Kojolɔi 7:4 - ŊMALƐ KRƆŊKRƆŊ LƐ

⁴ Kɛkɛ ni Yehowa kɛɛ Gideon akɛ, “Mɛi lɛ ayi fa tsɔ̃ lolo. Okɛ amɛ akpeleke shi kɛya nu lɛ he, ni maka amɛ yɛ jɛi mahã bo. Mɔ ni makɛɛ bo yɛ ehe akɛ, ‘Okɛ mɔnɛ akaya lɛ,’ okɛ lɛ akaya.”

Ṅmãle̱ Kroṅkroṅ Le̱

⁴ Ni Iehowa kē̱ Gideon ake̱: Maṅ le̱ fá tšṍ lolo; oke̱ame̱ ekpleke ši ke̱-ya nu le̱ be, ni makaame̱ ye̱ dše̱i mahão; ni aaba mli ake̱ moni makē̱o ye̱ ehe ake̱: Oke̱ mone̱ aya le̱, oke̱le̱ aya; ni mofẽmo ni makē̱o ye̱ ehe ake̱: Oke̱ mone̱ akaya le̱, oke̱le̱ akaya.

Kojolɔi 7:4 ပူးပေါင်းရင်းမြစ်များ

1 Mose 22:1

Saji nɛɛ asɛɛ lɛ eba mli akɛ Nyɔŋmɔ ka Abraham ni ekɛɛ lɛ akɛ, “Abraham!” Ni Abraham kɛɛ, “Naa mi!”

Hiob 23:10

Shi Nyɔŋmɔ le minanefaamɔi fɛɛ; kɛji eka mi ekwɛ lɛ ebaana mi akɛ shika ŋmiiŋmi.

Lalai 33:16

Jeee tabilɔi babaoo hãa maŋtsɛ yeɔ kunim; jeee tawulɔ ekãalɔ hewalɛ kpele lɛ hereɔ eyiwala.

Lalai 66:10

Oo Nyɔŋmɔ, oka wɔ okwɛ; bɔ ni akaa jwiɛtɛi akwɛɔ lɛ nakai oka wɔ okwɛ.

Lalai 7:9

Oo, hã mɛi fɔ̃ji anɔfɔŋfeemɔ lɛ sɛɛ afo; Shi jalɔi lɛ, ojuro amɛ; ejaakɛ bo ji jalɛ Nyɔŋmɔ, ni okaa tsui kɛ jwɛŋmɔ okwɛɔ.

Kojolɔi 7:5

Kɛkɛ ni Gideon kɛ mɛi lɛ kpeleke shi kɛtee nu lɛ he. Yehowa kɛɛ Gideon akɛ, “Mɔ fɛɛ mɔ ni kɛ elilɛi aaalɛmɔ nu lɛ tamɔ gbei lɛmɔɔ nu lɛ, akɛ lɛ adamɔ afã; ni nakai nɔŋŋ ofee mɔ fɛɛ mɔ ni aaakula enakutsei anaa ni eeenu nu lɛ.”

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

1 Samuel 16:7

Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”