Kojolɔi 3:10 - ŊMALƐ KRƆŊKRƆŊ LƐ

¹⁰ Yehowa Mumɔ lɛ bayi Otniel nɔ, ni etsɔ̃ Israelbii lɛ ahiɛnyiɛlɔ. Efã ta, ni Yehowa hã enine tsɔ̃ Mesopotamia maŋtsɛ Kushan Rishataim lɛ nɔ ni eye enɔ kunim.

Ṅmãle̱ Kroṅkroṅ Le̱

¹⁰ Ni *Iehowa Mumo̱ le̱ ba eno̱, ni ekodšo Israel; ni efã ta, ni Iehowa ṅõ Mesopotamia maṅtše̱ Kušan-Rišataim ewo edeṅ; ni enine tšṍ Kušan-Rišataim no̱. *6,34.

Kojolɔi 3:10 ပူးပေါင်းရင်းမြစ်များ

1 Kronika 12:18

Kɛkɛ ni Nyɔŋmɔ Mumɔ lɛ ba mɛi ni ba lɛ ateŋ mɔ kome nɔ. Egbɛi ji Amasai, mɔ ni fee sɛɛ ni etsɔ̃ hii Kakabãi Nyɔŋmai etɛ̃ lɛ asafoiatsɛnukpa lɛ. Ekɛɛ akɛ, “Bo onii ji wɔ, David, ni ogbɛfaŋ wɔyɔɔ, Yeshai bi. Omanye! Hɛɛ, omanye aaabla bo; ni obualɔi lɛ anɔ̃ ji omanye: Ejaakɛ oNyɔŋmɔ lɛ yeɔ ebuaa bo!” David here amɛ atuu, ni ewo amɛ asafoiatsɛmɛi yɛ etabilɔi lɛ anɔ.

2 Kronika 15:1

Nyɔŋmɔ Mumɔ lɛ ba Obed bi Azaria nɔ,

2 Kronika 20:14

Kɛkɛ ni Yehowa mumɔ lɛ ba Levinyo ko ni eji Asaf shwie, ni egbɛi ji Yahaziel lɛ nɔ yɛ asafo lɛ teŋ. Gbɔmɔ nɛɛ tsɛ ji Zakaria ni ji Matania bi Yeriel bi Benaia bi lɛ.

Lalai 51:11

Kaashwie mi yɛ ohiɛ, ni kaajie oMumɔ Krɔŋkrɔŋ lɛ yɛ mimli.

4 Mose 11:17

Mibakpeleke shi mikɛ bo abawie yɛ jɛi, ni maŋɔ mumɔ ni mikɛhã bo lɛ eko mahã amɛ hu koni amɛwa bo kɛtere maŋ lɛ jatsu lɛ bɔ ni afee ni okome okatere.

4 Mose 11:25

Ni Yehowa kpeleke shi yɛ atatu mli, ni ekɛ Mose bawie, ni eŋɔ mumɔ lɛ ni ekɛhã Mose lɛ eko ekɛhã onukpai nyɔŋmai kpawo lɛ hu. Amrɔ nɔŋŋ ni mumɔ lɛ yi amɛnɔ lɛ, amɛgbagbai; shi kɛjɛ no sɛɛ lɛ amɛgbaaa dɔŋŋ.

4 Mose 11:29

Shi Mose kɛɛ Yoshua akɛ, “Mi oyeɔ awuŋã ohã nɛɛ? Miná ni kulɛ Yehowa maŋ muu lɛ fɛɛ tsɔ̃mɔ gbalɔi, ni Yehowa fɔse emumɔ lɛ eshwie amɛnɔ.”

4 Mose 24:2

Ena Israelbii lɛ ni amɛjwere shi yɛ amɛkutsei lɛ anaa. Kɛkɛ ni Nyɔŋmɔ mumɔ lɛ bayi Balaam nɔ,

4 Mose 27:18

Yehowa hã Mose hetoo akɛ, “Ŋɔ̃ɔ Nun binuu Yoshua lɛ, nuu hiɛwalɔ ni Mumɔ lɛ yɔɔ emli lɛ koni okɛ oniji ashwie enɔ,

Hebribii 6:4

Ejaakɛ mɛi ni la etso amɛnɔ pɛŋ ni amɛsa amɛnaa ŋwɛi nɔkeenɔ lɛ ni amɛna Mumɔ Krɔŋkrɔŋ lɛ eko

Kojolɔi 11:29

Kɛkɛ ni Yehowa Mumɔ lɛ bayi Yefta nɔ. Yefta tsɔ̃ Gilead kɛ Manase kɛfoŋ kɛtee Mizpa yɛ Gilead, ni efoŋ yɛ Mizpa kɛyanina Amonbii lɛ.

