Kojolɔi 4:5 - ŊMALƐ KRƆŊKRƆŊ LƐ

⁵ He ni etaa ji tɛŋtso ko ni atsɛɔ lɛ Debora tɛŋtso lɛ shishi yɛ Rama kɛ Betel teŋ, yɛ Efraim gɔji lɛ anɔ. Israelbii lɛ yaa eŋɔɔ yɛ jɛi ni eyeɔ amɛteŋ saji ehãa amɛ.

Ṅmãle̱ Kroṅkroṅ Le̱

⁵ Ni ehī Debora tẽṅ le̱ šiši ye̱ Rama ke̱ Betel teṅ, ye̱ Efraim gõdši le̱ ano̱. Ni Israelbii le̱ baä eṅõ ní ekodšoo̱ame̱.

Kojolɔi 4:5 ပူးပေါင်းရင်းမြစ်များ

1 Mose 35:8

Ni Debora, mɔ ni kwɛɔ Rebeka kɛjɛ egbekɛbiiashi lɛ, gbo ni afu lɛ yɛ Betel wuoyigbɛ yɛ tso kpele ko shishi. No hewɔ lɛ, awo tso lɛ gbɛi akɛ Allon-bakut.

2 Mose 18:13

Enɔ jetsɛremɔ leebi lɛ, Mose ho eta shi, ni ekura maŋbii lɛ ateŋ saji, ni maŋ lɛ jwere enɔ kɛjɛ leebi kɛyashi gbɛkɛ.

2 Mose 18:16

Kɛji amɛna sane ko lɛ amɛkɛbaa miŋɔɔ, ni mikuraa, ni mitsɔ̃ɔ amɛ Nyɔŋmɔ akpɔi kɛ nɔ ni Nyɔŋmɔ kɛɛ.”

2 Mose 18:19

Agbɛnɛ bo migbee toi; mawo bo ŋaa, ni Nyɔŋmɔ aye abua bo. Bo lɛ feemɔ maŋbii lɛ anaadamɔlɔ yɛ maŋbii lɛ kɛ Nyɔŋmɔ teŋ koni okɛ amɛsaji lɛ ashwie Nyɔŋmɔ hiɛ;

2 Mose 18:26

Nɔkwɛlɔi nɛɛ kuraa maŋbii lɛ ateŋ saji be fɛɛ be. Saji wuji lɛ amɛkɛbaa Mose ŋɔɔ; shi saji bibii fɛɛ lɛ amɛ diɛŋtsɛ amɛkuraa.

Yeremia 31:15

Bɔ ni Yehowa kɛɔ nɛ, “Anu gbee ko yɛ Rama, yarawoo kɛ yaafo ni mli wa; Rahel miifo ebii ni ekpɛlɛ̃ɛɛ kpãtãmɔ yɛ ebii lɛ ahewɔ ejaakɛ amɛbɛ.”

Yoshua 16:2

ni kɛjɛ Betel lɛ etee Luz dani etse mli kɛtee Atarot Adar, ni ji Arkibii lɛ ashikpɔŋ lɛ.

Yoshua 18:22

kɛ Bet-Araba kɛ Zemariam kɛ Betel,

Yoshua 18:25

kɛ Gibeon kɛ Rama kɛ Beerot,

Kojolɔi 4:4

Nɛkɛ be nɛɛ mli lɛ, gbalɔ yoo Debora, Lapidot ŋã lɛ, ji Israelbii lɛ akojolɔ.

1 Samuel 1:1

Nuu ko hi shi yɛ Rama yɛ Efraim gɔji lɛ anɔ. Egbɛi ji Elkana, ni etsɛ gbɛi ji Yeroham. Zuf bi Tohu bi Elihu bi ji Elkana nɛɛ.

1 Samuel 1:19

Enɔ jetsɛremɔ lɛ Elkana kɛ eŋãmɛi lɛ kɛ ebii lɛ te shi leebi maŋkpa, be ni amɛtee amɛyaja Yehowa sɛɛ lɛ amɛku amɛsɛɛ kɛtee Rama. Elkana kɛ eŋa Hana yawɔ, ni Yehowa mɔbɔnalɛ naa lɛ,

1 Samuel 22:6

Gbi nɛɛ Saul yɛ Gibea, ni eta shi yɛ tso ko ni atsɛɔ lɛ akɛ tamariske tso lɛ shishi yɛ gɔŋkpɔ lɛ nɔ; ehiɛ ekpɔlɔ yɛ edɛŋ, ni etsuji lɛ ebɔle ehe kɛkpe.

1 Samuel 25:1

Samuel gbo, ni Israel fɛɛ ba bafo lɛ, ni afu lɛ yɛ ewe lɛ mli yɛ Rama. Samuel fuu sɛɛ lɛ, David kpeleke shi kɛtee Paran shiaŋa lɛ nɔ.

1 Samuel 7:17

ni ekuɔ esɛɛ kɛbaa Rama, ejaakɛ jɛi ewe yɔɔ; ni jɛi hu ekwɛɔ maŋbii lɛ ateŋ saji yɛ. Samuel ma afɔleshãa latɛ yɛ Rama ehã Yehowa.