Kojolɔi 5:3 - ŊMALƐ KRƆŊKRƆŊ LƐ

³ Nyɛboa toi! Nyɛ maŋtsɛmɛi! Nyɛfea toi! Nyɛ lumɛi! La mala, saŋku matswa mahã Israel Nyɔŋmɔ, Yehowa.

Ṅmãle̱ Kroṅkroṅ Le̱

³ Nyeboa toi, nyemaṅtše̱mei! Nyefea toi, nyelumei! Mi le̱, Iehowa mala mahã, saṅkũ matſa ke̱-la ke̱-dšĩe Iehowa, Israel Nyoṅmo̱ le̱, yi!

Kojolɔi 5:3 ပူးပေါင်းရင်းမြစ်များ

1 Mose 6:17

Ejaakɛ naa, mahã nu afua aha shikpɔŋ lɛ nɔ koni akɛkpãtã nɔ fɛɛ nɔ ni wala mumɔ yɔɔ mli lɛ hiɛ yɛ ŋwɛishishi nɛɛ, ni nɔ fɛɛ nɔ ni yɔɔ shikpɔŋ lɛ nɔ lɛ hiɛ aaakpãtã.

1 Mose 9:9

“Naa, mikɛ mikpãŋmɔ miima shi mahã nyɛ kɛ nyɛshwiei ni aaaba yɛ nyɛsɛɛ lɛ,

1 Maŋtsɛmɛi 18:22

Kɛkɛ ni Elia kɛɛ maŋbii lɛ akɛ, “Mi, mi koome too pɛ ji Yehowa gbalɔ ni eshwɛ, shi Baal gbalɔi lɛ ayibɔ ji hii ohai ejwɛ kɛ nyɔŋmai enumɔ.

1 Maŋtsɛmɛi 19:10

Elia to he ekɛɛ, “Miye Yehowa, Nyɔŋmɔ Taiatsɛ lɛ, he awuŋã kɛ hiɛdɔɔ, ejaakɛ Israelbii lɛ ekwa Bo kɛ amɛteŋ kpãŋmɔ lɛ, amɛkumɔ ofɔleshãa latɛi lɛ, ni amɛkɛ klante egbe ogbalɔi lɛ hu, ni mi, mi pɛ eshwɛ, ni amɛmiitao mi hu amɛgbe.”

1 Maŋtsɛmɛi 19:14

Elia jie enaa ekɛɛ, “Miye Yehowa, Nyɔŋmɔ Taiatsɛ lɛ, he awuŋã kɛ hiɛdɔɔ, ejaakɛ Israelbii lɛ ekwa Bo kɛ amɛteŋ kpãŋmɔ lɛ, amɛkumɔ ofɔleshãa latɛi lɛ, ni amɛkɛ klante egbe ogbalɔi lɛ hu ni mi pɛ eshwɛ, ni amɛmiitao mi hu amɛgbe.”

Ezra 7:21

“Mi, Maŋtsɛ Artashasta, miiwo jwetritolɔi fɛɛ ni yɔɔ faa lɛ anaigbɛ biɛgbɛ lɛ akpɔ akɛ nɔ fɛɛ nɔ ni osɔfo Ezra, mlatsɔɔlɔ ni le ŋwɛi Nyɔŋmɔ lɛ mla lɛ mli jogbaŋŋ lɛ, aaabi nyɛ lɛ, aye oyai ni afee,

Lalai 119:46

Majaje okpɔi lɛ yɛ maŋtsɛmɛi ahiɛ, ni mihiɛ gboŋ he;

Lalai 146:2

Gbii abɔ ni mihiɛ kã nɛɛ, majie Yehowa yi! Mala majie miNyɔŋmɔ lɛ yi miwala be fɛɛ.

Lalai 27:6

Ni eeewo minɔ yɛ mihenyɛlɔi ni ebɔle mi lɛ anɔ; ni mikɛ mliflimɔ aaabɔ oshe, ni mashã afɔle yɛ ebuu lɛŋ. Mala, ni matswa saŋku mahã Yehowa.

Lalai 61:8

Kɛkɛ lɛ mala majie ogbɛi lɛ yi daa nɛɛ, be ni miyeɔ mishiwoi lɛ anɔ daa nɛɛ lɛ.

2 Mose 31:6

Ni naa, mi nɔŋŋ miŋɔ Ahisamak binuu Oholiab ni jɛ Dan akutso lɛŋ lɛ mifata Bezaleel he. Mɛnɛɛmɛi asɛɛ lɛ, mɛi fɛɛ ni ŋaa yɔɔ amɛhiŋmɛiŋ lɛ, miduro amɛ ŋaa koni amɛnyɛ nibii fɛɛ ni miwo bo he kitã nɛɛ amɛtsu:

3 Mose 26:28

no lɛ mi hu mate shi mawo nyɛ kɛ mlila, ni magbala nyɛtoi shii kpawo fe tsutsu lɛ yɛ nyɛtɔ̃mɔi lɛ ahewɔ.

5 Mose 32:1

“Ŋwɛi, bo mi toi, shi mibawie; ni Shikpɔŋ, bo minaa wiemɔi nɛɛ toi.

5 Mose 32:3

Mibajie Yehowa gbɛi yi! Nyɛwoa wɔNyɔŋmɔ lɛ hiɛ nyam!

Kojolɔi 5:7

Mɛi ahe sɛ̃ yɛ Israel maji lɛ amli. Amɛhe sɛ̃ kɛyashi beyinɔ ni bo Debora, ote shi akɛ Nyɛ Awo yɛ Israel.