Kolosebii 1:10 - ŊMALƐ KRƆŊKRƆŊ LƐ

¹⁰ Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

Ṅmãle̱ Kroṅkroṅ Le̱

¹⁰ koni nyenyie bo̱ni sa Nuṅtšo̱ le̱ ni asa ehĩe kwrā, ni nyewo yibii ye̱ nitšumo̱ kpakpa-fẽ-nitšumo̱ kpakpa mli, Ef. 4,1. Fil. 1,27.

Kolosebii 1:10 ပူးပေါင်းရင်းမြစ်များ

Abe̱i 16:7

Kɛji gbɔmɔ adesa jeŋba sa Yehowa hiɛ lɛ, ehãa ehenyɛlɔi tete kɛ lɛ kpãtãa.

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Daniel 12:4

Shi ekɛɛ mi akɛ, “Bo, Daniel, tsiimɔ wiemɔi nɛɛ anɔ, ni osɔo wolo nɛɛ naa kɛyashi naagbee be lɛ. Ni mɛi pii aaagba amɛhe naa kɛya kɛba kɛtao nɔ ni eba lɛ shishi; ni nilee aaafa.”

Mika 4:5

Maŋ fɛɛ maŋ jaa, ni eboɔ enyɔŋmɔ toi; shi wɔ lɛ wɔɔja ni wɔɔbo Yehowa, wɔNyɔŋmɔ lɛ toi kɛaatee naanɔ.

Habakuk 2:14

Moŋ shikpɔŋ lɛ nɔ baayi tɔ kɛ Yehowa anunyam lɛ he nilee, tamɔ bɔ ni ŋshɔ eyi tɔ kɛ nu lɛ.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Yohane 15:8

Nɔ ni akɛwoɔ miTsɛ hiɛ nyam ji akɛ nyɛwo yibii pii, ni nyɛfee mikaselɔi.

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Romabii 1:13

Shi anyɛmimɛi, miisumɔ akɛ nyɛle akɛ mifɔɔ miyiŋtoo akɛ maba nyɛŋɔɔ, koni mibana yibii komɛi yɛ nyɛ hu nyɛteŋ, tamɔ mina yɛ jeŋmaji krokomɛi lɛ ateŋ lɛ.

Romabii 4:12

ni asaŋ efee ketiafolɔi atsɛ hu ehã mɛi ni amɛjeee ketiafolɔi kɛkɛ, shi moŋ amɛkɔ wɔtsɛ Abraham, mɔ ni he ye be mli ni eji foolɔ beebe lɛ, nane.

Romabii 6:4

No hewɔ lɛ, akɛ baptisimɔ ni abaptisi wɔ awo egbele lɛ mli lɛ efu wɔ kɛ lɛ fɛɛ, koni tamɔ bɔ ni atee Kristo shi kɛjɛ gbohii ateŋ yɛ Tsɛ lɛ anunyam naa lɛ, nakai nɔŋŋ kɛ̃ wɔ hu wɔɔnyiɛ yɛ wala hee mli.

2 Korintobii 2:14

Shi shidaa ahã Nyɔŋmɔ, mɔ ni tsɔ̃ɔ Yesu Kristo nɔ nyiɛɔ wɔhiɛ be fɛɛ be yɛ ekunimyeli lɛ mli lɛ, ni etsɔ̃ɔ wɔnɔ ehãa enilee ŋmajee lɛ jeɔ kpo yɛ he fɛɛ he lɛ.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

2 Korintobii 5:9

No hewɔ lɛ, oti ni wɔkɛma wɔhiɛ ji akɛ, shĩa wɔyɔɔ jio, dommɔ wɔdom jio, esa ni wɔsa ehiɛ.

