Kojolɔi 8:3 - ŊMALƐ KRƆŊKRƆŊ LƐ

³ Nyɔŋmɔ hewalɛ naa lɛ nyɛgbe Midian lumɛi ni ji Oreb kɛ Zeeb. Mɛni minyɛ mifee ni ekɛ nɔ ni nyɛfee lɛ ye egbɔ?” Nɛkɛ ni ekɛɛ pɛ, kɛkɛ ni amɛmlifu lɛ naa ba shi.

Ṅmãle̱ Kroṅkroṅ Le̱

³ Nyoṅmo̱ eṅõ Oreb ke̱ Zeeb, Midian lume̱i le̱, ewo nyedeṅ; ni meni minyẽ mife ni ke̱ nyenõ le̱ ye egbo̱? Ke̱ke̱ ni beni ekē̱ nakai le̱, ame̱mii ní efũle̱ le̱ nā ba ši.

Kojolɔi 8:3 ပူးပေါင်းရင်းမြစ်များ

Lalai 115:1

Jeee wɔ, Yehowa, jeee wɔ, shi ogbɛi lɛ moŋ aŋɔ anunyam ahã, yɛ osuɔmɔ ni tsakeee kɛ onɔkwayeli lɛ hewɔ!

Lalai 44:3

Ejaakɛ jeee amɛ diɛŋtsɛ amɛklante nɔ amɛtsɔ̃ amɛŋɔ shikpɔŋ lɛ; asaŋ jeee amɛnineshiwalɛ hã amɛye kunim; shi moŋ ohewalɛ kɛ onyɛmɔ naa, kɛ ohiɛ ni kã amɛhe lɛ hã amɛye kunim; ejaakɛ oyɛ amɛhe tsuijurɔ.

Abe̱i 15:1

Naajɔlɛ hetoo kuɔ mlila naa; shi mlila wiemɔ teɔ mlifu shi.

Abe̱i 16:32

Mɔ ni mli fuuu mra lɛ ehi fe kãkãlɔ; ni mɔ ni yeɔ emumɔ nɔ lɛ, ehi fe mɔ ni yeɔ maŋ nɔ kunim.

Abe̱i 25:11

Wiemɔ ni aaawie be ni sa mli lɛ, etamɔ shika kpɔbii ni tara jwiɛtɛi mli.

Abe̱i 25:15

Aaanyɛ akɛ tsuishitoo blɛoo atsake nɔyelɔ jwɛŋmɔ; ni naajɔlɛ wiemɔ kuɔ wu.

Yohane 4:37

Ejaakɛ enɛ mli ni wiemɔ ni awie akɛ, ‘Mɔ ko duɔ ni mɔ ko kpaa’ lɛ baa mli yɛ.

Romabii 12:3

Shi miitsɔ̃ dromɔ ni akɛduro mi lɛ nɔ miikɛɛ nyɛteŋ mɔ fɛɛ mɔ akɛ, ekabu lɛ diɛŋtsɛ ehe tuutu fe bɔ ni sa; shi moŋ ejwɛŋ kɛ hiɛshikãmɔ, mɔ fɛɛ mɔ lɛ yɛ hemɔkɛyeli bɔ ni Nyɔŋmɔ ehã lɛ lɛ naa.

Romabii 12:6

ni dromɔ ni akɛhã wɔ lɛ naa lɛ, wɔyɛ dromɔ keenii srɔtoi, mɔ fɛɛ mɔ kɛ enɔ; kɛji mɔ ko nɔ ji akɛ egba lɛ, egba yɛ hemɔkɛyeli bɔ ni akɛhã lɛ lɛ naa;

Filipibii 2:3

Ni nyɛkafea nɔ ko kɛ mligbalamɔ mumɔ loo yaka anunyam taomɔ, shi moŋ nyɛkɛ heshibaa jwɛŋmɔ abua nyɛnanemɛi akɛ amɛfe nyɛ.

Kojolɔi 8:2

Gideon kɛɛ amɛ akɛ, “Mɛni mifee ni ekɛ nɔ ni nyɛfee lɛ ye egbɔ? Fioo po ni nyɛ, Efraim, nyɛfee lɛ, efe nɔ ni mikɛ miweku muu fɛɛ efee lɛ.

Kojolɔi 8:4

Gideon kɛ hii ohai etɛ̃ ni ekɛnyiɛ lɛ shɛ Yordan Faa lɛ naa, ni amɛfo. Etɔ amɛ moŋ, shi kɛ̃lɛ amɛnyiɛ henyɛlɔi lɛ asɛɛ lolo.