Kojolɔi 3:11 - ŊMALƐ KRƆŊKRƆŊ LƐ

¹¹ No hewɔ lɛ, shikpɔŋ lɛ nɔ jɔ afii nyɔŋmai ejwɛ. No sɛɛ lɛ, Otniel, Kenaz bi lɛ gbo.

Ṅmãle̱ Kroṅkroṅ Le̱

¹¹ Ni šikpoṅ le̱ no̱ dšo̱ afii nyoṅmai-edſe̱. Ni Otniel, Kenaz bi le̱, gbo.

Kojolɔi 3:11 ပူးပေါင်းရင်းမြစ်များ

1 Kronika 4:13

Kenaz fɔ bihii enyɔ: Otniel kɛ Seraia. Otniel hu fɔ bihii enyɔ: Hatat kɛ Meonotai;

Nehemia 9:28

Shi kɛ amɛna hejɔlɛ pɛ lɛ, kɛkɛ lɛ amɛfeɔ efɔŋ amɛshiɔ bo, ni oŋmɛɔ amɛhe owoɔ amɛhenyɛlɔi lɛ adɛŋ; ni henyɛlɔi lɛ yeɔ amɛnɔ. Shi kɛ̃lɛ kɛ amɛtao osɛɛgbɛ ekoŋŋ, ni amɛfo amɛtsɛ bo lɛ, oboɔ amɛ toi yɛ ŋwɛi, ni omɔbɔnalɛ babaoo lɛ naa lɛ, ohereɔ amɛ shii abɔ yɛ amɛnɔnaa lɛ mli.

Ester 9:22

ejaakɛ nɛkɛ gbii nɛɛ anɔ Yudafoi lɛ ahe jɔ amɛ kɛjɛ amɛhenyɛlɔi lɛ adɛŋ. Nyɔŋ nɛɛ nɔ amɛwerɛho lɛ tsɔ̃ miishɛɛ, ni amɛkɔmɔyeli lɛ tsɔ̃ nyamɔ. No hewɔ lɛ, amɛfee nɛkɛ gbii nɛɛ okplɔŋmɛɛ kɛ nyamɔ kɛ henikee kɛ ohiafoi anikee gbii.

Yoshua 11:23

Yoshua ŋɔ̃ shikpɔŋ tso muu lɛ fɛɛ tswɛm tamɔ bɔ ni Yehowa ekɛɛ Mose eto lɛ pɛpɛɛpɛ; ni Yoshua ja shikpɔŋ lɛ ehã Israel akutsei lɛ akɛ amɛnɔ koni amɛhi nɔ. Agbɛnɛ taitai lɛ asɛɛ fo, ni shikpɔŋ lɛ nɔ jɔ.

Yoshua 15:17

Kɛkɛ ni Kaleb nɔŋŋ nyɛmi nuu gbekɛ Kenaz Otniel fã ta kɛtee ni eyaŋɔ Debir maŋ lɛ. No hewɔ lɛ, Kaleb kɛ ebiyoo Aksa ha Otniel gbãlã.

Kojolɔi 3:10

Yehowa Mumɔ lɛ bayi Otniel nɔ, ni etsɔ̃ Israelbii lɛ ahiɛnyiɛlɔ. Efã ta, ni Yehowa hã enine tsɔ̃ Mesopotamia maŋtsɛ Kushan Rishataim lɛ nɔ ni eye enɔ kunim.

Kojolɔi 3:12

Israelbii lɛ saa fee efɔŋ ekoŋŋ amɛshi Yehowa. No hewɔ lɛ, Yehowa hã Moab maŋtsɛ Eglon na hewalɛ fe Israelbii lɛ.

Kojolɔi 3:30

Nakai gbi lɛ aba Moab shi awo Israel shishi. Enɛ hã shikpɔŋ lɛ nɔ jɔ afii nyɔŋmai kpaanyɔ.

Kojolɔi 3:9

Kɛkɛ ni Israelbii lɛ bolɔ tsɛ Yehowa, ni etee herelɔ ko shi ehã amɛ, ni ehere amɛ. Lɛ ji Otniel, Kaleb nyɛmi gbekɛ Kenaz bi lɛ.

Kojolɔi 5:31

Yehowa, bɔ nɔŋŋ ni ohenyɛlɔi fɛɛ ahiɛ aaakpãtã nɛ! Shi mɛi ni sumɔɔ bo lɛ aaatãmɔ hulu, be ni eteɔ shi yɛ ehewalɛ mli lɛ.” No sɛɛ lɛ, shikpɔŋ lɛ nɔ jɔ afii nyɔŋmai ejwɛ.

Kojolɔi 8:28

Bɔ ni fee ni aba Midian shi ahã Israel nɛ. Enɛ sɛɛ lɛ Midianbii wooo amɛhe nɔ dɔŋŋ, ni shikpɔŋ lɛ nɔ jɔ afii nyɔŋmai ejwɛ yɛ Gideon wala be mli.