Kojolɔi 2:18 - ŊMALƐ KRƆŊKRƆŊ LƐ

¹⁸ Be fɛɛ be ni Yehowa aaatee hiɛnyiɛlɔi ashi ehã Israelbii lɛ, Yehowa yeɔ ebuaa hiɛnyiɛlɔi lɛ ni amɛhereɔ Israelbii lɛ yɛ amɛhenyɛlɔi lɛ adɛŋ gbii abɔ fɛɛ ni hiɛnyiɛlɔ lɛ yɔɔ lɛ; ejaakɛ ŋtsɔi ni Israelbii lɛ dɔmɔɔ yɛ mɛi ni waa amɛ yi kɛ mɛi ni haoɔ amɛ lɛ hewɔ lɛ dɔɔ Yehowa.

Ṅmãle̱ Kroṅkroṅ Le̱

¹⁸ Ni ke̱dši Iehowa tē kodšolo̱i aši ehãame̱ le̱, no le̱ Iehowa fataä kodšolo̱ le̱ he, ni ehereo̱ ame̱yiwala ke̱-dše̱o̱ ame̱henye̱lo̱i le̱ adeṅ gbĩĩ abo̱ fẽ ní kodšolo̱ le̱ yo̱ le̱; edšake̱ ame̱ntšo̱ĩ ní ame̱dõmoo̱ ye̱ ame̱yiwalo̱i ke̱ ame̱haolo̱i le̱ ahewo̱ le̱ do̱ö̱ Iehowa.

Kojolɔi 2:18 ပူးပေါင်းရင်းမြစ်များ

1 Mose 6:6

edɔ lɛ naakpa akɛ ebɔ gbɔmɔ yɛ shikpɔŋ lɛ nɔ. Ni Yehowa shwa ehe.

2 Maŋtsɛmɛi 13:4

Shi Yehoahaz kpa Yehowa fai, ni Yehowa bo lɛ toi; ejaakɛ Yehowa, ena bɔ ni Siria maŋtsɛ lɛ haoɔ Israel ehãa lɛ.

Lalai 12:5

Yehowa kɛɛ akɛ, “Akɛni awaa ohiafoi ayi, ni mɛi ni efĩ amɛ lɛ kɛ̃mɔɔ hewɔ lɛ, agbɛnɛ, mate shi, ni mɔ ni shweɔ yiwalaheremɔ lɛ mahere eyiwala.”

Lalai 90:13

Oo Yehowa, mɛɛ be yinɔ nɔŋŋ omli aaafu kɛyashi? Naa otsuji mɔbɔ.

2 Mose 2:24

Nyɔŋmɔ nu amɛkɔmɔyeli lɛ, ni ekai kpãŋmɔ ni ekɛ Abraham kɛ Isak kɛ Yakob kpãŋ lɛ.

2 Mose 3:12

Nyɔŋmɔ to he akɛ, “Mi kɛ bo ni yaa lɛ, ni enɛ ji nɔ ni aaaye he odase akɛ mi mitsu bo lɛ. Kɛji oyajie Israelbii lɛ kɛje Ijipt kɛba lɛ, nyɛbaa gɔŋ krɔŋkrɔŋ nɛɛ he nyɛbajaa mi.”

2 Mose 32:14

Kɛkɛ ni Yehowa kɛ efɔŋ ni kulɛ eto akɛ ebaafee Israelbii lɛ fa amɛ.

Hosea 11:8

“Ao Israel, te mafee tɛŋŋ maŋmɛɛ ohe hu? Te mafee tɛŋŋ makwa bo hu? Aso manyɛ ohiɛ makpãtã tamɔ bɔ ni mifee Adma lɛ; aloo tamɔ bɔ ni mikɛ Zeboim ye lɛ? Mitsui miitswa yɛ mimli, ni mimusuŋ miitsɔ̃ mi yɛ ohe.

Yona 3:10

Nyɔŋmɔ na nɔ ni Ninevebii lɛ fee lɛ akɛ amɛtsake amɛjeŋba fɔŋ lɛ. No hewɔ lɛ, Nyɔŋmɔ hu ŋmɛɛ efɔŋ ni eto eyiŋ akɛ ebaafee amɛ lɛ he, ni egbalaaa amɛtoi.

4 Mose 10:9

Kɛji nyɛkɛ henyɛlɔ ko ni gbaa nyɛnaa miiwu yɛ nyɛshikpɔŋ nɔ lɛ, nyɛkpãa tɛtɛrɛmantɛrɛi lɛ kɛbɔa oshe; ni mi, Yehowa, nyɛNyɔŋmɔ lɛ, mibaye mabua nyɛ, ni mibahere nyɛyiwala yɛ nyɛhenyɛlɔi lɛ adɛŋ.

5 Mose 32:36

Ejaakɛ Yehowa baafã ewebii ahe; ebaana amɛ mɔbɔ kɛji ena akɛ amɛhewalɛ fɛɛ etã, ni eshwɛko mɔ ko mɔ ko kwraa, mɔ ni hiɛ ehe jio, nyɔŋ jio.

Yoshua 1:5

Mɔ ko mɔ ko nyɛŋ ohiɛ adamɔ owalagbii abɔ fɛɛ. Bɔ ni mikɛ Mose hi shi lɛ, nakai nɔŋŋ mikɛ bo aaahi shi; mishiŋ bo, ni mikwaŋ bo hu.

Kojolɔi 10:16

No hewɔ lɛ, amɛ jie nyɔŋmɔi krokomɛi lɛ amɛshwie, ni amɛsɔmɔ Yehowa. Amɛnii fee Yehowa mɔbɔ yɛ amɛmanehulu lɛ hewɔ.

Kojolɔi 11:32

Kɛkɛ ni Yefta fã kɛyanina Amonbii lɛ, ni ekɛ amɛ ayawu. Yehowa hã eye amɛnɔ kunim,

Kojolɔi 2:19

Shi kɛ hiɛnyiɛlɔ lɛ gbo pɛ, amɛkuɔ amɛsɛɛ ekoŋŋ, ni amɛjeŋba fiteɔ fe amɛtsɛmɛi lɛ tete yɛ nyɔŋmɔi krokomɛi asɛɛ ni amɛyanyiɛɔ ni amɛsɔmɔɔ amɛ, ni amɛjaa amɛ lɛ hewɔ. Amɛfɔ̃ɔɔ nibii ni amɛfeɔ lɛ, ni amɛkpaaa amɛkuɛŋtimɔ jeŋba lɛ.

Kojolɔi 3:9

Kɛkɛ ni Israelbii lɛ bolɔ tsɛ Yehowa, ni etee herelɔ ko shi ehã amɛ, ni ehere amɛ. Lɛ ji Otniel, Kaleb nyɛmi gbekɛ Kenaz bi lɛ.

Kojolɔi 6:12

Kɛkɛ ni Yehowa bɔfo lɛ jie ehe kpo etsɔ̃ɔ Gideon ni ekɛɛ lɛ akɛ, “Bo nuu kãkãlɔ, Yehowa kɛ bo yɛ.”

Kojolɔi 6:16

Yehowa kɛɛ lɛ akɛ, “Mibaye mabua bo, ni ooogbe Midianbii lɛ butuu tamɔ agbeɔ mɔ kome.”