Kojolɔi 6:4 - ŊMALƐ KRƆŊKRƆŊ LƐ

⁴ Amɛbɔɔ nsra amɛwoɔ Israelbii lɛ, ni amɛfiteɔ shikpɔŋ lɛ nɔ nibaanii lɛ kɛyashiɔ Gaza kpokpai anɔ tɔ̃ɔ. Amɛshiii niyenii ko aloo too loo tsina loo teji yɛ Israel.

Ṅmãle̱ Kroṅkroṅ Le̱

⁴ ni ame̱babo̱ō̱ nsra ame̱woo̱ame̱, ni ame̱fiteo̱ šikpoṅ le̱ no̱ nibānii le̱ ke̱-yašio̱ Gaza tō̃, ni ame̱šĩĩ niyenii ko ye̱ Israel, alo tō lo tšina lo tedši ko.

Kojolɔi 6:4 ပူးပေါင်းရင်းမြစ်များ

1 Mose 10:19

aahu kɛyashi amɛhusu lɛ shɛ Sidon kɛtsɔ̃ Gerar kɛyashi Gaza, kɛjɛ jɛi kɛtsɔ̃ Sodom kɛ Gomora kɛ Adama kɛ Ziboim kɛyashi Lasha.

1 Mose 13:10

Kɛkɛ ni Lot wo ehiɛ nɔ ni ekwɛ shikpɔŋ lɛ kɛkpe, ni ena akɛ Yordan jɔɔ lɛ fɛɛ yɛ frɔ̃frɔ̃ aahu kɛtee Zoar tɔ̃ɔ. Etamɔ Yehowa trom lɛ aloo Ijipt shikpɔŋ lɛ. Nɛkɛ be mli lɛ, Yehowa kpãtãko Sodom kɛ Gomora hiɛ.

Abe̱i 28:3

Ohiafo ni waa enaanyo ohiafo yi lɛ, etamɔ nunɛmɔ ni loɔ nii kɛyaa, ni ehãaa niyenii aba.

Yeremia 5:17

ni amɛbaaye nyɛŋmɔshinii ni nyɛkpa kɛ niyenii fɛɛ, ni amɛbaagbegbee nyɛbihii kɛ nyɛbiyei lɛ amɛye; amɛbaagbegbee nyɛtoi kɛ tsinai amɛye, ni amɛbaaye nyɛwaintsei kɛ agbãmitsei ayibii fɛɛ; ni nyɛmaji ni atswa gbogbo awo amɛhe ni nyɛhiɛ kã nɔ lɛ, amɛbaafite fɛɛ.”

3 Mose 26:16

mi hu nɔ ni mibafee nyɛ nɛ: Mibahã tsuifãa saji abahɛŋ nyɛ trukaa, ni wɔlɔmɔ kɛ atridii ni hãa hiŋmɛi fiteɔ, ni etãa gbɔmɔtso loo baaye nyɛ. Nyɛbaagbo deŋme yaka nyɛdu nii ejaakɛ nyɛhenyɛlɔi moŋ baaba abaye.

Obadia 1:5

“Kɛji julɔi ba bo juu nyɔɔŋ, loo ojotswalɔi bashwie onɔ nyɔɔŋ lɛ, te amɛaakpãtã onii ahiɛ tɛŋŋ? Ani julɔi lɛ ejuŋ onii bɔ pɛ ni aaashɛ amɛnaa? Kɛji wainyibii kpalɔi ni ba lɛ, ani amɛshiŋ yibii lɛ kpɛkpɛbii lo? Shi naa, bo lɛ ohenyɛlɔi lɛ ekpãtã ohiɛ butuu.

Mika 6:15

Nyɛaadu nii, shi nyɛkpaŋ eko. Nyɛaaŋa mu, shi nyɛnaŋ mu nyɛkpa, ni nyɛaaŋa wain hu, shi nyɛnuŋ wain.

5 Mose 28:33

Maŋsɛɛ maŋ ko ni oleee kwrakwra aaaba ebaloo oŋmɔshi nibaanii kɛ nii ni otsu oto fɛɛ kɛya eyaye. Yi sɔŋŋ kɛkɛ aaawa bo, ni shi sɔŋŋ kɛkɛ aaashwishwia bo daa nɛɛ,

5 Mose 28:51

Amɛbaaye otsinai abii kɛ oŋmɔshi nibaanii kɛyaashi aaakpãtã ohiɛ; amɛshiŋ abele loo wain loo mu loo otsinabii loo otoobii lɛ eko amɛhaŋ bo kɛyaashi amɛaakpãtã ohiɛ.

Kojolɔi 6:3

Kɛji Israelbii lɛ du nii lɛ, kɛkɛ lɛ Midianbii kɛ Amalekbii kɛ bokãgbɛbii lɛ efã kɛbatua amɛ.