Kojolɔi 2:17 - ŊMALƐ KRƆŊKRƆŊ LƐ

¹⁷ Shi amɛhiɛnyiɛlɔi lɛ hu amɛbooo amɛ toi, ejaakɛ amɛjeɔ Yehowa sɛɛ amɛyanyiɛɔ nyɔŋmɔi krokomɛi asɛɛ ni amɛjaa amɛ. Etsɛɛɛ kɛkɛ lɛ amɛŋmɛɛ shihilɛ ni amɛtsɛmɛi lɛ hi ni amɛye Yehowa kitãi lɛ anɔ lɛ he; amɛ lɛ amɛyeee kitãi lɛ anɔ.

Ṅmãle̱ Kroṅkroṅ Le̱

¹⁷ Ši ame̱kodšolo̱i le̱ hũ ame̱booame̱ toi, ši moṅ ame̱yabo̱ō̱ adſamaṅ ke̱-nyieo̱ nyoṅmo̱i krokomei ase̱, ni ame̱dšáa-ame̱; etše̱e̱ ke̱ke̱ le̱ ame̱dše gbe̱ ní ame̱tše̱mei le̱ nyie no̱ ní ame̱bo Iehowa kitãi le̱ atoi le̱ no̱; ame̱ le̱ ame̱boo toi.

Kojolɔi 2:17 ပူးပေါင်းရင်းမြစ်များ

Lalai 106:39

Amɛkɛ amɛnifeemɔnii lɛ wo amɛhe muji, ni amɛyeee Nyɔŋmɔ anɔkwa.

Lalai 106:43

Yehowa jie amɛ shii abɔ, shi amɛkɛ amɛkuɛŋtilɛ tse ehiɛ atua; ni aba amɛ shi yɛ amɛhe esha lɛ hewɔ.

Lalai 73:27

ejaakɛ mɛi ni ekwa bo lɛ, ahiɛ aaakpãtã. Okpãtãa mɛi ni yeee bo anɔkwa lɛ ahiɛ.

2 Mose 32:8

Amrɔ nɛɛ nɔŋŋ lɛ amɛje gbɛ ni mitsɔ̃ɔ amɛ lɛ nɔ. Amɛkɛ shika efee tsinabi, ni amɛja lɛ, ni amɛshã afɔlei hu amɛhã lɛ, ni nɔ ni amɛkɛɛ yɛ ehe ji, ‘Israel, naa wɔnyɔŋmɔ ni jie wɔ kɛje Ijipt shikpɔŋ lɛ nɔ lɛ ei!’ ”

Yeremia 3:6

Yehowa bi mi yɛ Maŋtsɛ Yosia yinɔ akɛ, “Bɛ ona nɔ ni Israel ni yeee anɔkwa lɛ fee lɛ? No ji bɔ ni etee gɔŋ fɛɛ gɔŋ ni kwɔ nɔ, kɛ tso fɛɛ tso ni ebu kusuu shishi eyabɔ ajwamãŋ yɛ jɛi lɛ?

Yeremia 6:16

Kɛkɛ ni Yehowa kɛɛ akɛ, “Nyɛyadamɔa gbɛjegbɛi lɛ ahe, ni nyɛkwɛ. Nyɛbia he ni blema gbɛi ni ja lɛ ateŋ nɔ ni ji gbɛ kpakpa lɛ yɔɔ koni nyɛnyiɛ no nɔ, ni nyɛsusumai atsuii aaanyɔ amɛmli.” Shi hetoo ni amɛhã ji, “Wɔnyiɛŋ nɔ!”

Hosea 2:2

“Mibii, nyɛkɛ nyɛnyɛ awiea, ejaakɛ jeee miŋa ji lɛ dɔŋŋ; ni mi hu jeee ewu ji mi. Nyɛkɛ lɛ awiea koni ekpa ejwamaŋbɔɔ lɛ, ni efo egblãfitemɔ lɛ sɛɛ.

3 Mose 17:7

Israelbii lɛ akafee amɛhe mɛi ni yeee Yehowa anɔkwa ni amɛshãa afɔlei amɛhãa wɔji ni amɛnyiɛɔ amɛsɛɛ. Enɛ atsɔ̃ akpɔ ni yɔɔ ni kã shi hã amɛ kɛ yinɔi fɛɛ ni baaba yɛ amɛsɛɛ kɛmiiya naanɔ.

Amos 2:4

Bɔ ni Yehowa kɛɛ nɛ, “Tɔ̃mɔi babaoo ni Yudabii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛkwa Yehowa mlai lɛ, ni amɛyeee ekpɔi lɛ anɔ. Apasa jemawɔji asɛɛ ni amɛyanyiɛ, tamɔ amɛtsɛmɛi lɛ yanyiɛ lɛ, hã amɛdu gbɛ.