2 Korintobii 9:8

Shi Nyɔŋmɔ yɛ hewalɛ akɛ eeehã dromɔ fɛɛ atɛke nɔ ahã nyɛ, koni nyɛhe atua nyɛ kwraa yɛ nɔ fɛɛ nɔ mli daa nɛɛ ni nyɛna nii kɛtɛke nɔ hã nitsumɔ kpakpa fɛɛ nitsumɔ kpakpa;

Efesobii 1:17

koni wɔNuŋtsɔ Yesu Kristo Nyɔŋmɔ lɛ ni ji anunyam Tsɛ lɛ ahã nyɛ nilee kɛ kpojiemɔ mumɔ yɛ le ni nyɛaale lɛ jogbaŋŋ lɛ mli.

Efesobii 2:10

Ejaakɛ enine naa nitsumɔnii ji wɔ, abɔ wɔ yɛ Kristo Yesu mli ahã nitsumɔi kpakpai ni Nyɔŋmɔ esaa eto koni wɔnyiɛ yɛ mli lɛ.

Efesobii 4:1

No hewɔ lɛ, mi ni mi ji gboklɛfonyo yɛ Nuŋtsɔ lɛ mli lɛ, miikpa nyɛ fai akɛ nyɛnyiɛ bɔ ni sa tsɛmɔ ni akɛtsɛ nyɛ lɛ.

Efesobii 4:13

kɛyashi beyinɔ ni wɔ fɛɛ wɔɔshɛ ekomefeemɔ ni yɔɔ Nyɔŋmɔ Bi lɛ nɔ hemɔkɛyeli kɛ ehe nilee mli lɛ he. Ni wɔfee nuu ni eye emuu yɛ Kristo emuuyeli lɛ susumɔ naa;

Efesobii 5:10

Nyɛkaa nyɛkwɛa ni nyɛna nɔ ni sa Nuŋtsɔ lɛ hiɛ;

Efesobii 5:15

No hewɔ lɛ, nyɛkwɛa jogbaŋŋ bɔ ni nyɛaanyiɛ nyɛhã, jeee tamɔ mɛi ni leee nii, shi moŋ tamɔ nilelɔi,

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Filipibii 1:27

Nɔ kome kɛkɛ ji akɛ, nyɛbaa nyɛjeŋ bɔ ni sa Kristo Sanekpakpa lɛ, koni kɛ miba mibana nyɛ jio, mikɛ nyɛ bɛ jio, manu nyɛhe akɛ nyɛdamɔ shi yɛ mumɔ kome mli, ni nyɛkɛ jwɛŋmɔ kome miipele Sanekpakpa lɛ hemɔkɛyeli lɛ he,

Filipibii 4:18

Shi mina nii fɛɛ ni eteke nɔ; ni akɛni minine eshɛ nii ni nyɛkɛmaje Epafrodito kɛbahã mi lɛ nɔ nɛɛ, mina nɔ fɛɛ nɔ ni mitaoɔ; eji ŋmajee kpakpa kɛ afɔle kɛ ŋɔɔmɔ ni sa Nyɔŋmɔ hiɛ.

Kolosebii 2:19

ni ehiɛɛɛ Kristo ni ji yitso lɛ mli, mɔ mli ni gbɔmɔtso lɛ fɛɛ tsɔ̃ɔ talɔi kɛ fai lɛ anɔ enaa nii ni hiaa lɛ kɛjeɔ ni emɔmɔ̃ɔ ehe kɛshimɔ̃ɔ ehe nɔ kɛdaa bɔ ni Nyɔŋmɔ taoɔ lɛ.

Kolosebii 2:6

No hewɔ lɛ, bɔ ni nyɛhere Kristo Yesu, Nuŋtsɔ lɛ atuu lɛ, nyɛnyiɛa yɛ emli.

Kolosebii 3:20

Nyɛ bii lɛ, nyɛboa nyɛfɔlɔi atoi yɛ nibii fɛɛ gbɛfaŋ; ejaakɛ no sa Nuŋtsɔ lɛ hiɛ.

Kolosebii 4:5

Nyɛbaa nyɛjeŋ yɛ nilee mli yɛ mɛi ni yɔɔ sɛɛ lɛ ahiɛ, ni nyɛtsu nyɛbe he nii.

