Kojolɔi 8:10 - ŊMALƐ KRƆŊKRƆŊ LƐ

¹⁰ Shi Zeba kɛ Zalmuna kɛ tabilɔi aaafee hii akpei nyɔŋma kɛ enumɔ yɛ Karkor. Mɛnɛɛmɛi ji mɛi pɛ ni eshwɛ yɛ bokãgbɛbii ata lɛ fɛɛ mli, ejaakɛ tabilɔi akpei oha kɛ nyɔŋmai enyɔ sɔŋŋ enyɔnyɔi.

Ṅmãle̱ Kroṅkroṅ Le̱

¹⁰ Ni Zeba ke̱ Zalmuna ye̱ Karkor, ni ame̱tai le̱ fata ame̱he, aafe mei akpei-nyoṅma-ke̱-enumo̱, ní dši mei pe̱ ní eſe̱ ye̱ bokãgbe̱bii le̱ ata le̱ fẽ mli; edšake̱ tabilo̱i akpei-oha-ke̱-nyoṅmai-enyo̱ so̱ṅṅ nyōnyõi.

Kojolɔi 8:10 ပူးပေါင်းရင်းမြစ်များ

2 Maŋtsɛmɛi 3:26

Be ni Moab maŋtsɛ lɛ na akɛ ta lɛ naa wa tsɔ̃ hã lɛ lɛ, eŋɔ hii ohai kpawo ni hiɛ klante efata ehe, koni amɛgba kɛtsɔ̃ henyɛlɔi lɛ ata lɛ mli kɛjo foi kɛya Siria maŋtsɛ lɛ ŋɔɔ, shi amɛnyɛɛɛ.

2 Kronika 13:17

Abia kɛ Yudabii lɛ ye Israelbii lɛ anɔ butuu kwraa. Israel hii kakabãŋi lɛ ateŋ akpei ohai enumɔ nyɔnyɔɔ yɛ ta lɛ mli.

2 Kronika 28:6

ejaakɛ gbi kometoo nɔ lɛ, Israel Maŋtsɛ Peka, Remalia binuu lɛ, gbe Yuda tabilɔi kãkãlɔi lɛ ateŋ mɛi akpei oha kɛ nyɔŋmai enyɔ sɔŋŋ. Eba lɛ nɛkɛ ejaakɛ Yudabii lɛ ekwa Yehowa, amɛtsɛmɛi aNyɔŋmɔ lɛ.

2 Kronika 28:8

Israel tabilɔi lɛ ŋɔ amɛnyɛmimɛi Yudabii lɛ ateŋ yei kɛ amɛbihii kɛ amɛbiyei akpei ohai enyɔ nom kɛtee Samaria; asaŋ amɛha Yudabii anii babaoo hu kɛtee.

Yesaia 37:36

Yehowa bɔfo ko tee Asiria tabilɔi lɛ ashitoohe lɛ mli, ni eyagbe mɛi akpei oha kɛ nyɔŋmai kpaanyɔ kɛ enumɔ. Be ni ate shi leebi maŋkpa lɛ, naa gbɔmɛi lɛ jwere shi ni amɛgboi.

Yesaia 9:4

Ejaakɛ amɛkɔŋtso ni tsɔ̃ jatsu lɛ, kɛ amɛkpalamɔ tso lɛ kɛ amɛnɔyelɔ lɛ dɛŋ kpãa lɛ okumɔ fɛɛ mli, tamɔ ofee Midian ta lɛ.

Kojolɔi 20:15

Nakai gbi lɛ Benyaminbii lɛ bua hii tawulɔi akpei nyɔŋmai enyɔ kɛ ekpaa naa kɛjɛ amɛmaji lɛ amli;

Kojolɔi 20:17

Kɛ Benyaminbii lɛ bɛ mli lɛ, Israel tabilɔi lɛ anaa shiɔ hii akpei ohai ejwɛ ni emĩa kɛ klante; ni atsɔse amɛ jogbaŋŋ hã tawuu.

Kojolɔi 20:2

Israel akutsei lɛ fɛɛ amli onukpai lɛ badamɔ shi yɛ Nyɔŋmɔ maŋ lɛ gwabɔɔ lɛ mli. Asafo lɛ yibɔ ji, hii ni nyiɛ amɛnane nɔ, mɛi akpei ohai ejwɛ sɔŋŋ ni le tawuu.

Kojolɔi 20:25

Benyaminbii lɛ fã kɛjɛ Gibea gbi ni ji enyɔ lɛ nɔ, ni amɛbakpãtã Israelbii lɛ ateŋ hii akpei nyɔŋma kɛ kpaanyɔ hiɛ; amɛ fɛɛ lɛ hii tawulɔi ni.

Kojolɔi 20:35

Yehowa hã Israelbii lɛ ye amɛnɔ kunim. Nakai gbi lɛ Israelbii lɛ kpãtã Benyaminbii lɛ ateŋ hii akpei nyɔŋmai enyɔ kɛ enumɔ kɛ oha hiɛ; amɛ fɛɛ lɛ hii tawulɔi sɔŋŋ.

Kojolɔi 20:46

No hewɔ lɛ, mɛi fɛɛ ni nyɔ nakai gbi lɛ yɛ Benyaminbii lɛ ateŋ ji hii akpei nyɔŋmai enyɔ kɛ enumɔ, amɛ fɛɛ lɛ tawulɔi kãkãlɔi sɔŋŋ ni.

Kojolɔi 6:5

Ejaakɛ amɛbaa kɛ amɛkooloi kɛ amɛbuui. Amɛbaa babaoo tamɔ baalabii; ni amɛ kɛ amɛyoomai lɛ fɛɛ lɛ anyɛɛɛ akane. Amɛbaa shikpɔŋ lɛ nɔ amɛbakpãtãa hiɛ.

Kojolɔi 7:12

Shi Midianbii lɛ kɛ Amalekbii kɛ bokãgbɛbii lɛ fɛɛ bua jɔɔ lɛ mli babaoo tamɔ baalabii. Amɛyoomai lɛ aleee amɛyibɔ; amɛyifalɛ tamɔ ŋshɔnaa shia.

Kojolɔi 7:13

Be ni Gideon shɛ jɛi lɛ, naa mɔ ko ni eegba enaanyo ko lamɔ ni ela. Mɔ ni gbaa lɛ kɛɛ: “Naa, mila lamɔ ko. Mila ni aboloo akwaabɔ ko koklo kɛba Midian nsra lɛ mli kɛbanina buu ko. Ebatswa buu lɛ, ni etoo lɛ ebu shi, ni buu lɛ butu kwraa eshwie shi.”

Kojolɔi 7:22

Be ni akpã tɛtɛrɛmantɛrɛi ohai etɛ̃ lɛ, Yehowa hã Midianbii lɛ ateŋ mɔ fɛɛ mɔ dɔ eklante eto enyɛmi nɔ yɛ nsra muu lɛ fɛɛ mli. Kɛkɛ ni Midian ta muu lɛ fɛɛ jo foi kɛtee Bet-Shita ni yɔɔ kɛyaa Zerera gbɛ lɛ, kɛtee Abel-Mehola ni yɔɔ Tabat masɛi lɛ tɔ̃ɔ.

Kojolɔi 8:11

Kɛkɛ ni Gideon tsɔ̃ gbɛ ni gbɛfalɔi aku nyiɛɔ nɔ lɛ nɔ yɛ Noba kɛ Yagbeha bokãgbɛ, ni eyahɛŋ henyɛlɔi lɛ trukaa.