Kojolɔi 3:7 - ŊMALƐ KRƆŊKRƆŊ LƐ

⁷ Israelbii lɛ fee efɔŋ amɛshi Yehowa. Amɛhiɛ kpa Yehowa, amɛNyɔŋmɔ lɛ nɔ, ni amɛyasɔmɔ Baal nyɔŋmɔi lɛ kɛ Ashera nyɔŋmɔi lɛ.

Ṅmãle̱ Kroṅkroṅ Le̱

⁷ Ni Israelbii le̱ fe efõṅ ye̱ Iehowa hĩe, ni ame̱hĩe kpa Iehowa, ame̱-Nyoṅmo̱ le̱, no̱, ni ame̱yasúmo̱ Baalim ke̱ Ašerot.

Kojolɔi 3:7 ပူးပေါင်းရင်းမြစ်များ

1 Maŋtsɛmɛi 16:33

No sɛɛ hu eshɔ̃ jemawɔŋ yoo Ashera lɛ amãgã ema shi. Ahab wo Yehowa, Israel Nyɔŋmɔ lɛ, mli la waa fe Israel maŋtsɛmɛi fɛɛ ni etsɔ̃ ehiɛ kɛho.

1 Maŋtsɛmɛi 18:19

No hewɔ lɛ, agbɛnɛ tsu koni ayabua Israel fɛɛ naa abahã mi yɛ Karmel Gɔŋ lɛ nɔ: Baal gbalɔi ohai ejwɛ kɛ nyɔŋmai enumɔ lɛ, kɛ Ashera gbalɔi ohai ejwɛ lɛ kɛ mɛi ni yeɔ nii yɛ Yezebel okplɔ̃ lɛ he lɛ hu fɛɛ aba.”

2 Maŋtsɛmɛi 23:14

Maŋtsɛ Yosia kumɔ amãgãi lɛ, ni egba Ashera wɔŋkoi lɛ eshwie shi, ni ekɛ gbɔmɛi awui shwã jɛi.

2 Maŋtsɛmɛi 23:6

Maŋtsɛ lɛ jie Ashera amãgã lɛ yɛ Yehowa we lɛ kɛtee Yerusalɛm maŋ lɛ sɛɛ yɛ Kidron jɔɔ lɛŋ, ni eyashã, ni eshimɔ lɛ mɔnyɔmɔnyɔ, ni eloo ni ekɛyashwã maŋbii asaŋi lɛ anɔ.

2 Kronika 15:16

Maŋtsɛ Asa kpa enyɛ Maaka tete po akɛ maŋnyɛ ejaakɛ Maaka fee hiɛgbejianii, no ji akɛ ema amãgã ehã jemawɔŋ Ashera lɛ. Asa kumɔ amãgã ni enyɛ ma lɛ, ni ejwra lɛ wɔtsɔwɔtsɔ ni eyashã amãgã lɛ yɛ Kidron Jɔɔ lɛ mli.

2 Kronika 24:18

Kɛkɛ ni maŋbii lɛ kpa jamɔ yɛ Yehowa, amɛtsɛmɛi aNyɔŋmɔ lɛ, Sɔlemɔtsu lɛ mli, ni amɛyaja Asherim jemawɔŋ lɛ kɛ amãgãi. Tɔ̃mɔ nɛɛ hã Yehowa mli fu Yuda kɛ Yerusalɛm.

2 Kronika 33:19

Manase faikpamɔ lɛ kɛ bɔ ni Nyɔŋmɔ bo lɛ toi ehã lɛ, kɛ hei grɔŋŋi ni emamɔ jemawɔji ajamɔhei yɛ lɛ, kɛ wɔŋ koi kɛ amãgãi ni efeefee fɛɛ dani eje ehe sɛɛ, ni eba ehe shi ehã Yehowa lɛ, aŋmala yɛ Gbalɔi Ahe Saji Awolo lɛ mli.

2 Kronika 33:3

Ejaakɛ jemawɔji ajamɔhei ni etsɛ Hezekia kumɔ lɛ, Manase saa emamɔ ni emamɔ afɔleshãa latɛi hu ehã Baal jemawɔji lɛ; ni asaŋ efee amãgã ehã jemawɔŋ yoo Ashera lɛ, ni eja ŋwɛi nibii srɔtoi ni yɔɔ lɛ, ni esɔmɔ amɛ hu.

2 Kronika 34:3

Yosia maŋtsɛyeli afi ni ji kpaanyɔ lɛ nɔ, be ni edako beebe lɛ, ebɔi eseshinyo David Nyɔŋmɔ lɛ jamɔ kɛ esɛɛgbɛ taomɔ. Be ni ena afii nyɔŋma kɛ enyɔ yɛ sɛi lɛ nɔ lɛ, Yosia bɔi jemawɔji ajamɔhei lɛ kɛ Ashera jemawɔŋ lɛ wɔŋ koi lɛ kɛ amãgãi krokomɛi lɛ fɛɛ fitemɔ, koni ekɛtsuu Yuda kɛ Yerusalɛm he.

2 Kronika 34:7

ni eyakumɔ jɛi hu afɔleshãa latɛi lɛ kɛ tsofakɛŋmashãa latɛi lɛ, ni egba wɔŋ koi lɛ, ni eshimɔ Asherim jemawɔŋ lɛ amãgãi lɛ kɛ amãgãi krokomɛi lɛ fɛɛ mɔnyɔmɔnyɔ yɛ Israel shikpɔŋ lɛ fɛɛ nɔ. Kɛkɛ ni eku esɛɛ kɛba Yerusalɛm.

Lalai 106:35

shi moŋ amɛfutu amɛ ni amɛkase amɛnifeemɔnii lɛ.

