Kojolɔi 7:12 - ŊMALƐ KRƆŊKRƆŊ LƐ

¹² Shi Midianbii lɛ kɛ Amalekbii kɛ bokãgbɛbii lɛ fɛɛ bua jɔɔ lɛ mli babaoo tamɔ baalabii. Amɛyoomai lɛ aleee amɛyibɔ; amɛyifalɛ tamɔ ŋshɔnaa shia.

Ṅmãle̱ Kroṅkroṅ Le̱

¹² Ši Midianbii ke̱ Amalekbii ke̱ bo-kãgbe̱bii le̱ fẽ bua dšō̱ le̱ṅ babaō tamo̱ bālabii, ni ame̱yomai le̱ alee ame̱yibo̱, ame̱yi fále̱ tamo̱ ṅšo̱ nā šia.

Kojolɔi 7:12 ပူးပေါင်းရင်းမြစ်များ

1 Maŋtsɛmɛi 20:27

Kɛkɛ ni abua Israelbii lɛ hu anaa. Amɛtao niyenii amɛkɛhiɛ amɛdɛŋ, ni amɛ hu amɛfã koni amɛkɛ Siriabii lɛ ayakpe. Israelbii lɛ yato shi kui enyɔ bɔ ni amɛmiikwɛ Siriabii lɛ hiɛ kɛ hiɛ. Israelbii lɛ afalɛ tamɔ too kui bibii enyɔ; shi Siriabii lɛ eyi ŋa lɛ nɔ tɔ.

1 Maŋtsɛmɛi 4:30

Solomon le nii fe nilelɔi fɛɛ ni yɔɔ Bokã kɛ Ijipt lɛ fɛɛ.

Lalai 3:1

Oo Yehowa, kwɛ mɛi abɔ sɔŋŋ ni haoɔ mi! Mɛi babaoo ni teɔ shi woɔ mi!

Lalai 33:16

Jeee tabilɔi babaoo hãa maŋtsɛ yeɔ kunim; jeee tawulɔ ekãalɔ hewalɛ kpele lɛ hereɔ eyiwala.

Yeremia 46:23

Amɛbaagba koo hayii lɛ ni kulɛ emli ehiii tsɔ̃mɔ lɛ, ejaakɛ amɛyi fa fe baalabii, anyɛɛɛ amɛ akane.

Yoshua 11:4

Kɛkɛ ni maŋtsɛmɛi nɛɛ fɛɛ fã kɛba kɛ amɛkpɔŋɔi kɛ ta shwiilii babaoo diɛŋtsɛ. Amɛyi fa babaoo oookɛɛ ŋshɔnaa shia.

Kojolɔi 6:3

Kɛji Israelbii lɛ du nii lɛ, kɛkɛ lɛ Midianbii kɛ Amalekbii kɛ bokãgbɛbii lɛ efã kɛbatua amɛ.

Kojolɔi 6:33

Kɛkɛ ni Midianbii kɛ Amalekbii kɛ bokãgbɛbii lɛ fɛɛ bua amɛhe naa. Amɛfo Yordan Faa lɛ, ni amɛyato shi yɛ Yezreel jɔɔ lɛ mli.

Kojolɔi 6:5

Ejaakɛ amɛbaa kɛ amɛkooloi kɛ amɛbuui. Amɛbaa babaoo tamɔ baalabii; ni amɛ kɛ amɛyoomai lɛ fɛɛ lɛ anyɛɛɛ akane. Amɛbaa shikpɔŋ lɛ nɔ amɛbakpãtãa hiɛ.

Kojolɔi 7:13

Be ni Gideon shɛ jɛi lɛ, naa mɔ ko ni eegba enaanyo ko lamɔ ni ela. Mɔ ni gbaa lɛ kɛɛ: “Naa, mila lamɔ ko. Mila ni aboloo akwaabɔ ko koklo kɛba Midian nsra lɛ mli kɛbanina buu ko. Ebatswa buu lɛ, ni etoo lɛ ebu shi, ni buu lɛ butu kwraa eshwie shi.”

Kojolɔi 8:10

Shi Zeba kɛ Zalmuna kɛ tabilɔi aaafee hii akpei nyɔŋma kɛ enumɔ yɛ Karkor. Mɛnɛɛmɛi ji mɛi pɛ ni eshwɛ yɛ bokãgbɛbii ata lɛ fɛɛ mli, ejaakɛ tabilɔi akpei oha kɛ nyɔŋmai enyɔ sɔŋŋ enyɔnyɔi.

1 Samuel 13:5

Kɛkɛ ni Filistibii lɛ bua amɛhe naa koni amɛ kɛ Israelbii lɛ abawu. Amɛhiɛ ta shwiilii akpei nyɔŋmai etɛ̃ kɛ okpɔŋɔnɔtalɔi akpei ekpaa kɛ asraafoi ni yifalɛ oookɛɛ ŋshɔnaa shia; ni amɛfã ta kɛgba, ni amɛbabɔ nsra yɛ Mikmash yɛ Bet-Aven bokãgbɛ.

1 Samuel 30:17

Kɛkɛ ni David kɛshwie amɛnɔ, ni egbe amɛ kɛjɛ hulushinyɔɔ mli aahu kɛyashi enɔ jetsɛremɔ gbɛkɛ mli. Amalekbii lɛ ateŋ mɔ ko mɔ ko he ejeee gbele mli fe oblahii ohai ejwɛ komɛi ni shara yoomai ni amɛtara nɔ kɛjo foi lɛ.