Kojolɔi 4:6 - ŊMALƐ KRƆŊKRƆŊ LƐ

⁶ Debora tsu ayakpee Barak, Abinoam bi lɛ, kɛjɛ Kadesh ni yɔɔ Naftali lɛ kɛba, ni ekɛɛ lɛ akɛ, “Fãmɔ ni Yehowa, Israel Nyɔŋmɔ lɛ, fãa bo nɛ: ‘Yaaŋɔ hii akpei nyɔŋma kɛjɛ Naftalibii kɛ Zebulonbii lɛ ateŋ ni ofã ta kɛya Tabor gɔŋ lɛ nɔ.

Ṅmãle̱ Kroṅkroṅ Le̱

⁶ Ni etšū ayakpē Barak, Abinoam bi le̱, ke̱-dše̱ Kedeš-Naftali ke̱-ba, ni ekē̱le̱ ake̱: Ani dšee fã́ ni Iehowa, Israel Nyoṅmo̱ le̱, efã́o ake̱: Yafã ta ke̱-ya Tabor goṅ le̱ ne̱, ni oṅõ Naftalibii le̱ ke̱ Zebulonbii le̱ ateṅ hĩĩ akpei-nyoṅma ofata ohe?

Kojolɔi 4:6 ပူးပေါင်းရင်းမြစ်များ

Lalai 7:6

Oo, Yehowa, tee shi kɛ mlila, wo ohe nɔ yɛ mihenyɛlɔi lɛ agirimɔ lɛ hewɔ; Oo miNyɔŋmɔ, ohiɛ atsɛ̃; bo ni oto kojomɔ ofɔ shi.

Lalai 89:12

Bo obɔ kooyi kɛ wuoyi fɛɛ. Tabor Gɔŋ lɛ kɛ Hermon Gɔŋ lɛ fɛɛ kɛ miishɛɛ jieɔ ogbɛi lɛ yi.

Lalai 89:13

Okɔ̃ɔjiaŋ wa waa! Onineshi wa naakpa! Ohewalɛ lɛ nɔ kwɔ gojoo!

Yeremia 46:18

Gbii abɔ ni mihiɛ kã nɛɛ, mi Maŋtsɛ ni migbɛi ji Yehowa, Taiatsɛ lɛ mikɛɛ, “Bɔ ni Tabor Gɔŋ yɔɔ yɛ gɔji lɛ ateŋ, ni Karmel yɔɔ yɛ ŋshɔnaa lɛ, nakai mɔ ni aaabatua bo lɛ hewalɛ aaatamɔ.

Hosea 5:1

“Nyɛ Osɔfoi, nyɛboa sane nɛɛ toi! Nyɛ Israelbii, nyɛkaa toi! Nyɛ maŋtsɛ we lɛ mli bii, nyɛfea toi, shi naa, abaakojo nyɛ fɛɛ, ejaakɛ nyɛfee nyɛhe tamɔ akpa ni atsɔ̃ yɛ Mizpa, kɛ yaa ni akɛlɛɛ shi yɛ Tabor Gɔŋ lɛ nɔ.

Bɔfoi 13:47

Ejaakɛ nakai Nuŋtsɔ lɛ wo wɔ kitã akɛ, ‘Miŋɔ bo midamɔ shi akɛ jeŋmaji lɛ ala, koni otsɔ̃ yiwalaheremɔ kɛyashi shikpɔŋ lɛ naagbee hei lɛ.’ ”

Hebribii 11:32

Ni mɛni makɛɛ dɔŋŋ? Ejaakɛ minaŋ mihe dekã bɔ ni mikɛaagba Gideon kɛ Barak, Samson kɛ Yefta, David kɛ Samuel kɛ gbalɔi lɛ ahe sane:

Yoshua 1:9

Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”

Yoshua 19:22

Isakarbii lɛ ahusu lɛ tsɔ̃ Tabor kɛ Shahazuma kɛ Bet-Shemesh hu, ni enaa yatã yɛ Yordan Faa lɛ naa. Amɛna maji nyɔŋma kɛ ekpaa kɛ amɛhe akrowai.

Yoshua 19:32

Oshiki ni ji ekpaa ni afɔ̃ lɛ gbee Naftalibii lɛ akutso lɛ wekui lɛ anɔ.

Yoshua 19:35

Naftalibii lɛ ashikpɔŋ lɛ nɔ maji ni atswa gbogbo awo amɛhe kɛwaje amɛ lɛ ekomɛi ji Zidin kɛ Rakat kɛ Kineret,

Yoshua 19:37

kɛ Kedesh kɛ Edrel kɛ En-Hazor.

Yoshua 21:32

Aŋɔ̃ Naftalibii lɛ ashikpɔŋ lɛ nɔ maji etɛ̃ hu kɛ amɛhe shikpɔji, ni akɛhã Gershonbii lɛ. Maji lɛ ji Kedesh, ni ji gbɔmɔgbelɔ abobaa maŋ ni yɔɔ Galilea lɛ, kɛ Hamot-Dor kɛ Kartan.

Kojolɔi 4:10

Barak hã ayakpee Zebulonbii kɛ Naftalibii kɛba Kadesh; ni hii akpei nyɔŋma kɛ lɛ ka nane kɛtee. Debora hu kɛlɛ tee.

Kojolɔi 5:1

Kɛkɛ ni Debora kɛ Barak, Abinoam binuu lɛ, la nɛkɛ lala nɛɛ yɛ nakai gbi lɛ nɔ akɛ,

Kojolɔi 6:35

Etsu mɛi kɛtee Manase fɛɛ ni ayakpee amɛ hu koni amɛbanyiɛ esɛɛ. Etsu kɛtee Asher kɛ Zebulon kɛ Naftali; ni amɛba koni amɛkɛ lɛ abakpe.

Kojolɔi 8:18

Agbɛnɛ Gideon bi Zeba kɛ Zalmuna akɛ, “Hii ni nyɛgbe yɛ Tabor lɛ, te amɛsubaŋ yɔɔ tɛŋŋ?” Amɛto he akɛ, “Amɛtamɔ bo pɛ; amɛ fɛɛ amɛtamɔ maŋtsɛmɛi abii.”

1 Samuel 10:3

Kɛji oshi jɛi lɛ obaaya ohiɛ aahu kɛyashi oooyashɛ Tabor odum kpeteŋkple lɛ he. Hii etɛ̃ komɛi ni miiya Betel ayashã afɔle ahã Nyɔŋmɔ kɛ bo baakpe yɛ jɛi. Amɛteŋ mɔ kome hiɛ abotiabii etɛ̃, ni mɔ kome hu hiɛ aboloo akwaabɔi etɛ̃, ni mɔ kome hu hiɛ wain wolo tɔ kome.

1 Samuel 12:11

No hewɔ lɛ, Yehowa tsu Gideon (ni ji Yerubaal) kɛ Barak kɛ Yefta kɛ mi Samuel hu, ni etsɔ̃ gbɔmɛi nɛɛ anɔ ehere nyɛ yɛ nyɛhenyɛlɔi lɛ adɛŋ yɛ hei fɛɛ; kɛkɛ ni nyɛhi shi shweshweeshwe.