Galatabii 1:6

Efee mihiɛ yaa akɛ amrɔ nɛɛ nɔŋŋ lɛ nyɛmiitsi nyɛhe kɛjɛ mɔ ni tsɛ nyɛ yɛ Kristo dromɔ mli lɛ he kɛya Sanekpakpa kroko he;

5 Mose 31:16

Kɛkɛ ni Yehowa kɛɛ Mose akɛ, “Naa, eshwɛ fioo ni obaagbo, ni ogbele sɛɛ lɛ maŋ nɛɛ baakwa mi, ni amɛbaaja nyɔŋmɔi krokomɛi ni amɛyaanina yɛ shikpɔŋ ni amɛyaa nɔ lɛ nɔ lɛ. Amɛbaakwa mi, ni amɛaaku kpãŋmɔ ni mi kɛ amɛ ekpãŋ lɛ mli.

5 Mose 31:18

Anɔkwa, nakai be lɛŋ lɛ mifeŋ amɛ ejurɔ yɛ nifɔɔjianii fɛɛ ni amɛfee lɛ ahewɔ, ejaakɛ amɛtee amɛmiija nyɔŋmɔi krokomɛi.

5 Mose 9:12

“Kɛkɛ ni Yehowa kɛɛ mi akɛ, ‘Kpelekemɔ shi oya ni oya, ejaakɛ omaŋbii lɛ ni okpala kɛjɛ Ijipt lɛ eye sane fɔŋ. Yeee be ko kwraa nɛɛ lɛ, amɛkwa bɔ ni miwo amɛ kitã akɛ amɛhi shi amɛhã lɛ, ni amɛshwie amãgã amɛhã amɛhe.’

5 Mose 9:16

Ni mikwɛ, ni naa nyɛfee Yehowa, nyɛNyɔŋmɔ lɛ shishi esha; nyɛfee tsina ni ashwie; amrɔ nɛɛ nyɛkpale kɛjɛ gbɛ ni Yehowa ewo nyɛ he kitã lɛ nɔ.

Yoshua 24:24

Maŋbii lɛ here Yoshua nɔ akɛ, “Yehowa, wɔNyɔŋmɔ lɛ, lɛ wɔɔsɔ̃mɔ, ni lɛ toi wɔɔbo!”

Yoshua 24:31

Israelbii lɛ sɔ̃mɔ Yehowa yɛ Yoshua wala be mli fɛɛ, kɛ Yoshua gbele sɛɛ be mli fɛɛ, be ni onukpai hu ni le nibii ni Yehowa efee ehã Israel lɛ yɔɔ walaŋ lɛ.

Kojolɔi 2:7

Maŋ lɛ sɔmɔ Yehowa gbii abɔ fɛɛ ni Yoshua yɔɔ lɛ, kɛ gbii abɔ fɛɛ ni onukpai ni hi shi yɛ Yoshua gbele sɛɛ ni amɛna Yehowa nitsumɔi wuji fɛɛ ni etsu ehã Israel lɛ yɔɔ lɛ.

Kojolɔi 8:33

Shi be ni Gideon egbo sɛɛ lɛ, Israelbii lɛ ku amɛsɛɛ amɛyasɔmɔ Baal nyɔŋmɔi lɛ, ni amɛkɛ Baal-Berit fee amɛnyɔŋmɔ.

1 Samuel 12:12

Shi be ni nyɛna akɛ Nahash, Amonbii lɛ amaŋtsɛ lɛ, efã nyɛyi nɔ ta lɛ, nyɛkɛɛ mi akɛ ‘Dabi, wɔkpɛ̃lɛɛɛ; ja wɔna maŋtsɛ ni eye wɔnɔ,’ tsɛbelɛ Yehowa, nyɛNyɔŋmɔ lɛ, ji nyɛmaŋtsɛ.

1 Samuel 12:17

Ani jeee ŋmãakuu be mli ji ŋmɛnɛ? Ojogbaŋŋ! Mibasɔle matsɛ Yehowa koni ehã ŋwɛi ashimɔ, ni nu hu anɛ koni nyɛkɛna nyɛle akɛ nɔ fɔŋ ni nyɛfee nyɛshi Yehowa kɛ maŋtsɛ ni nyɛbi akɛ ahã nyɛ lɛ, eda naakpa.”

1 Samuel 12:19

Maŋ muu lɛ fɛɛ kpa Samuel fai amɛkɛɛ, “Ofainɛ, kpa Yehowa, oNyɔŋmɔ lɛ, fai ohã wɔ otsuji koni wɔkagboi, ejaakɛ eshai fɛɛ ni wɔfee sa lɛ wɔfee eko hu wɔfata he akɛ wɔbi akɛ ahã wɔ maŋtsɛ lɛ.”