Lalai 106:36

Yehowa webii lɛ ja maŋsɛɛbii amãgãi lɛ, ni no hã amɛnane tɔ̃tɔ̃.

Lalai 106:7

Be ni wɔblematsɛmɛi lɛ yɔɔ Ijipt lɛ, amɛyooo onaakpɛɛ nitsumɔi lɛ asɛɛ, amɛkaiii osuɔmɔ babaoo ni tsakeee lɛ; shi moŋ, amɛtse Ŋwɛi Flooflonyo lɛ hiɛ atua, yɛ Ŋshɔ Tsuru lɛ naa.

2 Mose 34:13

Shi moŋ nyɛkumɔa amɛfɔleshãa latɛi lɛ kɛ amɛmãgãi lɛ, ni nyɛfitea amɛkrabatsai lɛ, ni nyɛfolɔa amɛ-Ashera lɛ wɔŋ koo lɛ nyɛshwiea.

Yeremia 23:27

Ani amɛsusuɔ akɛ amɛkɛ lamɔi ni amɛgbaa amɛnanemɛi lɛ baahã mimaŋ lɛ hiɛ akpa minɔ tamɔ bɔ ni amɛtsɛmɛi lɛ ahiɛ kpa minɔ, ni amɛtsɔ̃ amɛhã Baal lɛ?

5 Mose 16:21

“Kaatɛo tsei ni okɛfee wɔŋ koo ofata Yehowa, nyɛNyɔŋmɔ lɛ, afɔleshãa latɛ ni nyɛbaama lɛ he.

5 Mose 4:9

Shi moŋ, nyɛkwɛa ni ahia kɛkɛ koni nyɛhiɛ ahia nyɛhe nɔ jogbaŋŋ, bɔ ni afee ni nyɛhiɛ akaje nibii ni nyɛna kɛ nyɛ diɛŋtsɛ nyɛhiŋmɛii nɛɛ anɔ nyɛwala gbii abɔ fɛɛ. Ni nyɛgbaa nyɛbii kɛ nyɛnabii lɛ,

5 Mose 8:11

“Nyɛkwɛa nyɛhe ni ahia koni nyɛhiɛ akakpa Yehowa nyɛNyɔŋmɔ lɛ nɔ, ni no hã nyɛyeee ekitãi kɛ emlai kɛ ekpɔi ni miwoɔ nyɛ ŋmɛnɛ nɛɛ nɔ.

5 Mose 8:14

nyɛkwɛa ni ahia koni nyɛkawo nyɛhe nɔ ni nyɛhiɛ miikpa Yehowa, nyɛNyɔŋmɔ lɛ nɔ. Lɛ mɔ ni ejie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ.

5 Mose 8:18

Shi moŋ nyɛkaia akɛ Yehowa, nyɛNyɔŋmɔ lɛ, lɛ ji mɔ ni duro nyɛ hewalɛ ni nyɛkɛna nii ni nyɛyɔɔ lɛ, koni ehã ekpãŋmɔ ni ekã nyɛtsɛmɛi lɛ kitã yɛ he lɛ ama shi, tamɔ nyɛnaa ŋmɛnɛ nɛɛ lɛ.

Kojolɔi 3:12

Israelbii lɛ saa fee efɔŋ ekoŋŋ amɛshi Yehowa. No hewɔ lɛ, Yehowa hã Moab maŋtsɛ Eglon na hewalɛ fe Israelbii lɛ.

Kojolɔi 3:8

No hewɔ lɛ, Yehowa mli wo Israelbii lɛ ala, ni ehã Mesopotamia maŋtsɛ Kushan-Rishataim ye amɛnɔ kunim ni amɛsɔmɔ lɛ afii kpaanyɔ.

Kojolɔi 6:25

Nakai nyɔɔŋ lɛ mli nɔŋŋ lɛ, Yehowa kɛɛ Gideon akɛ, “Yaaŋɔ otsɛ tsinanuu nɔ ni ji enyɔ lɛ, ni eye afii kpawo lɛ, koni oyakumɔ Baal afɔleshãa latɛ ni ji otsɛ nɔ lɛ. Asaŋ foo nyɔŋmɔ yoo Ashera tso ni ma afɔleshãa latɛ lɛ masɛi lɛ.

Kojolɔi 8:33

Shi be ni Gideon egbo sɛɛ lɛ, Israelbii lɛ ku amɛsɛɛ amɛyasɔmɔ Baal nyɔŋmɔi lɛ, ni amɛkɛ Baal-Berit fee amɛnyɔŋmɔ.

Kojolɔi 8:34

Amɛkaiii Yehowa, amɛNyɔŋmɔ lɛ, mɔ ni jie amɛ yɛ amɛhenyɛlɔi fɛɛ adɛŋ yɛ he fɛɛ he lɛ.

1 Samuel 12:10

Enɛ hã nyɛtsɛmɛi lɛ bolɔ amɛtsɛ Yehowa, ni amɛkɛɛ, ‘Wɔfee esha, ejaakɛ wɔkwa bo, Yehowa, ni wɔyasɔmɔ Baali kɛ Astarte moŋ. Shi agbɛnɛ heremɔ wɔ yɛ wɔhenyɛlɔi lɛ adɛŋ, ni wɔbaasɔmɔ bo.’

1 Samuel 12:9

Shi nyɛtsɛmɛi lɛ ahiɛ kpa Yehowa, amɛNyɔŋmɔ, lɛ nɔ. No hewɔ lɛ, Yehowa ŋmɛɛ amɛhe ehã, ni Hazor Maŋtsɛ Yabin tatsɛ Sisera lɛ, kɛ Filistibii lɛ hu kɛ Moab maŋtsɛ lɛ hu kɛ amɛ wuwuu tai, ni gbɔmɛi nɛɛ ye nyɛtsɛmɛi lɛ anɔ.