Kojolɔi 7:2 - ŊMALƐ KRƆŊKRƆŊ LƐ

² Yehowa kɛɛ Gideon akɛ, “Mɛi ni fata ohe lɛ ayi fa tsɔ̃ hã mi bɔ ni matsɔ̃ amɛnɔ mahã oye Midianbii lɛ anɔ kunim, koni Israel akabashwã etsɔ̃ɔ mi akɛ, ‘Mi diɛŋtsɛ mihewalɛ mikɛhere miyiwala.’

Ṅmãle̱ Kroṅkroṅ Le̱

² Ni Iehowa kē̱ Gideon ake̱: Maṅ ni fata ohe le̱ fá tšṍ, bo̱ni maṅõ Midian mawo ame̱deṅ, koni Israel akabaſã etšõ-mi ake̱: Midientše̱ minine mike̱-here miyiwala!

Kojolɔi 7:2 ပူးပေါင်းရင်းမြစ်များ

1 Mose 46:2

Nyɔŋmɔ kɛ Yakob wie yɛ ninaa mli nyɔɔŋ ni ekɛɛ, “Yakob, Yakob!” Ni Yakob here nɔ akɛ, “Naa mi.”

2 Kronika 14:11

Kɛkɛ ni Asa sɔle etsɛ Yehowa, eNyɔŋmɔ lɛ, ni ekɛɛ akɛ, “Oo! Yehowa, bo lɛ mɔ ko bɛ ni eyeɔ ebuaa hewalɔ kɛ mɔ ni bɛ hewalɛ fɛɛ tamɔ ofeɔ lɛ. Ŋmɛlɛtswaa nɛɛ mli lɛ ye obua wɔ, Yehowa, wɔNyɔŋmɔ, ejaakɛ bo onɔ wɔhiɛ kã, ni asaŋ bo ogbɛi mli wɔba yɛ wɔkɛ ta kpeteŋkple nɛɛ baawu. Ao! Yehowa, bo ji wɔNyɔŋmɔ, ni kaahã adesa ko nine miitsɔ̃ wɔnɔ.”

Yesaia 10:13

Ejaakɛ ekɛɛ akɛ, “Mi diɛŋtsɛ mihewalɛ kɛ minilee naa mitsu enɛ yɛ, ejaakɛ mihiɛ kã shi, Mitsirɛ majimaji ahusui kɛtee sɛɛ, ni mishɔ̃shɔ̃ɔ amɛmli jwetri; mitsirɛ mɛi ni tara maŋtsɛ sɛii anɔ mitswia shi tamɔ tsina feɔ.

Yesaia 2:11

Gbi ko miiba, ni nakai gbi lɛ nɔ lɛ, aaaba gbɔmɔ adesa hewoo kɛ henɔwomɔ fɛɛ shi, ni gbi lɛ Yehowa koome pɛ hiɛ baaba nyam, ni aaawo enɔ.

Yesaia 2:17

Gbi lɛ abaaba gbɔmɔ adesa hetsɔ̃ɔmɔ kɛ ntɛŋfeemɔ fɛɛ shi, ni Yehowa koometoo pɛ nɔ abaawo gojoo,

Yeremia 9:23

Nilelɔ akashwã kɛmiifɔ̃ enilee nɔ. Hewalɔ hu akashwã kɛmiifɔ̃ ehewalɛ nɔ, ni niiatsɛ akashwã kɛmiifɔ̃ eninamɔ nɔ;

Ezekiel 28:17

Owo ohe ejaakɛ ohe yɛ fɛo. Onilee ha ofee onii tamɔ buulu. Miŋɔ bo mitswa shi; miŋmɛ bo yayai yɛ maŋtsɛmɛi ahiɛ koni amɛkwɛ bo.

