Kojolɔi 9:5 - ŊMALƐ KRƆŊKRƆŊ LƐ

⁵ Etee etsɛ we lɛ yɛ Ofra, ni eyagbe Gideon bihii nyɔŋmai kpawo lɛ ni ji enyɛmimɛi lɛ, yɛ tɛ kome nɔ. Shi Yotam ni ji Gideon nakutsoŋbi lɛ kome pɛ shwɛ, ejaakɛ etee ehe.

Ṅmãle̱ Kroṅkroṅ Le̱

⁵ Ni ete etše̱ we le̱ ye̱ Ofra, ni eyagbe Ierubaal bihĩĩ nyoṅmai-kpawo le̱, ni ši enyemimei, ye̱ te̱ kome no̱; ši Iotam, Ierubaal binū gbekẽ le̱, pe̱ ſe̱, edšake̱ etē ehe.

Kojolɔi 9:5 ပူးပေါင်းရင်းမြစ်များ

1 Maŋtsɛmɛi 1:12

No hewɔ lɛ, agbɛnɛ ba ni mawo bo ŋaa, bɔ ni afee ni okɛhere bo diɛŋtsɛ kɛ obi Solomon yiwala.

1 Maŋtsɛmɛi 1:21

Kɛjeee nakai lɛ aaaba mli akɛ be ni minuŋtsɔ maŋtsɛ etsɔ̃ esɛɛ lɛ, aaabu mi kɛ mibi Solomon gbɔmɛi gbohii, ni amɛaagbe wɔ.”

2 Maŋtsɛmɛi 10:17

Be ni Yehu shɛ Samaria lɛ, Yehu gbe Ahab weku fɛɛ ni eshwɛ lɛ yɛ Samaria; ni eshiii mɔ kome nɛkɛ, tamɔ bɔ ni Yehowa tsɔ̃ Elia nɔ ewie lɛ.

2 Maŋtsɛmɛi 10:7

Be ni wolo lɛ bashɛ amɛdɛŋ lɛ, amɛmɔmɔ maŋtsɛ bihii nyɔŋmai kpawo lɛ, ni amɛgbe amɛ fɛɛ, ni amɛŋɔ amɛyitsei lɛ amɛwo kɛntɛŋi amli, ni amɛtsu akɛyahã Yehu yɛ Yezreel.

2 Maŋtsɛmɛi 11:3

Ni Yehosheba ŋɔ lɛ eyatee yɛ Yehowa we lɛ afii ekpaa, be mli ni Atalia yeɔ maŋnyɛ yɛ shikpɔŋ lɛ nɔ lɛ.

2 Kronika 21:4

Be ni Yehoram ebata etsɛ maŋtsɛyeli sɛi lɛ nɔ, ni emaŋtsɛyeli lɛ ehe shi lɛ, egbe enyɛmimɛihii lɛ fɛɛ kɛ Israel maŋ onukpai komɛi hu.

Mateo 2:16

Agbɛnɛ be ni Herode na akɛ nilelɔi lɛ yeee lɛ anɔkwa lɛ, emli fu waa, ni etsu ayagbe gbekɛbii hii fɛɛ ni yɔɔ Betlehem kɛ jɛi niiaŋ fɛɛ, mɛi ni eye afii enyɔ kɛ mɛi ni yeko nakai lɛ, kɛji abu kɛjɛ be ni ebi nilelɔi lɛ sane lɛ fitsofitso lɛ.

Mateo 2:20

ni ekɛɛ, “Tee shi ni oŋɔ abifao lɛ kɛ enyɛ lɛ ni oya Israel shikpɔŋ lɛ nɔ; shi mɛi ni taoɔ abifao lɛ amɛgbe lɛ amɛgboi.”

Kojolɔi 6:11

Agbɛnɛ Yehowa bɔfo lɛ ba ebata Yoash, Abiezernyo lɛ, blɔfo yɔɔyitso ni yɔɔ Ofra lɛ shishi. Nakai be lɛ, Yoash bi Gideon lɛ miigbee ŋmãa yɛ wainbu mli, bɔ ni afee ni Midianbii lɛ akana.

Kojolɔi 6:24

Kɛkɛ ni Gideon ma afɔleshãa latɛ yɛ jɛi ehã Yehowa, ni etsɛ lɛ akɛ, “Yehowa ji hejɔlɛ.” Afɔleshãa latɛ lɛ yɛ Ofra ni ji Abiezerbii anɔ lɛ kɛbashi ŋmɛnɛ.

Kojolɔi 8:30

Eyɛ bihii nyɔŋmai kpawo ni ji lɛ diɛŋtsɛ emusuŋbii, ejaakɛ eŋɔ yei pii.

Kojolɔi 9:18

Shi ŋmɛnɛ nyɛte shi nyɛwo mitsɛ we lɛ, ni nyɛgbe ebihii lɛ, mɛi nyɔŋmai kpawo sɔŋŋ, yɛ tɛ kome nɔ; ni nyɛwo Abimelek, eweyoo bi lɛ, Shekembii amaŋtsɛ, ejaakɛ nyɛnyɛmi ji lɛ.

Kojolɔi 9:2

“Nyɛfai nɛ, nyɛbia yɛ Shekembii fɛɛ ahiɛ akɛ, ‘Te emli nɔ ni hi hã nyɛ hu? Akɛ Yerubaal bihii nyɔŋmai kpawo lɛ fɛɛ aye nyɛnɔ, aloo mɔ kome kɛkɛ aye nyɛnɔ?’ Nyɛkaia hu akɛ, mi lɛ, nyɛheloo kɛ lá ji mi.”

Kojolɔi 9:6

Kɛkɛ ni Shekembii lɛ fɛɛ kɛ Milo we lɛ fɛɛ naa bakpe shi ni amɛtee amɛyawo Abimelek maŋtsɛ yɛ kaimɔ tso kpeteŋkple ni yɔɔ Shekem lɛ shishi.