Kolosebii 1:16 - ŊMALƐ KRƆŊKRƆŊ LƐ

¹⁶ Ejaakɛ emli abɔ nii fiaa yɛ, nii ni yɔɔ ŋwɛi kɛ nii ni yɔɔ shikpɔŋ lɛ nɔ, nii ni anaa kɛ nii ni anaaa, maŋtsɛ sɛii jio, nɔyelii jio, onukpayelii jio, hegbɛi jio, nii lɛ fɛɛ lɛ, enɔ atsɔ̃ abɔ, ni lɛ nɔŋŋ abɔ ahã.

Ṅmãle̱ Kroṅkroṅ Le̱

¹⁶ Edšake̱ emli abo̱ nii fiā ye̱, nii ni yo̱ ṅwei ke̱ nii ni yo̱ šikpoṅ le̱ no̱, nii ni anaä ke̱ nii ní anaa, maṅtše̱sẽii dšio, no̱yelii dšio, onukpayelii dšio, hegbe̱i dšio, nii le̱ fẽ le̱, eno̱ atšō abo̱, ni le̱ noṅṅ abo̱ ahã. Ioh. 1,8. 10.

Kolosebii 1:16 ပူးပေါင်းရင်းမြစ်များ

1 Kronika 29:11

Yehowa, oda ni Bo oyɔɔ hewalɛ kɛ anunyam; oyeɔ nii fɛɛ nɔ kunim, ni oje agbo ejaakɛ nɔ fɛɛ nɔ ni yɔɔ ŋwɛi kɛ shikpɔŋ lɛ nɔ lɛ onɔ ni. Yehowa, bo ji maŋtsɛ ni ota nii fɛɛ nɔ akɛ yitso.

Nehemia 9:6

“Bo okome too ji Yehowa, Bo obɔ ŋwɛi kɛ ŋwɛii amli ŋwɛi kɛ ŋwɛinii huhai abɔ lɛ fɛɛ. Bo obɔ shikpɔŋ kɛ nɔ fɛɛ nɔ ni yɔɔ nɔ, ŋshɔi kɛ nɔ fɛɛ nɔ ni yɔɔ amɛmli; ni bo nɔŋŋ ohãa amɛ fɛɛ kwa naa wala ni ŋwɛinii babaoo lɛ, bo nɔŋŋ amɛjaa.

Abe̱i 16:4

Nɔ fɛɛ nɔ ni Yehowa fee lɛ, eyɛ nɔ hewɔ ni efee; gbi fɔŋ tete lɛ, ekã shi ehã mɔ fɔŋ.

Yesaia 43:21

Koni mɛi ni mibɔ mihã mihe lɛ ajie miyi.”

Yesaia 44:24

“Bɔ ni Yehowa, oKpɔlɔ lɛ kɛɛ nɛ, ‘Mi ji Yehowa, mɔ ni bɔ nii fɛɛ, mɔ ni ekome too ekpã ŋwɛi mli eha shi, ni ekome pɛ elɛɔ shikpɔŋ lɛ mli.

Yohane 1:10

Je lɛ mli la lɛ yɔɔ, ni enɔ atsɔ̃ afee je lɛ, shi je lɛ leee lɛ.

Yohane 1:3

Lɛ enɔ atsɔ̃ afee nibii fɛɛ, ni ashiii lɛ afeee nɔ ko nɔ ko ni afee.

Romabii 11:36

Ejaakɛ edɛŋ nii fɛɛ jɛ, ni enɔ amɛtsɔ̃ kɛba, ni lɛ nɔŋŋ amɛyɔɔ amɛhã. Lɛ aaaŋɔ anunyam ahã kɛya naanɔ. Amen!

Romabii 8:38

Ejaakɛ miyɛ nɔmimaa akɛ gbele jio, wala jio; ŋwɛi bɔfoi jio, nɔyelɔi jio, nii ni yɔɔ nɛɛ jio, nii ni baaba lɛ jio, hewalɛi jio,

Romabii 9:5

amɛnɔ ji tsɛmɛi lɛ, ni amɛmli hu Kristo tete jɛ yɛ heloo gbɛfaŋ lɛ, lɛ ji nii fiaa nɔ Nyɔŋmɔ ni ajɔɔ lɛ kɛyashiɔ naanɔ lɛ. Amen!

