Kojolɔi 7:20 - ŊMALƐ KRƆŊKRƆŊ LƐ

²⁰ Agbɛnɛ kui etɛ̃ lɛ fɛɛ kpãkpãa tɛtɛrɛmantɛrɛi lɛ, ni amɛjwara kpuji lɛ. Amɛhiɛ kɔtii lɛ yɛ amɛbɛku kɛ tɛtɛrɛmantɛrɛi lɛ yɛ amɛninejurɔ. Amɛkpã tɛtɛrɛmantɛrɛi lɛ, ni amɛbɔ oshe akɛ, “Yehowa kɛ Gideon klante!”

Ṅmãle̱ Kroṅkroṅ Le̱

²⁰ Ni koi etẽ le̱ fẽ kpãkpā̃ te̱tre̱mantre̱i le̱ ni ame̱dſăradſărā kpudši le̱, ni ame̱hĩe ko̱tii le̱ ye̱ ame̱be̱ku ke̱ te̱tre̱mantre̱i le̱ ye̱ ame̱nine dšũrõ, ni ame̱-pã, ni ame̱bo̱ oše ake̱: Iehowa ke̱ Gideon klante!

Kojolɔi 7:20 ပူးပေါင်းရင်းမြစ်များ

Yesaia 27:13

Aaakpã tɛtɛrɛmantɛrɛ wulu ko nakai gbi lɛ, ni mɛi fɛɛ ni elaaje yɛ Asiria shikpɔŋ lɛ nɔ lɛ, kɛ mɛi ni ashwie amɛ kɛtee Ijipt shikpɔŋ lɛ nɔ lɛ aaaba, ni amɛaabaja Yehowa yɛ Gɔŋ Krɔŋkrɔŋ lɛ nɔ yɛ Yerusalɛm.

Yeremia 47:6

‘Yehowa klante! Mɛɛ beyinɔ ohe aaajɔ? Kuu osɛɛ oyahɔ ohebo lɛ mli, ni ojɔɔ ohe, ni ofee kpoo!’

1 Korintobii 15:52

trukaa, hiŋmɛitswaa mli, be ni aaakpã naagbee tɛtɛrɛmantɛrɛ lɛ; ejaakɛ abaakpã tɛtɛrɛmantɛrɛ, ni aaatee gbohii ashi ni amɛfiteŋ dɔŋŋ, ni wɔ lɛ, abaatsake wɔ.

2 Korintobii 4:7

Shi wɔhiɛ nɛkɛ jwetri nɛɛ yɛ su kpuji amli, koni hewalɛ ni fa kɛtɛke nɔ lɛ afee Nyɔŋmɔ nɔ, ni jeee wɔnɔ.

1 Tesalonikabii 4:16

Ejaakɛ lɛ Nuŋtsɔ lɛ diɛŋtsɛ baakpleke shi kɛjɛ ŋwɛi yɛ oshebɔɔ mli ni ŋwɛi bɔfonukpa gbee kɛ Nyɔŋmɔ tɛtɛrɛmantɛrɛ baagbɛɛ, ni gbohii ni yɔɔ Kristo mli lɛ tsutsu baate shi,

Hebribii 11:4

Hemɔkɛyeli Habel kɛshã afɔle ni fe Kain nɔ lɛ ehã Nyɔŋmɔ, no hewɔ hu ni aye ehe odase akɛ jalɔ ji lɛ lɛ; ejaakɛ Nyɔŋmɔ he enikeenii lɛ; ni no nɔŋŋ nɔ etsɔ̃ɔ ewieɔ lolo, tsɛ egbo.

Yoshua 6:16

Shibɔlemɔ nɔ ni ji kpawo lɛ nɔ be ni osɔfoi lɛ ekpã bɛji lɛ, Yoshua kɛɛ Israelbii lɛ akɛ, “Nyɛbɔa oshe! Shi Yehowa kɛ maŋ lɛ eke nyɛ tswaa.

Yoshua 6:20

Kɛkɛ ni Israelbii lɛ bɔ oshe, ni akpã bɛji lɛ. Be ni asafoi lɛ nu bɛji lɛ agbɛɛmɔ lɛ, amɛbɔ oshe kpeteŋkple. Kɛkɛ ni Yeriko maŋ lɛ he gbogbo lɛ gbee shi shwɛtɛɛ, ni Israelbii lɛ bote maŋ lɛ mli, mɔ fɛɛ mɔ tee ehiɛ tɛ̃ɛ, ni amɛŋɔ̃ maŋ lɛ.

Yoshua 6:4

Osɔfoi kpawo ahiɛ bɛji kpawo ni akɛ ojwɛni akloŋto fee kɛnyiɛ Kpãŋmɔ Adeka lɛ hiɛ. Gbi ni ji kpawo lɛ nɔ lɛ, nyɛbɔlea maŋ lɛ shii kpawo be mli ni osɔfoi lɛ miikpã bɛji lɛ.

2 Petro 1:15

Shi mabɔ he mɔdɛŋ koni mijeŋjee sɛɛ lɛ, nyɛhiɛ ahi nii nɛɛ anɔ be fɛɛ be.

Kojolɔi 7:19

Gideon kɛ hii oha ni fata ehe lɛ yashɛ Midian nsra lɛ naa nyɔɔŋteŋ buube lɛ shishijee mli be ni amɛtsake bulɔi lɛ sɛɛ pɛ. Kɛkɛ ni Gideon kɛ ewebii lɛ kpã tɛtɛrɛmantɛrɛi lɛ, ni amɛjwara kpuji ni amɛhiɛ yɛ amɛdɛŋ lɛ.

Kojolɔi 7:21

Mɔ fɛɛ mɔ damɔ egbɛhe kɛbɔle Midian nsra lɛ kpula. Midian ta lɛ bu, ni amɛjo foi kɛ blɔmɔ.

1 Samuel 11:11

Enɔ jetsɛremɔ lɛ Saul ja etabilɔi lɛ amli kui etɛ̃, ni amɛyatua Amonbii lɛ maŋkɛ hima mli, yɛ amɛnsra lɛ mli, ni amɛtswia amɛ nii kɛyashi shwane fintiŋŋ. Amonbii ni je gbele mli lɛ gbɛ shwã bɔ ni onaŋ amɛteŋ mɛi enyɔ nɛkɛ yɛ he kome.