Kojolɔi 5:18 - ŊMALƐ KRƆŊKRƆŊ LƐ

¹⁸ Zebulon ji maŋ ni kɛ ehe wo osharã kɛ gbele mli, Naftali hu nakai nɔŋŋ yɛ gɔji lɛ anɔ.

Ṅmãle̱ Kroṅkroṅ Le̱

¹⁸ Zebulon dši maṅ ní še̱ ehe efõ ehã gbĕle, ke̱ Naftali hũ ye̱ ṅãno̱ goṅkpo̱i le̱ ano̱.

Kojolɔi 5:18 ပူးပေါင်းရင်းမြစ်များ

1 Mose 35:23

Lea bihii ji Ruben, Yakob kromɔbi lɛ, kɛ Simeon kɛ Levi kɛ Yuda kɛ Isakar kɛ Zebulon.

1 Mose 35:25

Bilha, Rahel weyoo lɛ, bihii ji Dan kɛ Naftali.

Ester 4:16

“Yaa ni oyabua Yudafoi ni yɔɔ Susa maŋ lɛ mli fɛɛ anaa kɛkpe; ni nyɛhia ŋmãa, ni nyɛsɔlea nyɛhãa mi. Nyɛkayea nii, ni nyɛkanua nu hu shwaneshwane kɛ nyɔɔŋnyɔɔŋ gbii etɛ̃. Mi hu mi kɛ miblayei lɛ baahi ŋmãa nakai nɔŋŋ. Enɛ sɛɛ lɛ mibaya mayana maŋtsɛ lɛ, tsɛbelɛ mla eŋmɛɛɛ gbɛ nakai. Kɛji miyagbo yɛ no hewɔ po jiŋŋ efeee nɔ ko.”

Lalai 68:27

Benyamin, amɛteŋ gbekɛ fe fɛɛ lɛ, nyiɛ hiɛ; kɛkɛ lɛ Yuda lumɛi lɛ kɛ amɛsafoi lɛ; ni Zebulon lumɛi lɛ kɛ Naftali lumɛi lɛ nyiɛ sɛɛ.

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

1 Yohane 3:16

Enɛ mli wɔyoɔ suɔmɔ lɛ yɛ, akɛ ekɛ ewala ŋmɛ shi yɛ wɔhewɔ, ni sa akɛ wɔ hu wɔ kɛ wɔwala ŋmɛɔ shi yɛ wɔnyɛmimɛi ahewɔ.

Kpojiemɔ 12:11

Ni amɛ lɛ, amɛkɛ Toobi lɛ lá lɛ kɛ amɛ diɛŋtsɛ amɛdaseyeli wiemɔ lɛ eye enɔ kunim, ni amɛdɔɔɔ amɛwala he kɛyashi gbele mli tete.

Kojolɔi 4:10

Barak hã ayakpee Zebulonbii kɛ Naftalibii kɛba Kadesh; ni hii akpei nyɔŋma kɛ lɛ ka nane kɛtee. Debora hu kɛlɛ tee.

Kojolɔi 4:14

Kɛkɛ ni Debora kɛɛ Barak akɛ, “Tee shi, ejaakɛ ŋmɛnɛ gbi nɛɛ ji gbi ni Yehowa baahã oye Sisera nɔ kunim. Ani jeee Yehowa efã kɛnyiɛ ohiɛ nɛɛ?” No hewɔ lɛ, Barak kpeleke shi kɛjɛ Tabor gɔŋ lɛ nɔ. Hii akpei nyɔŋma lɛ nyiɛ esɛɛ.

Kojolɔi 4:6

Debora tsu ayakpee Barak, Abinoam bi lɛ, kɛjɛ Kadesh ni yɔɔ Naftali lɛ kɛba, ni ekɛɛ lɛ akɛ, “Fãmɔ ni Yehowa, Israel Nyɔŋmɔ lɛ, fãa bo nɛ: ‘Yaaŋɔ hii akpei nyɔŋma kɛjɛ Naftalibii kɛ Zebulonbii lɛ ateŋ ni ofã ta kɛya Tabor gɔŋ lɛ nɔ.

Kojolɔi 6:35

Etsu mɛi kɛtee Manase fɛɛ ni ayakpee amɛ hu koni amɛbanyiɛ esɛɛ. Etsu kɛtee Asher kɛ Zebulon kɛ Naftali; ni amɛba koni amɛkɛ lɛ abakpe.