Kojolɔi 4:7 - ŊMALƐ KRƆŊKRƆŊ LƐ

⁷ Makpala Sisera, Yabin tatsɛ lɛ, kɛ eshwiilii kɛ etabilɔi babaoo lɛ kɛba oŋɔɔ yɛ Keshon Faa lɛ naa, ni mibahã oye enɔ kunim.’ ”

Ṅmãle̱ Kroṅkroṅ Le̱

⁷ Ni makpla Sisera, Iabin tatše̱ le̱, ke̱ eſīlii le̱ ke̱ emei babaō le̱ ke̱-ba oṅõ ye̱ Kišon fā le̱ nā, ni maṅõle̱ mawo odeṅ.

Kojolɔi 4:7 ပူးပေါင်းရင်းမြစ်များ

1 Maŋtsɛmɛi 18:40

Kɛkɛ ni Elia fã maŋbii lɛ ekɛɛ, “Nyɛmɔmɔa Baal gbalɔi lɛ; akahã amɛteŋ mɔ kome nɛkɛ miijo foi!” Amɔmɔ Baal gbalɔi lɛ, ni Elia ŋɔ amɛ kɛkpeleke shi kɛtee Kishon Faa lɛ naa, ni eyagbe amɛ yɛ jɛi.

2 Mose 14:17

Mahã Ijiptbii lɛ akpliŋ amɛtsui koni amɛnyiɛ Israelbii lɛ asɛɛ, ni maye Farao kɛ eta shwiilii kɛ ekpɔŋɔnɔtalɔi lɛ fɛɛ anɔ kunim.

2 Mose 14:4

Mahã Farao akpliŋ etsui koni etiu nyɛ, ni no aaahã Farao kɛ eta lɛ fɛɛ ashe mi gbeyei, ni Ijiptbii baana ale akɛ mi ji Yehowa lɛ.” Israelbii lɛ fee bɔ ni akɛɛ amɛ lɛ.

2 Mose 14:8

Shi Yehowa hã Ijipt maŋtsɛ Farao kpliŋ etsui, ni etiu Israelbii lɛ ni Yehowa hewalɛ nine ni tsii lɛ hiɛ amɛ kɛyaa lɛ.

2 Mose 21:13

Kɛjeee ka eyawo lɛ, shi osharã naa ni, enine kpa yɛ mɔ lɛ nɔ lɛ, no lɛ ejo foi eyaba abo yɛ he ko ni mato mahã nyɛ.

Yoshua 10:8

Yehowa kɛɛ Yoshua akɛ, “Kaashe Amorbii lɛ gbeyei ejaakɛ mijɔɔ amɛnɔ momo mihã bo; amɛteŋ mɔ ko mɔ ko nyɛŋ ohiɛ edamɔ.”

Yoshua 11:20

Ejaakɛ Yehowa ninenaa nitsumɔ nɛ, akɛ ehã maji lɛ amli bii lɛ kpliŋ amɛtsui, bɔ ni afee ni amɛ kɛ Israelbii lɛ awu ta koni atsɔ̃ no nɔ amɛkpãtã amɛhiɛ ni mɔbɔnalɛ bɛ mli, tamɔ bɔ ni Yehowa fã Mose lɛ.

Yoshua 11:6

Kɛkɛ ni Yehowa kɛɛ Yoshua akɛ, “Kaashe amɛ gbeyei ejaakɛ wɔ be ni aaashɛ nɛkɛ be mli lɛ mahã amɛ fɛɛ amɛnyɔnyɔi yɛ Israelbii ahiɛ. Nyɛfolɔa amɛkpɔŋɔi lɛ ananesɛɛ fãi lɛ, ni nyɛshãa amɛta shwiilii lɛ.”

Yoshua 8:7

shi nyɛ lɛ, nyɛbaafamɔ kpo yɛ he ni nyɛwo ka lɛ yɛ lɛ koni nyɛbaŋɔ Ai maŋ lɛ, ejaakɛ Yehowa, nyɛNyɔŋmɔ lɛ, baahã nyɛye maŋ lɛ nɔ kunim.

Kojolɔi 4:14

Kɛkɛ ni Debora kɛɛ Barak akɛ, “Tee shi, ejaakɛ ŋmɛnɛ gbi nɛɛ ji gbi ni Yehowa baahã oye Sisera nɔ kunim. Ani jeee Yehowa efã kɛnyiɛ ohiɛ nɛɛ?” No hewɔ lɛ, Barak kpeleke shi kɛjɛ Tabor gɔŋ lɛ nɔ. Hii akpei nyɔŋma lɛ nyiɛ esɛɛ.

Kojolɔi 4:8

Barak kɛɛ Debora akɛ, “Kɛji okɛ mi aaatee lɛ, no lɛ matee; shi kɛji okɛ mi eyaaa lɛ, no lɛ miyaaa.”

Kojolɔi 5:21

Kishon Faa lɛ loo amɛ kɛtee, Faa ni keɔ kɛbaa, Kishon Faa lɛ. Misusuma, fãa nyiɛmɔ kɛ hewalɛ.

1 Samuel 24:10

Bɛ ŋmɛnɛ lɛ ona kɛ ohiŋmɛi tsei enyɔ bɔ ni Yehowa jie bo wo midɛŋ ŋmɛnɛ gbi nɛɛ yɛ tɛkplo lɛ mli? Mɛi kɛɛ mi akɛ migbe bo; shi mikɛ ohe ke bo. Nɔ moŋ ni mikɛɛ ji akɛ, ‘Mikɛ minine esaŋ minuŋtsɔ he ejaakɛ gbɔmɔ ni Yehowa efɔ lɛ mu ni.’

1 Samuel 24:18

Otsɔ̃ɔ faŋŋ ŋmɛnɛ akɛ ekpakpa otaoɔ mi, akɛni Yehowa tu mi wo odɛ̃ŋ shi ogbeee mi lɛ.