Kojolɔi 9:4 - ŊMALƐ KRƆŊKRƆŊ LƐ

⁴ Amɛŋɔ jwiɛtɛi kukuji nyɔŋmai kpawo kɛjɛ Baal-Berit we lɛ amɛhã lɛ. Abimelek kɛ shika nɛɛ bɔ yakayaka gbɔmɛi yibulɔi apaa koni amɛnyiɛ esɛɛ.

Ṅmãle̱ Kroṅkroṅ Le̱

⁴ Ni ame̱ṅõ dſie̱te̱i kukudši nyoṅmai-kpawo ke̱-dše̱ *Baal-Berit we le̱ ame̱bãle̱, ni Abimelek ṅõ-bo̱ yakayaka gbomei yi-bulo̱i apã, ni ame̱nyie ese̱. *8,33.

Kojolɔi 9:4 ပူးပေါင်းရင်းမြစ်များ

2 Samuel 6:20

Ni be ni David yiŋ etee ewe lɛ ni eyahã sɛɛ fɛɛ lɛ, Mikal, Saul biyoo lɛ, je kpo ekɛ lɛ bakpe, ni ekɛɛ lɛ akɛ, “Aso nyam pi Israel maŋtsɛ lɛ wo ehiɛ ŋmɛnɛ nɛɛ kɛ ehe bo ni ejie yɛ etsuji kɛ eweyei ahiɛ tamɔ mɛi ni ahiɛgble tɔ ejwa feɔ lɛ!”

2 Kronika 13:7

Ena hii fɔ̃ji kɛ yakagbɔmɛi efata ehe kɛwo lɛ hewalɛ, ni akɛni nakai be mli lɛ Rehoboam edako, asaŋ ehiɛ waaa hu hewɔ lɛ enyɛɛɛ amɛ.

Hiob 30:8

Kwashiai yakagbɔmɛi abii; ayi amɛ, ashwie amɛ kɛje shikpɔŋ lɛ nɔ.

Abe̱i 12:11

Mɔ ni huɔ eŋmɔ lɛ eeetɔ kɛ ŋmãa pii; shi mɔ ni nyiɛɔ yakanii asɛɛ lɛ ebɛ jwɛŋmɔ.

Zefania 3:4

Emli gbalɔi lɛ yiŋflɛflɛtsɛmɛi kɛ kutumpɔfoi sɔŋŋ ni; ni emli osɔfoi lɛ ebule nii ni yɔɔ krɔŋkrɔŋ, ni amɛtsɔ Nyɔŋmɔ mla lɛ hiɛ amɛbu shi.

Bɔfoi 17:5

Shi efee Yudafoi krokomɛi lɛ atãŋ, ni amɛyakpala niiahetswialɔi lɛ ateŋ hii fɔ̃ji komɛi amɛfata amɛhe, ni be ni amɛfee asafo yuu lɛ, amɛwo maŋ lɛ mli hirihiri; ni amɛyatua Yason we lɛ amɛmiitao akɛ amɛkpala Paulo kɛ Sila amɛyahã maŋ lɛ.

Kojolɔi 11:3

Kɛkɛ ni Yefta jo foi yɛ enyɛmimɛi lɛ aŋɔɔ, ni eyahi Tob shikpɔŋ lɛ nɔ. Yakayaka gbɔmɛi komɛi bua amɛhe naa amɛyafata Yefta he, ni amɛkɛ lɛ fãa ta, amɛyayeɔ ojo.

Kojolɔi 8:33

Shi be ni Gideon egbo sɛɛ lɛ, Israelbii lɛ ku amɛsɛɛ amɛyasɔmɔ Baal nyɔŋmɔi lɛ, ni amɛkɛ Baal-Berit fee amɛnyɔŋmɔ.

Kojolɔi 9:27

Amɛje kpo kɛtee amɛŋmɔji ashi. Amɛkpa amɛwaintromi lɛ amli yibii ni amɛŋã wain lɛ. Kɛkɛ ni amɛye gbijurɔ. Amɛtee amɛnyɔŋmɔ lɛ we lɛ. Amɛyeyee nii; amɛnunuu dãi, ni amɛye Abimelek he fɛo.

1 Samuel 22:2

Kɛkɛ ni mɛi fɛɛ ni aawa amɛ yi kɛ mɛi hu ni hiɛhiɛ nyɔji kɛ mɛi fɛɛ hu ni bɛ shihilɛ he miishɛɛ lɛ bua amɛhe naa ni amɛyafata David he. Kɛkɛ ni David batsɔ̃ amɛsafoiatsɛ. Hii aaafee ohai ejwɛ sɔŋŋ ni bafata David he nɛɛ.