1 Korintobii 8:6

wɔ lɛ, Nyɔŋmɔ kome pɛ wɔyɔɔ, Tsɛ lɛ, mɔ mli ni nibii fɛɛ jɛ ni wɔyɔɔ wɔhã lɛ lɛ, kɛ Nuŋtsɔ kome hu ni ji Yesu Kristo lɛ, mɔ nɔ ni nibii fɛɛ tsɔ̃ kɛba ni wɔ hu wɔtsɔ̃ enɔ lɛ.

Efesobii 1:10

Ebaahã egbɛjianɔtoo lɛ aba mli yɛ be ni sa lɛ mli, koni eŋɔ nibii fɛɛ eto yitso kome shishi yɛ Kristo mli, nii ni yɔɔ shikpɔŋ lɛ nɔ fɛɛ.

Efesobii 6:12

Ejaakɛ jeee gbɔmɛi wɔkɛna lɛ, shi moŋ wɔkɛ onukpayelii kɛ hegbɛi kɛ je nɛɛŋ duŋ lɛ mli lumɛi lɛ kɛ mumɔi fɔ̃ji ni yɔɔ ŋwɛiniiaŋ lɛ.

5 Mose 4:39

No hewɔ lɛ, nyɛnaa nyɛlea ŋmɛnɛ, ni nyɛkɛtoa nyɛyiŋ, akɛ Yehowa ji ŋwɛi kɛ shikpɔŋ lɛ fɛɛ Nyɔŋmɔ; lɛ esɛɛ lɛ mɔ ko bɛ dɔŋŋ.

Filipibii 2:10

koni mɛi ni yɔɔ ŋwɛi kɛ mɛi ni yɔɔ shikpɔŋ lɛ nɔ kɛ mɛi ni yɔɔ shikpɔŋ lɛ shishi lɛ ateŋ mɔ fɛɛ mɔ nakutso akula shi yɛ Yesu gbɛi lɛ mli;

Kolosebii 1:15

Kristo ji Nyɔŋmɔ ni anaaa lɛ subaŋ, lɛ enɔ atsɔ abɔ nii fɛɛ.

Kolosebii 1:20

Nyɔŋmɔ tsɔ̃ esɛŋmɔtso nɔ lá lɛ nɔ ekɛ hejɔlɛ ba, ni etsɔ̃ enɔ ekɛ nibii fɛɛ kpãtã, nii ni yɔɔ shikpɔŋ lɛ nɔ kɛ nii ni yɔɔ ŋwɛi lɛ.

Kolosebii 2:10

ni nyɛye emuu yɛ emli, lɛ mɔ ni ji onukpayeli kɛ hegbɛ fɛɛ yitso lɛ.

Kolosebii 2:15

Ni ekpɔlɔ onukpayelii kɛ hewalɛi lɛ ahe nii, ni ebɔ amɛ ahora faŋŋ, ni enyã yɛ amɛnɔ.

Hebribii 1:2

Shi nɛkɛ bei nɛɛ anaagbee mli lɛ, eBi lɛ naa ekɛ wɔ wie yɛ. Ekɛ lɛ efee nibii fɛɛ yelɔ, ni enɔ hu etsɔ̃ efee je lɛ.

Hebribii 2:10

Ejaakɛ esa Nyɔŋmɔ mɔ hewɔ ni nii fiaa yɔɔ kɛ mɔ nɔ ni tsɔ̃ ni nii fiaa yɔɔ lɛ akɛ, bɔ ni afee ni eŋɔ bii babaoo kɛba anunyam mli lɛ, ehã amɛyiwalaheremɔ Tatsɛnukpa lɛ atsɔ̃ amanehului amli ahi kɛwula shi.

1 Petro 3:22

mɔ ni etee ŋwɛi ni eyata Nyɔŋmɔ ninejurɔ nɔ, ni akɛ ŋwɛi bɔfoi kɛ hegbɛi kɛ hewalɛi fɛɛ ewo eshishi lɛ.