Kojolɔi 3:12 - ŊMALƐ KRƆŊKRƆŊ LƐ

¹² Israelbii lɛ saa fee efɔŋ ekoŋŋ amɛshi Yehowa. No hewɔ lɛ, Yehowa hã Moab maŋtsɛ Eglon na hewalɛ fe Israelbii lɛ.

Ṅmãle̱ Kroṅkroṅ Le̱

¹² Ni Israelbii le̱ fe efõṅ ekoṅ ye̱ Iehowa hĩe; ni Iehowa hã Moab maṅtše̱ Eglon le̱ ná Israel no̱ hewale̱, edšake̱ ame̱fe efõṅ ye̱ Iehowa hĩe.

Kojolɔi 3:12 ပူးပေါင်းရင်းမြစ်များ

2 Maŋtsɛmɛi 5:1

Siria maŋtsɛ lɛ yɛ asafoiatsɛnukpa ko ni atsɛɔ lɛ Naaman; gbɔmɔ wulu ji lɛ, ni enuŋtsɔ maŋtsɛ lɛ buɔ lɛ ejaakɛ lɛ enɔ Yehowa tsɔ̃ ehã Siriabii lɛ ye kunim. Eyɛŋ akɛ eji asraafonyo kãkãlɔ kpanaa nɛ, shi eeye kpiti.

2 Mose 9:16

Shi enɛ hewɔ mihã oyɔɔ wala mli lolo koni majie mihewalɛ kpo matsɔ̃ɔ bo koni akɛtsi mitã yɛ jeŋ fɛɛ.

Yesaia 10:15

Shi Nuŋtsɔ Yehowa, Taiatsɛ lɛ, miikɛɛ akɛ, “Ani lema baanyɛ eshwã ewo mɔ ni hiɛ emli lɛ lo? Aloo ani saalai baanyɛ ete shi ewo mɔ ni hiɛ lɛ lɛ? Ani tso nyɛɔ mɔ ni hiɛ lɛ lɛ moŋ nɔ ewoɔ? Aloo kplamɔ tso moŋ nyɛɔ mɔ ni ejeee tso nɔ ewoɔ.”

Yesaia 37:26

“Ani onuko kwraa akɛ mi, mito nibii nakai kɛjɛ blema beebe lo? Ni nibii ni mito kɛjɛ blema lɛ mihã eba mli agbɛnɛ nɛɛ akɛ okpãtã maji ni atswa gbogbo awo amɛhe ahiɛ koni amɛtsɔmɔ nii ni akumɔ abua shi kuikui.

Ezekiel 38:16

Ooote shi owo mimaŋ Israel; nyɛyifalɛ baaha shikpɔŋ lɛ nɔ. Kɛji gbi lɛ shɛ lɛ mahã otua mishikpɔŋ lɛ, ni bɔ ni mafee bo yɛ majimaji lɛ ahiɛ lɛ, baahã amɛle mi akɛ mɔ krɔŋkrɔŋ ji mi.

Daniel 4:22

“Nii, bo ji nakai tso lɛ. Bo lɛ oda, ni ohe wa. Oda aahu kɛyashɛ ŋwɛi, ni ohewalɛ miiye je lɛ fɛɛ nɔ.

Daniel 5:18

“Maŋtsɛ, Nyɔŋmɔ mɔ ni yɔɔ ŋwɛi shɔŋŋ lɛ hã otsɛ Nebukadnezar tsɔ̃ maŋtsɛ wulu ni yɔɔ hewalɛ kɛ agbojee kɛ anunyam kpeteŋkple;

Hosea 6:4

Shi Yehowa kɛɔ akɛ, “Ao! Israel, mɛni mafee ohe? Ao! Yuda, te mafee bo tɛŋŋ? Ejaakɛ osuɔmɔ lɛ etamɔ leebi atatu; etamɔ leebi bɔ ni kpalaa oya.

Yohane 19:11

Yesu here nɔ akɛ, “Kɛjeee ŋwɛi ajɛ akɛhã bo lɛ, kulɛ onaŋ hewalɛ ko yɛ minɔ. No hewɔ lɛ, mɔ ni jie mi wo odɛ̃ŋ lɛ he esha lɛ da fe onɔ lɛ.”

Kojolɔi 2:11

Kɛkɛ ni Israelbii lɛ fee efɔŋ yɛ Yehowa hiɛ, ni amɛyasɔmɔ Baal nyɔŋmɔi lɛ.

Kojolɔi 2:14

No hewɔ lɛ, Yehowa mli wo Israelbii lɛ la ni ehã ofɔ̃yelɔi baye amɛ ofɔ̃. Asaŋ ekɛ Israelbii lɛ wo amɛhenyɛlɔi ni bɔle amɛ kɛkpe lɛ ahewalɛ shishi, ni amɛnyɛɛɛ amɛhenyɛlɔi lɛ ahiɛ amɛdamɔ dɔŋŋ.

Kojolɔi 2:19

Shi kɛ hiɛnyiɛlɔ lɛ gbo pɛ, amɛkuɔ amɛsɛɛ ekoŋŋ, ni amɛjeŋba fiteɔ fe amɛtsɛmɛi lɛ tete yɛ nyɔŋmɔi krokomɛi asɛɛ ni amɛyanyiɛɔ ni amɛsɔmɔɔ amɛ, ni amɛjaa amɛ lɛ hewɔ. Amɛfɔ̃ɔɔ nibii ni amɛfeɔ lɛ, ni amɛkpaaa amɛkuɛŋtimɔ jeŋba lɛ.

Kojolɔi 3:11

No hewɔ lɛ, shikpɔŋ lɛ nɔ jɔ afii nyɔŋmai ejwɛ. No sɛɛ lɛ, Otniel, Kenaz bi lɛ gbo.

1 Samuel 12:9

Shi nyɛtsɛmɛi lɛ ahiɛ kpa Yehowa, amɛNyɔŋmɔ, lɛ nɔ. No hewɔ lɛ, Yehowa ŋmɛɛ amɛhe ehã, ni Hazor Maŋtsɛ Yabin tatsɛ Sisera lɛ, kɛ Filistibii lɛ hu kɛ Moab maŋtsɛ lɛ hu kɛ amɛ wuwuu tai, ni gbɔmɛi nɛɛ ye nyɛtsɛmɛi lɛ anɔ.