋŋ nyɛ hu atsɔ̃ Kristo gbɔmɔtso lɛ nɔ ahã nyɛgboi yɛ Mla lɛ gbɛfaŋ, ni nyɛtsɔ̃mɔ mɔ kroko ni ji mɔ ni atee lɛ shi kɛjɛ gbohii ateŋ lɛ nii, koni wɔwo yibii wɔhã Nyɔŋmɔ.

2 Korintobii 11:2

Ejaakɛ nyɛhe awuŋã ni miyeɔ lɛ, miiye lɛ bɔ ni Nyɔŋmɔ baaye; ejaakɛ mitsɛ nyɛhe baa mihã nuu kome ni mikɛ oblayoo foro ni he tse ayahã Kristo.

2 Korintobii 4:14

ejaakɛ wɔle akɛ mɔ ni tee Nuŋtsɔ Yesu shi lɛ, eeetee wɔ kɛ Yesu shi, ni ekɛ wɔ kɛ nyɛ fɛɛ aaadamɔ lɛ Nyɔŋmɔ lɛ ehiɛ.

2 Korintobii 5:18

Shi nibii nɛɛ fɛɛ jɛ Nyɔŋmɔ, mɔ ni tsɔ̃ Yesu Kristo nɔ ekɛ wɔ kpãtã, ni ekɛ kpãtãmɔ sɔ̃ɔmɔ hã wɔ lɛ dɛŋ;

Efesobii 1:4

Nyɔŋmɔ nɛɛ, lɛ ehala wɔ yɛ lɛ nɔŋŋ emli dani ato jeŋ shishi, koni wɔfee krɔŋkrɔŋ ni wɔhe akahi kpa ko yɛ ehiɛ.

Efesobii 5:27

koni eŋɔ lɛ edamɔ shi ehã lɛ diɛŋtsɛ ehe akɛ anunyam asafo ni kpa ko loo nɔ kũaikũai ko loo nakai nɔ ko bɛ ehe, shi moŋ efee krɔŋkrɔŋ ni shwamɔ ko bɛ ehe lɛ.

Kolosebii 1:28

Lɛ ehe sane wɔjajeɔ, ni wɔwoɔ gbɔmɔ fɛɛ gbɔmɔ ŋaa, ni wɔtsɔ̃ɔ gbɔmɔ fɛɛ gbɔmɔ nilee nɛɛ fɛɛ, koni wɔkɛ gbɔmɔ fɛɛ gbɔmɔ adamɔ shi akɛ mɔ ni eye emuu yɛ Kristo mli.

1 Tesalonikabii 4:7

Ejaakɛ Nyɔŋmɔ tsɛɛɛ wɔ ehãaa nyaŋemɔ nitsumɔ, shi moŋ hã hetsemɔ.

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 10:10

Nakai suɔmɔnaa nii lɛ mli atsuu wɔhe yɛ kɛtsɔ̃ Yesu Kristo gbɔmɔtso ni ekɛhã shi kome nyɔŋlo lɛ nɔ.

Hebribii 10:20

Eji gbɛ hee ni ji wala gbɛ ni eje ehã wɔ kɛtsɔ̃ muhɔɔ lɛ ni ji lɛ diɛŋtsɛ eheloo lɛ mli.

Hebribii 13:21

lɛ esaa nyɛ ehã nitsumɔ kpakpa fɛɛ nitsumɔ kpakpa, ni nyɛfee esuɔmɔnaanii, ni etsɔ̃ Yesu Kristo nɔ efee nɔ ni sa ehiɛ yɛ nyɛmli. Lɛ aŋɔ anunyam ahã kɛyashi naanɔi anaanɔ lɛ. Amen!

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

2 Petro 3:14

No hewɔ lɛ, suɔmɔmɛi, akɛni nyɛkwɛɔ nii nɛɛ agbɛ nɛɛ, nyɛbɔa mɔdɛŋ koni ana nyɛ ni muji loo kpa ko bɛ nyɛhe yɛ ehiɛ yɛ hejɔlɛ mli;

Yuda 1:24

Shi lɛ mɔ ni yɔɔ hewalɛ ni ekɛaabu nyɛhe ni nyɛkatɛrɛ ni eŋɔ nyɛ eyadamɔ enunyam lɛ hiɛ ni kpa ko bɛ nyɛhe yɛ mliflimɔ mli lɛ,