Kojolɔi 2:7 - ŊMALƐ KRƆŊKRƆŊ LƐ

⁷ Maŋ lɛ sɔmɔ Yehowa gbii abɔ fɛɛ ni Yoshua yɔɔ lɛ, kɛ gbii abɔ fɛɛ ni onukpai ni hi shi yɛ Yoshua gbele sɛɛ ni amɛna Yehowa nitsumɔi wuji fɛɛ ni etsu ehã Israel lɛ yɔɔ lɛ.

Ṅmãle̱ Kroṅkroṅ Le̱

⁷ Ni maṅ le̱ súmo̱ Iehowa gbĩĩ abo̱ ní Iošua yo̱ le̱ ke̱ gbĩĩ abo̱ ní onukpai ní hĩ ši ye̱ Iošua gbĕle se̱ ní ame̱na Iehowa nitšumo̱i wudši fẽ ní etšu eha Israel le̱ yo̱ le̱. Ios. 24,31.

Kojolɔi 2:7 ပူးပေါင်းရင်းမြစ်များ

2 Maŋtsɛmɛi 12:2

Yoash fee nɔ ni ja yɛ Yehowa hiɛ bei abɔ fɛɛ ni ehi shi lɛ, ejaakɛ Osɔfo Yehoiada tsɔ̃ɔ lɛ nii.

2 Kronika 24:2

Yoash hi shi bɔ ni Yehowa taoɔ yɛ Osɔfo Yehoiada yinɔ fɛɛ.

Filipibii 2:12

No hewɔ lɛ, nyɛ mɛi ni misumɔɔ, tamɔ bɔ ni nyɛboɔ toi daa nɛɛ, jeee be ni mikɛ nyɛ yɔɔ lɛ kɛkɛ, shi moŋ titri lɛ, agbɛnɛ ni mibɛ nyɛŋɔɔ nɛɛ hu lɛ, nyɛkɛ gbeyeishemɔ kɛ hekpokpomɔ atsua nyɛ diɛŋtsɛ nyɛyiwalaheremɔ lɛ he nii;

Yoshua 24:31

Israelbii lɛ sɔ̃mɔ Yehowa yɛ Yoshua wala be mli fɛɛ, kɛ Yoshua gbele sɛɛ be mli fɛɛ, be ni onukpai hu ni le nibii ni Yehowa efee ehã Israel lɛ yɔɔ walaŋ lɛ.

Kojolɔi 2:17

Shi amɛhiɛnyiɛlɔi lɛ hu amɛbooo amɛ toi, ejaakɛ amɛjeɔ Yehowa sɛɛ amɛyanyiɛɔ nyɔŋmɔi krokomɛi asɛɛ ni amɛjaa amɛ. Etsɛɛɛ kɛkɛ lɛ amɛŋmɛɛ shihilɛ ni amɛtsɛmɛi lɛ hi ni amɛye Yehowa kitãi lɛ anɔ lɛ he; amɛ lɛ amɛyeee kitãi lɛ anɔ.

Kojolɔi 2:6

Agbɛnɛ be ni Yoshua wo maŋ lɛ gbɛ lɛ, Israelbii lɛ tee shikpɔŋ lɛ nɔ koni amɛteŋ mɔ fɛɛ mɔ ayaŋɔ egbɛfaŋnɔ.

Kojolɔi 2:8

Yehowa tsulɔ Yoshua, Nun bi lɛ, gbo be ni eye afii oha kɛ nyɔŋma.