Kojolɔi 7:9 - ŊMALƐ KRƆŊKRƆŊ LƐ

⁹ Nakai nyɔɔŋ lɛ mli nɔŋŋ lɛ, Yehowa kɛɛ Gideon akɛ, “Tee shi ni okpeleke shi oyatua Midian nsra lɛ, ejaakɛ mibahã oye amɛnɔ kunim.

Ṅmãle̱ Kroṅkroṅ Le̱

⁹ Ni eba mli nakai nyõ le̱ṅ noṅṅ ake̱ Iehowa kē̱le̱ ake̱: Te ši ni okpleke ši ke̱-ya nsra le̱ṅ, edšake̱ miṅõ-wo odeṅ!

Kojolɔi 7:9 ပူးပေါင်းရင်းမြစ်များ

2 Kronika 20:17

Ta nɛɛ lɛ nyɛtswaŋ eko. Nyɛ lɛ nyɛgbaa nyɛta lɛ kɛkɛ koni nyɛdamɔa shi nyɛmɛ koni nyɛkwɛ kunim ni Yehowa baaye ahã nyɛ Yuda kɛ Yerusalɛmbii. Nyɛkashea gbeyei, asaŋ nyɛtsui akafãa hu. Wɔ lɛ, nyɛfãa ta koni nyɛ kɛ amɛ ayakpea ejaakɛ Yehowa kɛ nyɛ yɛ.”

Hiob 4:13

be ni wɔ ni tsii nyɔɔ mɛi anɔ, ni ninai ahejwɛŋmɔ

Mateo 1:20

Shi be ni ejwɛŋɔ nii nɛɛ ahe lɛ, Nuŋtsɔ lɛ bɔfo jie ehe kpo etsɔ̃ɔ lɛ yɛ wɔlamɔ mli, ni ekɛɛ lɛ akɛ, “Yosef, David bi, kaashe oŋa Maria lɛ ŋɔɔ gbeyei, shi musu ni ehiɛ nɛɛ ejɛ Mumɔ Krɔŋkrɔŋ lɛ mli,

Mateo 2:13

Ni be ni amɛtee lɛ, Nuŋtsɔ lɛ bɔfo jie ehe kpo etsɔ̃ɔ Yosef yɛ wɔlamɔ mli ni ekɛɛ, “Tee shi; ŋɔɔ abifao lɛ kɛ enyɛ lɛ, ni ojo foi oya Ijipt, ni ohi jɛi kɛyashi beyinɔ ni makɛɛ bo nɔ ko; shi Herode baatao abifao lɛ ni egbe lɛ,”

Bɔfoi 27:23

Ejaakɛ nyɔɔŋ nɛɛ mli lɛ Nyɔŋmɔ mɔ nɔ ni mi ji kɛ mɔ hu ni misɔ̃mɔɔ lɛ bɔfo badamɔ mimasɛi

Yoshua 10:8

Yehowa kɛɛ Yoshua akɛ, “Kaashe Amorbii lɛ gbeyei ejaakɛ mijɔɔ amɛnɔ momo mihã bo; amɛteŋ mɔ ko mɔ ko nyɛŋ ohiɛ edamɔ.”

Yoshua 11:6

Kɛkɛ ni Yehowa kɛɛ Yoshua akɛ, “Kaashe amɛ gbeyei ejaakɛ wɔ be ni aaashɛ nɛkɛ be mli lɛ mahã amɛ fɛɛ amɛnyɔnyɔi yɛ Israelbii ahiɛ. Nyɛfolɔa amɛkpɔŋɔi lɛ ananesɛɛ fãi lɛ, ni nyɛshãa amɛta shwiilii lɛ.”

Yoshua 2:24

Amɛkɛɛ Yoshua akɛ, “Yehowa etu shikpɔŋ lɛ ewo wɔdɛŋ lɛɛlɛŋ. Shikpɔŋ lɛ nɔ bii lɛ ejijaa yɛ wɔhewɔ.”

Kojolɔi 20:28

ni mɔ ni sɔmɔɔ yɛ jɛi yɛ Yehowa hiɛ ji Finehas, Aaron bi Eleazar bi lɛ. Israelbii lɛ bi Yehowa akɛ, “Ani wɔfã ekoŋŋ ni wɔkɛ wɔnyɛmimɛi Benyaminbii lɛ ayawu aloo wɔfɔ̃ɔ?” Yehowa kɛɛ, “Nyɛfãa kɛyaa, ejaakɛ wɔ lɛ, mahã nyɛye amɛnɔ kunim.”

Kojolɔi 3:10

Yehowa Mumɔ lɛ bayi Otniel nɔ, ni etsɔ̃ Israelbii lɛ ahiɛnyiɛlɔ. Efã ta, ni Yehowa hã enine tsɔ̃ Mesopotamia maŋtsɛ Kushan Rishataim lɛ nɔ ni eye enɔ kunim.

Kojolɔi 3:28

Ekɛɛ amɛ akɛ, “Nyɛnyiɛa misɛɛ, ejaakɛ Yehowa baahã nyɛye nyɛhenyɛlɔi Moabbii lɛ anɔ kunim.” No hewɔ lɛ, amɛkpeleke shi kɛnyiɛ esɛɛ. Amɛŋɔ Yordan faafoohei ni atsɔ̃ɔ jɛi kɛyaa Moab lɛ, ni amɛŋmɛɛɛ mɔ ko mɔ ko gbɛ ni efoɔ.

Kojolɔi 7:10

Shi kɛji ooshe gbeyei akɛ oooyatua amɛ lɛ, no lɛ, kɛ otsulɔ Pura akpeleke shi kɛya nsra lɛ mli,

Kojolɔi 7:8

No hewɔ lɛ, Gideon he nu kpuji lɛ kɛ tɛtɛrɛmantɛrɛi lɛ yɛ mɛi ni hiɛ lɛ adɛŋ. Ewo amɛteŋ mɔ fɛɛ mɔ gbɛ kɛtee ebuu mli; shi ehã hii ohai etɛ̃ lɛ hi shi. Midian nsra lɛ yɛ Gideon shishigbɛ yɛ jɔɔ lɛ mli.

1 Samuel 14:8

Yonatan kɛɛ lɛ akɛ, “Ojogbaŋŋ; wɔbaafo mli kɛya amɛŋɔɔ, ni wɔbajie wɔhe kpo koni amɛna wɔ.

1 Samuel 23:4

Enɛ hã David ku sɛɛ ni ebi Yehowa nii ekoŋŋ. Yehowa kɛɛ lɛ akɛ, “Yaa Keila lɛ, shi mibahã oye Filistibii lɛ anɔ kunim.”