Ezekiel 28:2

“Gbɔmɔ Adesa kɛɛmɔ Tiro lumɔ lɛ akɛ, bɔ ni Nuŋtsɔ Nyɔŋmɔ kɛɔ nɛ, ‘Owoɔ ohe nɔ ni otsɛɔ ohe nyɔŋmɔ,’ Okɛɔ akɛ, ‘Nyɔŋmɔ ji mi, ni mita nyɔŋmɔi lɛ alumɔ sɛi lɛ nɔ yɛ ŋshɔteŋ;’ tsɛbelɛ gbɔmɔ adesa kɛkɛ ji bo, shi jeee nyɔŋmɔ ko. Tsɛbelɛ obuɔ ohe akɛ ole nii tamɔ nɔ ni nyɔŋmɔ ji bo.

Daniel 4:30

ekɛɛ akɛ, “Kwɛ Babilon maŋ nɛɛ dalɛ. Mikɛ mihewalɛ tswa lɛ ma shi akɛ maŋtsɛmaŋ; ni eeye mihewalɛ lɛ kɛ agbojee he odase.”

Habakuk 1:16

No hewɔ lɛ, amɛshãa afɔle amɛkɛjaa amɛyaa lɛ, ni amɛshãa tsofakɛŋma amɛkɛhãa amɛtsãani lɛ, ejaakɛ nomɛi hãa amɛnaa nii kpɔtɔɔ amɛyeɔ.

Zakaria 12:7

“Yehowa baahã Yuda akutso lɛ mli tabilɔi tsutsu aye amɛhenyɛlɔi lɛ anɔ kunim, bɔ ni afee ni hiɛ akasɔ David shwiei lɛ, kɛ Yerusalɛmbii lɛ hu akunim ni amɛye lɛ fe kunim ni Yudabii baaye lɛ.

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

4 Mose 31:4

Israel akutso fɛɛ akutso ahã tabilɔi akpe koni amɛya ta lɛ.”

Romabii 11:18

kaashwã yɛ niji lɛ anɔ; shi kɛji oshwã yɛ amɛnɔ lɛ, naa, jeee bo ohiɛ shishifã lɛ, shi shishifã lɛ moŋ hiɛ bo.”

Romabii 3:27

Agbɛnɛ mɛni nɔ wɔshwãa wɔfɔ̃ɔ? Nɔ ko bɛ. Mɛɛ Mla nɔ atsɔ̃? Nitsumɔi anɔ lɛ nɔ lo? Dabi, shi hemɔkɛyeli mla lɛ nɔ moŋ atsɔ̃.

2 Korintobii 4:7

Shi wɔhiɛ nɛkɛ jwetri nɛɛ yɛ su kpuji amli, koni hewalɛ ni fa kɛtɛke nɔ lɛ afee Nyɔŋmɔ nɔ, ni jeee wɔnɔ.

Efesobii 2:9

jeee nitsumɔi amli ejɛ koni mɔ ko akashwã.

5 Mose 32:27

Shi mishe gbeyei akɛ amɛhenyɛlɔi aaashwã ni amɛaaŋɔ nɔ ni eba lɛ ekroko ni amɛaakɛɛ akɛ, ‘Wɔ ni wɔye amɛnɔ kunim lɛ, jeee Yehowa ni fee amɛ enɛ.’

5 Mose 8:17

No hewɔ lɛ, nyɛkwɛa ni ahia koni nyɛkakɛɛ yɛ nyɛtsuiŋ yɛ he akɛ, ‘Wɔ diɛŋtsɛ wɔhewalɛ kɛ nyɛmɔ naa hã wɔshwere nɛkɛ nɛɛ.’

5 Mose 8:18

Shi moŋ nyɛkaia akɛ Yehowa, nyɛNyɔŋmɔ lɛ, lɛ ji mɔ ni duro nyɛ hewalɛ ni nyɛkɛna nii ni nyɛyɔɔ lɛ, koni ehã ekpãŋmɔ ni ekã nyɛtsɛmɛi lɛ kitã yɛ he lɛ ama shi, tamɔ nyɛnaa ŋmɛnɛ nɛɛ lɛ.

Yakobo 4:6

“Shi Nyɔŋmɔ lɛ, ekuɔ hewolɔi anaa, shi eduroɔ heshibalɔi.”

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”