1 Tesalonikabii 2:12

Ni wɔwieɔ wɔtsɔ̃ɔ nyɛ, ni wɔshɛjeɔ nyɛmii hu, ni wɔkpaa nyɛ fai akɛ nyɛnyiɛ bɔ ni sa Nyɔŋmɔ ni tsɛɔ nyɛ kɛbaa lɛ diɛŋtsɛ emaŋtsɛyeli kɛ enunyam lɛ mli lɛ.

1 Tesalonikabii 4:1

Naagbee lɛ, anyɛmimɛi, nyɛkase yɛ wɔŋɔɔ bɔ ni sa akɛ nyɛba nyɛjeŋ ni esa Nyɔŋmɔ hiɛ. Nyɛmiifee nakai, shi wɔmiikpa nyɛ fai ni wɔmiiwo nyɛ ŋaa yɛ Nuŋtsɔ Yesu mli akɛ nyɛfee ni ateke nɔ fe tsutsu lɛ.

2 Timoteo 2:4

Mɔ ko enyiɛɛɛ ta gbɛ ni ekɛ ehe wo shĩa saji amli, koni esa mɔ ni fã lɛ kɛtee ta lɛ lɛŋ lɛ hiɛ.

Tito 3:1

Kaimɔ amɛ ni amɛba amɛhe shi amɛhã onukpai kɛ nɔyelɔi lɛ, amɛbo amɛ toi, amɛsaa amɛhe amɛhã nitsumɔ kpakpa fɛɛ nitsumɔ kpakpa.

Tito 3:14

Shi hã ni wɔ diɛŋtsɛ wɔmɛi lɛ hu akase nitsumɔi kpakpai ahe mɔdɛŋbɔɔ yɛ fimɔ kɛ hiamɔ hewɔ, koni amɛkafee mɛi ni wooo yibii.

Hebribii 11:5

Hemɔkɛyeli hewɔ aŋɔ Henok kɛtee (ŋwɛi), koni ekana gbele, ni anãaa lɛ dɔŋŋ akɛni Nyɔŋmɔ ŋɔ lɛ kɛtee lɛ; ejaakɛ dani aaaŋɔ lɛ kɛya lɛ aye ehe odase akɛ esa Nyɔŋmɔ hiɛ.

Hebribii 13:16

Shi ejurɔfeemɔ kɛ nikee lɛ, nyɛhiɛ akakpaa nɔ; ejaakɛ nakai afɔlei saa Nyɔŋmɔ hiɛ jogbaŋŋ.

Hebribii 13:21

lɛ esaa nyɛ ehã nitsumɔ kpakpa fɛɛ nitsumɔ kpakpa, ni nyɛfee esuɔmɔnaanii, ni etsɔ̃ Yesu Kristo nɔ efee nɔ ni sa ehiɛ yɛ nyɛmli. Lɛ aŋɔ anunyam ahã kɛyashi naanɔi anaanɔ lɛ. Amen!

2 Petro 1:8

Ejaakɛ kɛji nɛkɛ nii nɛɛ yɛ nyɛmli ni efa lɛ, ehãŋ nyɛfee mɛi ni ebɔɔɔ mɔdɛŋ aloo mɛi ni wooo yibii yɛ wɔNuŋtsɔ Yesu Kristo he nilee lɛ gbɛfaŋ.

2 Petro 3:18

Shi nyɛshwerea yɛ wɔNuŋtsɔ kɛ yiwalaherelɔ Yesu Kristo dromɔ kɛ nilee lɛ mli. Lɛ nɔŋŋ aŋɔ anunyam ahã agbɛnɛ kɛ daa. Amen!

1 Yohane 3:22

Ni nɔ fɛɛ nɔ ni wɔbaa lɛ lɛ, wɔnaa yɛ edɛŋ, ejaakɛ wɔyeɔ ekitãi lɛ anɔ, ni wɔfeɔ nii ni sa ehiɛ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

3 Yohane 1:6

Amɛ amɛbaye osuɔmɔ lɛ he odase yɛ asafo lɛ hiɛ; ni kɛ ooowo amɛ gbɛ bɔ ni sa yɛ Nyɔŋmɔ hiɛ lɛ, ooofee jogbaŋŋ.