Kojolɔi 4:3 - ŊMALƐ KRƆŊKRƆŊ LƐ

³ Israelbii lɛ bolɔ amɛtsɛ Yehowa koni eye ebua amɛ, ejaakɛ Yabin yɛ dade tayaa shwiilii ohai nɛɛhu, ni ewa Israelbii lɛ ayi waa naakpa afii nyɔŋmai enyɔ sɔŋŋ.

Ṅmãle̱ Kroṅkroṅ Le̱

³ Ni Israelbii le̱ blo̱ tšé̱ Iehowa; edšake̱ eye̱ dade ſīlii ohai-ne̱hũ, ni afii nyoṅmai-enyo̱ ewa Israelbii le̱ ayi deṅdeṅdeṅ.

Kojolɔi 4:3 ပူးပေါင်းရင်းမြစ်များ

Lalai 106:42

Amɛhenyɛlɔi lɛ wa amɛyi waa, ni amɛhenyɛlɔi lɛ ba amɛ shi amɛwo amɛhewalɛ shishi.

Lalai 50:15

Tsɛ mi yɛ fimɔ gbi lɛ nɔ! Majie bo, ni ooowo mihiɛ nyam.”

Lalai 78:34

Kɛ egbe amɛteŋ mɛi komɛi lɛ, fãbii lɛ taoɔ esɛɛgbɛ; amɛshwaa amɛhe, ni amɛtaoɔ Nyɔŋmɔ sɛɛgbɛ kɛ hiɛdɔɔ.

2 Mose 2:23

Be kplaŋŋ sɛɛ lɛ Ijipt maŋtsɛ lɛ bagbo. Ni Israelbii lɛ dɔmɔ ŋtsɔi yɛ nyɔŋ ni ayeɔ amɛ lɛ hewɔ, ni amɛfo amɛtsɛ Nyɔŋmɔ.

5 Mose 28:29

Ooogbugbuu shi shwane fintiŋŋ tamɔ shwilafo ni yɔɔ duŋ mli be fɛɛ be. Obaatsɔ ogbutsɛ, ni onɔ ko nɔ ko kwraa shwereŋ, ni aaahi bo nyɔŋyeli kɛ ojotswaa sɔŋŋ kɛkɛ daa nɛɛ, ni onaŋ mɔ ko mɔ ko ni aaahere bo.

5 Mose 28:33

Maŋsɛɛ maŋ ko ni oleee kwrakwra aaaba ebaloo oŋmɔshi nibaanii kɛ nii ni otsu oto fɛɛ kɛya eyaye. Yi sɔŋŋ kɛkɛ aaawa bo, ni shi sɔŋŋ kɛkɛ aaashwishwia bo daa nɛɛ,

Yoshua 17:16

Yosef shwiei lɛ jie naa akɛ, “gɔji lɛ anɔ shikpɔŋ lɛ edaaa hãaa wɔ moŋ nɛ, shi Kanaanbii ni yɔɔ jɔɔ lɛ mli lɛ fɛɛ yɛ dade tayaa shwiilii; mɛi ni yɔɔ Bet-Shean kɛ ehe akrowai lɛ amli lɛ kɛ mɛi hu ni yɔɔ Yezreel Jɔɔ lɛ mli lɛ hu fɛɛ yɛ eko.”

Kojolɔi 1:19

Yehowa wa Yuda, ni Yuda shwie gɔji anɔ bii lɛ. Shi Yuda nyɛɛɛ eshwie jɔɔ lɛ mli bii lɛ, ejaakɛ amɛyɛ dade shwiilii.

Kojolɔi 10:10

Kɛkɛ ni amɛbolɔ amɛtsɛ Yehowa amɛkɛɛ: “Wɔfee esha wɔshi bo; ejaakɛ wɔkwa bo, wɔNyɔŋmɔ lɛ, ni wɔyasɔmɔ Baal nyɔŋmɔi lɛ.”

Kojolɔi 10:16

No hewɔ lɛ, amɛ jie nyɔŋmɔi krokomɛi lɛ amɛshwie, ni amɛsɔmɔ Yehowa. Amɛnii fee Yehowa mɔbɔ yɛ amɛmanehulu lɛ hewɔ.

Kojolɔi 3:15

Kɛkɛ ni Israelbii lɛ bolɔ tsɛ Yehowa, ni etee yiwalaherelɔ shi ehã amɛ. Lɛ ji Ehud, Gera Benyaminnyo lɛ bi lɛ, abɛkulɔ ni. Israelbii lɛ tsu lɛ ekɛ nikeenii tee yahã Moab maŋtsɛ Eglon.

Kojolɔi 3:9

Kɛkɛ ni Israelbii lɛ bolɔ tsɛ Yehowa, ni etee herelɔ ko shi ehã amɛ, ni ehere amɛ. Lɛ ji Otniel, Kaleb nyɛmi gbekɛ Kenaz bi lɛ.

Kojolɔi 4:13

Sisera bua edade tayaa shwiilii ohai nɛɛhu lɛ fɛɛ, kɛ etabilɔi lɛ fɛɛ anaa kɛjɛ jeŋbii amaŋ Haroshet kɛba Kishon Faa lɛ naa.

Kojolɔi 4:4

Nɛkɛ be nɛɛ mli lɛ, gbalɔ yoo Debora, Lapidot ŋã lɛ, ji Israelbii lɛ akojolɔ.

Kojolɔi 5:8

Amɛhala nyɔŋmɔi hei, kɛkɛ ni ta shɛ agboi lɛ anaa, Anãaa tsɛŋ loo akplɔ ko yɛ hii akpei nyɔŋmai ejwɛ dɛŋ yɛ Israel.

Kojolɔi 6:6

Midianbii lɛ hã Israelbii lɛ ahewalɛ nɔ gbɔ kwraa. Kɛkɛ ni Israelbii lɛ bolɔ amɛtsɛ Yehowa.

1 Samuel 7:8

ni amɛkɛɛ Samuel akɛ, “Yaa nɔ ni otsɛ Yehowa, wɔNyɔŋmɔ lɛ, ohã wɔ koni ehere wɔ yɛ Filistibii lɛ adɛŋ.”