Kojolɔi 3:8 - ŊMALƐ KRƆŊKRƆŊ LƐ

⁸ No hewɔ lɛ, Yehowa mli wo Israelbii lɛ ala, ni ehã Mesopotamia maŋtsɛ Kushan-Rishataim ye amɛnɔ kunim ni amɛsɔmɔ lɛ afii kpaanyɔ.

Ṅmãle̱ Kroṅkroṅ Le̱

⁸ Nohewo̱ le̱ Iehowa mli wo Israel la, ni ehõame̱ ehã Mesopotamia maṅtše̱ Kušan-Rišataim; ni Israelbii le̱ súmo̱ Kušan-Rišataim afii kpānyo̱.

Kojolɔi 3:8 ပူးပေါင်းရင်းမြစ်များ

1 Mose 24:10

Kɛkɛ ni tsulɔ lɛ ŋɔ enuŋtsɔ yoomai lɛ ateŋ nyɔŋma, ni eŋɔ enuŋtsɔ lɛ nikeenii kpakpai srɔtoi ehiɛ edɛ̃ŋ, ni eyiŋ kɛtee maŋ he ni Nahor hi yɛ Mesopotamia kooyigbɛ shikpɔŋ lɛ nɔ lɛ.

Lalai 106:41

Etu amɛ ewo jeŋbii adɛŋ, no hewɔ lɛ, amɛhenyɛlɔi lɛ ye amɛnɔ.

Lalai 129:1

“Amɛwa mi yi aahu kɛjɛ miblahiaŋ!” Israel akɛɛ akɛ,

Lalai 44:12

Ohɔ̃ɔ omaŋbii lɛ ofoo, ni ahe amɛ mlɛo.

Lalai 6:1

Oo Yehowa, kaakã mihiɛ yɛ omlifu mli, ni okɛ mlila hu akagbala mitoi.

Lalai 85:3

Ofo omli ni fu amɛ lɛ sɛɛ, ni oŋmɛɛ omlila kpele lɛ he.

2 Mose 22:24

Mimlifu naa aaawa naakpa, ni magbe nyɛ yɛ ta mli, ni nyɛŋamɛi aaatsɔ̃mɔ okulafoi, ni nyɛbii aaatsɔ̃mɔ awusai.

Yesaia 50:1

Bɔ ni Yehowa kɛɛ nɛ, “Nɛgbɛ nyɛnyɛ shwiemɔ wolo ni mikɛshwie lɛ lɛ yɔɔ? Minyɔjiatsɛmɛi lɛ ateŋ namɔ mihɔɔ nyɛ miha? Dabida! Nyɛnishaianii lɛ ahewɔ ni ahɔɔ nyɛ, ni nyɛtɔ̃mɔi lɛ ahewɔ ashwie nyɛnyɛ.

3 Mose 26:17

Majie mihiɛ maka nyɛ, ni nyɛhenyɛlɔi baaye nyɛnɔ, ni mɛi ni hetsɛ̃ɔ nyɛ lɛ aaaye nyɛnɔ bɔ sɔŋŋ, ni nyɛbaawo foi be mli ni mɔ ko mɔ ko enyiɛɛɛ nyɛsɛɛ.

Habakuk 3:7

Mina, Kushanbii miishe gbeyei, ni Midianbii ahe miikpokpo.

Romabii 7:14

Wɔle akɛ Mla lɛ mumɔŋ nɔ ni; shi mi lɛ heloo gbɔmɔ ji mi, ni ahɔ̃ɔ mi awo esha shishi.

5 Mose 29:20

Yehowa kɛ nɛkɛ gbɔmɔ nɛɛ he ekeŋ lɛ, shi moŋ Yehowa mlifu kɛ ewuŋayeli aaate shi awo lɛ, ni loomɔi fɛɛ ni aŋma yɛ nɛkɛ wolo nɛɛ mli lɛ aaababua gbɔmɔ nɛɛ yiteŋ kɛyashi Yehowa baagbe egbɛi yɛ je lɛ mli.

5 Mose 32:30

Te feɔ tɛŋŋ ni gbɔmɔ kome kɛkɛ woɔ mɛi akpe foiŋ, ni gbɔmɛi enyɔ kɛkɛ hu woɔ mɛi akpei nyɔŋma foiŋ? Nɔ ni kɛba ji amɛTɛsaa lɛ ekwa amɛ, ni Yehowa eŋmɛɛ amɛhe ehã.

Kojolɔi 2:14

No hewɔ lɛ, Yehowa mli wo Israelbii lɛ la ni ehã ofɔ̃yelɔi baye amɛ ofɔ̃. Asaŋ ekɛ Israelbii lɛ wo amɛhenyɛlɔi ni bɔle amɛ kɛkpe lɛ ahewalɛ shishi, ni amɛnyɛɛɛ amɛhenyɛlɔi lɛ ahiɛ amɛdamɔ dɔŋŋ.

Kojolɔi 2:20

No hewɔ lɛ, Yehowa mli woɔ la woɔ Israelbii lɛ, ni ekɛɔ akɛ, “Akɛni nɛkɛ maŋ nɛɛ etɔ̃ mikpãŋmɔ lɛ ni miwo amɛtsɛmɛi lɛ akitã yɛ he lɛ nɔ, ni amɛbooo mi toi

Kojolɔi 3:10

Yehowa Mumɔ lɛ bayi Otniel nɔ, ni etsɔ̃ Israelbii lɛ ahiɛnyiɛlɔ. Efã ta, ni Yehowa hã enine tsɔ̃ Mesopotamia maŋtsɛ Kushan Rishataim lɛ nɔ ni eye enɔ kunim.

Kojolɔi 3:7

Israelbii lɛ fee efɔŋ amɛshi Yehowa. Amɛhiɛ kpa Yehowa, amɛNyɔŋmɔ lɛ nɔ, ni amɛyasɔmɔ Baal nyɔŋmɔi lɛ kɛ Ashera nyɔŋmɔi lɛ.

Kojolɔi 3:9

Kɛkɛ ni Israelbii lɛ bolɔ tsɛ Yehowa, ni etee herelɔ ko shi ehã amɛ, ni ehere amɛ. Lɛ ji Otniel, Kaleb nyɛmi gbekɛ Kenaz bi lɛ.

Kojolɔi 4:9

Debora kɛɛ lɛ akɛ, “Mikɛ bo aaatee, kɛ̃lɛ nɔ ni oyaa oyatsu nɛɛ mli anunyam lɛ efeŋ onɔ; ejaakɛ yoo ko ji mɔ ni Yehowa baahã eye Sisera nɔ kunim.” Kɛkɛ ni Debora te shi ni ekɛ Barak tee Kadesh.

1 Samuel 12:9

Shi nyɛtsɛmɛi lɛ ahiɛ kpa Yehowa, amɛNyɔŋmɔ, lɛ nɔ. No hewɔ lɛ, Yehowa ŋmɛɛ amɛhe ehã, ni Hazor Maŋtsɛ Yabin tatsɛ Sisera lɛ, kɛ Filistibii lɛ hu kɛ Moab maŋtsɛ lɛ hu kɛ amɛ wuwuu tai, ni gbɔmɛi nɛɛ ye nyɛtsɛmɛi lɛ anɔ.