Kojolɔi 5:2 - ŊMALƐ KRƆŊKRƆŊ LƐ

² “Akɛni tatsɛmɛi nyiɛ Israel ta lɛ hiɛ, ni maŋ muu lɛ fɛɛ here amɛhe hewɔ lɛ, nyɛjiea Yehowa yi!

Ṅmãle̱ Kroṅkroṅ Le̱

² Ake̱-ní aná tatše̱mei tĕre ta le̱ ye̱ Israel, ni maṅ le̱ hũ here amehe hewo̱ le̱, nyedšiea Iehowa yi!

Kojolɔi 5:2 ပူးပေါင်းရင်းမြစ်များ

2 Kronika 17:16

Yehohanan sɛɛmɔ ji Zikri bi Anasia, mɔ ni jɛ tsuijurɔ naa ekɛ ehe hã Yehowa sɔɔmɔ lɛ; ehiɛ hii akpei ohai enyɔ yɛ eshishi.

Nehemia 11:2

Maŋbii lɛ jie hii fɛɛ ni here amɛhe akɛ amɛaahi Yerusalɛm lɛ yi.

Lalai 103:2

Oo, misusuma, jiemɔ Yehowa yi, ni ohiɛ akakpa nibii juji ni efeɔ lɛ fiaa nɔ.

Lalai 110:3

Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

Lalai 136:15

Shi eplenee Farao kɛ eta lɛ yɛ Ŋshɔ Tsuru lɛŋ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 18:47

Nyɔŋmɔ ni tɔɔ mihe owele, ni ebaa maji ashi ewoɔ mishishi lɛ.

Lalai 48:11

Hã Zion Gɔŋ lɛ anya, hã Yuda maji lɛ amli afili amɛ yɛ ejalɛ kojomɔi lɛ ahewɔ.

Lalai 94:1

Oo Yehowa, bo Nuŋtsɔ ni otɔɔ owele, bo Nyɔŋmɔ ni otɔɔ owele, hã ana omlifu.

Lalai 97:8

Oo Yehowa, Zion nu he, ni emii shɛ ehe; ni Yuda maji lɛ amli fili amɛ, yɛ okojomɔi lɛ ahewɔ.

1 Korintobii 9:17

Ejaakɛ kɛ mitsu yɛ suɔmɔ naa lɛ, miyɛ nyɔmɔwoo; shi kɛjeee suɔmɔ naa tete lɛ, kɛ̃lɛ atu tsulɔnukpayeli awo midɛŋ.

2 Korintobii 8:12

Ejaakɛ kɛ tsui yɛ he lɛ, no lɛ bɔ ni mɔ ko hãa kɛjɛɔ nɔ ni eyɔɔ mli lɛ saa Nyɔŋmɔ hiɛ; jeee kɛjɛ nɔ ni ebɛ mli.

2 Korintobii 9:7

Mɔ fɛɛ mɔ ahã bɔ ni ekpɛ mli momo yɛ etsui mli, ni ekajɛ ŋkɔmɔyeli loo nɔnyɛɛ mli, ejaakɛ tsuijurɔnaa halɔ Nyɔŋmɔ sumɔɔ.

5 Mose 32:43

“Nyɛ majimaji, nyɛkɛ Yehowa webii lɛ anyaa, ejaakɛ etɔ etsuji alá he owele, ni etɔ ehe owele yɛ ehenyɛlɔi anɔ, ni ekɛ ewebii atɔ̃mɔi efa amɛ.”

5 Mose 33:21

Ekɔ shikpɔŋ lɛ he ni hi fe fɛɛ lɛ ehã ehe, ejaakɛ jɛi tatsɛ gbɛnaa shikpɔŋ ni afo ato lɛ kã. Kɛkɛ ni eba maŋ onukpai lɛ aŋɔɔ ni ebafata Israel he, ni akɛ Yehowa mlai lɛ kɛ akpɔi lɛ kojo maŋ lɛ yɛ jalɛ naa.”

Filipibii 2:13

ejaakɛ suɔmɔ ni aaasumɔ jio, feemɔ ni aaafee jio, Nyɔŋmɔ ji mɔ ni tsuɔ fɛɛ yɛ nyɛ mli bɔ ni lɛ etaoɔ.

Filemon 1:14

Shi misumɔ̃ɔɔ akɛ mafee nɔ ko ni okpɛ̃lɛko nɔ, bɔ ni afee ni ejurɔ ni obaafee lɛ okabafee yɛ nɔnyɛɛ naa, shi moŋ efee yɛ tsuijurɔ naa.

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!

Kpojiemɔ 19:2

Ejaakɛ anɔkwa kɛ jalɛ ji ekojomɔi lɛ, akɛni ekojo ajwamãŋ kpeteŋkple lɛ ni kɛ ejwamaŋbɔɔ lɛ efite shikpɔŋ lɛ ni etɔ etsuji lɛ ala lɛ he owele yɛ enɔ lɛ.”

Kojolɔi 5:9

Mina Israel tatsɛmɛi lɛ ahe tsui, kɛ mɛi ni here amɛhe yɛ tsuijurɔ naa, yɛ maŋbii lɛ ateŋ lɛ. Nyɛjiea Yehowa yi.