Kojolɔi 4:14 - ŊMALƐ KRƆŊKRƆŊ LƐ

¹⁴ Kɛkɛ ni Debora kɛɛ Barak akɛ, “Tee shi, ejaakɛ ŋmɛnɛ gbi nɛɛ ji gbi ni Yehowa baahã oye Sisera nɔ kunim. Ani jeee Yehowa efã kɛnyiɛ ohiɛ nɛɛ?” No hewɔ lɛ, Barak kpeleke shi kɛjɛ Tabor gɔŋ lɛ nɔ. Hii akpei nyɔŋma lɛ nyiɛ esɛɛ.

Ṅmãle̱ Kroṅkroṅ Le̱

¹⁴ Ke̱ke̱ ni Debora kē̱ Barak ake̱: Te ši, edšake̱ ṅme̱ne̱ gbĩ ne̱ Iehowa eṅõ Sisera ewo odeṅ! Ani dšee Iehowa efã ke̱-nyie ohĩe ne̱? Ke̱ke̱ ni Barak kpleke ši ke̱-dše̱ Tabor goṅ le̱ no̱, ni mei akpei-nyoṅma le̱ nyie ese̱.

Kojolɔi 4:14 ပူးပေါင်းရင်းမြစ်များ

1 Mose 19:14

Kɛkɛ ni Lot je kpo ni ekɛ eshaahiimɛi lɛ ni baŋɔ ebiyei lɛ wie akɛ, “Nyɛtea shi, nyɛshĩa biɛ nɛɛ, ejaakɛ Yehowa baakpãtã maŋ nɛɛ hiɛ!” Shi Lot shaahiimɛi lɛ ŋɔ Lot wiemɔ lɛ akɛ shwɛmɔ nɔ ko.

1 Mose 44:4

Be ni amɛshi maŋ lɛ mli lɛ, amɛshɛko shɔŋŋ he ko kɛkɛ ni Yosef kɛɛ eshĩa lɛ mli sɔ̃ɔlɔ nukpa lɛ akɛ, “Tee shi ni otiu gbɔmɛi lɛ ni kɛ oyanina amɛ lɛ, kɛɛmɔ amɛ akɛ ‘Mɛɛ hewɔ nyɛkɛ efɔŋ eto ekpakpa najiaŋ nɛɛ? Mɛɛba nyɛju minuŋtsɔ jwiɛtɛi kpulu lɛ?

2 Samuel 5:24

Kɛ onu gbɛɛmɔ yɛ Balsam tsei lɛ ayiteŋ tamɔ naneshi gbɛɛmɔ lɛ, ohe afee oya ni otua amɛ, ejaakɛ no tsɔ̃ɔ akɛ miyi ohiɛ miyatswia Filistibii lɛ atabilɔi lɛ anii.”

Yesaia 52:12

Shi moŋ nyɛshĩŋ nyɛyaŋ yɛ hejojomɔ naa; ni asaŋ jeee yɛ foijee naa hu; ejaakɛ Yehowa baanyiɛ nyɛhiɛ ni Israel Nyɔŋmɔ lɛ baanyiɛ nyɛsɛɛ.

Mika 2:13

Nyɔŋmɔ mɔ ni gbeleɔ gbɛ baagbele gbɛ ahã amɛ, ni eeenyiɛ amɛhiɛ kɛjɛ nomŋɔɔ mli kɛba. Amɛaajwa maŋ lɛ agboi lɛ kɛje kpo kɛya heyeli mli. Amɛmaŋtsɛ ni ji Yehowa diɛŋtsɛ aaanyiɛ amɛhiɛ kɛje kpo.

5 Mose 9:3

Shi moŋ nyɛnaa nyɛlea ŋmɛnɛ gbi nɛɛ akɛ mɔ ni nyiɛ nyɛhiɛ kɛyaa lɛ etamɔ la grigri ni kpãtãa nii ahiɛ. Lɛ ji Yehowa, nyɛNyɔŋmɔ lɛ. Ebaaye amɛnɔ, ni ebaajɔɔ amɛhe yɛ nyɛhiɛ koni nyɛshwie amɛ yɛ shikpɔŋ lɛ nɔ, ni nyɛkpãtã amɛhiɛ oya tamɔ bɔ ni lɛ Yehowa ewo nyɛ shi eto momo lɛ.

Yoshua 10:8

Yehowa kɛɛ Yoshua akɛ, “Kaashe Amorbii lɛ gbeyei ejaakɛ mijɔɔ amɛnɔ momo mihã bo; amɛteŋ mɔ ko mɔ ko nyɛŋ ohiɛ edamɔ.”

Yoshua 7:13

Tee shi; tsuumɔ maŋbii lɛ ahe. Kɛɛmɔ amɛ akɛ, ‘Nyɛtsua nyɛhe nyɛkɛfea nyɛhe krɔŋkrɔŋ nyɛtoa wɔ’, ejaakɛ bɔ ni Yehowa, Israel Nyɔŋmɔ lɛ, kɛɛ nɛ, ‘Israelbii, nyɛkɔlɔ musu nibii lɛ eko, no hewɔ lɛ, nyɛnyɛŋ nyɛhenyɛlɔi lɛ ahiɛ nyɛdamɔ kɛyaashi beyinɔ ni nyɛaajie musunii lɛ nyɛshwie.’

Kojolɔi 19:28

Ewu lɛ kɛɛ lɛ akɛ, “Tee shi ni wɔtee” shi fɛɛ lɛ kranaa. Kɛkɛ ni ewu lɛ wo egbonyo lɛ eŋmɛ eteji lɛ nɔ, ni ekɛshwie nɔ kɛtee emaŋ.

Kojolɔi 4:10

Barak hã ayakpee Zebulonbii kɛ Naftalibii kɛba Kadesh; ni hii akpei nyɔŋma kɛ lɛ ka nane kɛtee. Debora hu kɛlɛ tee.

Kojolɔi 7:9

Nakai nyɔɔŋ lɛ mli nɔŋŋ lɛ, Yehowa kɛɛ Gideon akɛ, “Tee shi ni okpeleke shi oyatua Midian nsra lɛ, ejaakɛ mibahã oye amɛnɔ kunim.

1 Samuel 9:26

Enɔ maŋkɛ mra be ni je bɔ̃i tsɛremɔ lɛ, Samuel tsɛ Saul yɛ shĩa lɛ yiteŋ ekɛɛ, “Tee shi ni oba koni mawo bo gbɛ ni oya.” Saul te shi, ni lɛ kɛ Samuel fɛɛ je kpo amɛyi tɛmpɔŋ lɛ nɔ.