Kojolɔi 11:32

Kɛkɛ ni Yefta fã kɛyanina Amonbii lɛ, ni ekɛ amɛ ayawu. Yehowa hã eye amɛnɔ kunim,

Kojolɔi 13:25

Yehowa Mumɔ bɔ̃i Samson nɔ baa be ni eyɔɔ Dan Shitoohe lɛ, yɛ Zora kɛ Eshtaol teŋ lɛ.

Kojolɔi 14:19

Kɛkɛ ni Yehowa hã mumɔ bayi Samson nɔ kɛ hewalɛ kpele. Eyiŋ etee Ashkelon, ni eyagbe maŋ lɛ mli hii nyɔŋmai etɛ̃. Ejie amɛhe nibii, ni ekɛ hewulamɔ atadei lɛ yahã mɛi ni tsɔ̃ɔ ajenu lɛ shishi lɛ. Samson mli fu waa ni eku esɛɛ kɛtee etsɛ we lɛ.

Kojolɔi 14:6

Yehowa Mumɔ lɛ ba Samson nɔ kɛ hewalɛ, ni Samson tserɛ jata lɛ mli tamɔ atserɛɔ too abotiabi mli, tsɛ ehiɛɛɛ nɔ ko nɔ ko yɛ edɛŋ. Shi Samson ekɛɛɛ etsɛ loo enyɛ nɔ ni efee lɛ.

Kojolɔi 15:14

Be ni eshɛ Lehi lɛ, Filistibii lɛ bɔ oshe amɛkɛ lɛ bakpe. Kɛkɛ ni Yehowa Mumɔ lɛ bayi Samson nɔ kɛ hewalɛ kpele, ni taŋkpei lɛ ni yɔɔ eniji lɛ tsɔmɔ tamɔ odonti ni akɛ la esa he, ni taŋkpei lɛ tserɛ yɛ eniji.

Kojolɔi 3:11

No hewɔ lɛ, shikpɔŋ lɛ nɔ jɔ afii nyɔŋmai ejwɛ. No sɛɛ lɛ, Otniel, Kenaz bi lɛ gbo.

Kojolɔi 3:8

No hewɔ lɛ, Yehowa mli wo Israelbii lɛ ala, ni ehã Mesopotamia maŋtsɛ Kushan-Rishataim ye amɛnɔ kunim ni amɛsɔmɔ lɛ afii kpaanyɔ.

Kojolɔi 6:34

Shi Yehowa Mumɔ lɛ bayi Gideon nɔ. Gideon kpã tɛtɛrɛmantɛrɛ ekɛtsɛ Abiezerbii lɛ koni amɛbanyiɛ esɛɛ.

1 Samuel 10:10

Saul kɛ oblanyo tsulɔ lɛ yashɛ Gibea pɛ, ni gbalɔi asafo ku ko kɛ Saul bakpe. Kɛkɛ ni Nyɔŋmɔ mumɔ lɛ bayi Saul nɔ, ni eyashi gbalɔi lɛ anɔ ni ekɛ amɛ gba.

1 Samuel 10:6

Yehowa mumɔ lɛ baatsi bo, ni obaaya oyashi gbalɔi nɛɛ anɔ kɛgba, ni obaatsɔ gbɔmɔ kroko kwraa.

1 Samuel 11:6

Kɛkɛ ni Nyɔŋmɔ Mumɔ lɛ wo Saul ekãa titri ko be ni enu amaniɛ lɛ, asaŋ emli hu wo la naakpa.

1 Samuel 16:13

Samuel wo mu kɛ koŋ lɛ, ni efɔ David mu yɛ enyɛmimɛi lɛ ateŋ. Kɛjɛ nakai gbi lɛ nɔ lɛ, Yehowa mumɔ lɛ yi David nɔ! Kɛkɛ ni Samuel te shi, ni eyiŋ etee Rama.