Kojolɔi 2:14 - ŊMALƐ KRƆŊKRƆŊ LƐ

¹⁴ No hewɔ lɛ, Yehowa mli wo Israelbii lɛ la ni ehã ofɔ̃yelɔi baye amɛ ofɔ̃. Asaŋ ekɛ Israelbii lɛ wo amɛhenyɛlɔi ni bɔle amɛ kɛkpe lɛ ahewalɛ shishi, ni amɛnyɛɛɛ amɛhenyɛlɔi lɛ ahiɛ amɛdamɔ dɔŋŋ.

Ṅmãle̱ Kroṅkroṅ Le̱

¹⁴ Iehowa mli wo Israel la, ni eke̱ame̱ wo nihalo̱i adeṅ, ni ame̱bahaame̱, ni ehõame̱ ehã ame̱henye̱lo̱i ní be̱leo̱ame̱ ke̱-kpe le̱, ni ame̱nyẽẽ ame̱henye̱lo̱i le̱ ahĩe ame̱damo̱ doṅṅ.

Kojolɔi 2:14 ပူးပေါင်းရင်းမြစ်များ

2 Samuel 24:1

Yehowa mli bafu Israelbii lɛ ekoŋŋ, ni etsɔ̃ David nɔ, ni egbala amɛtoi. Yehowa kɛɛ David akɛ, “Yaa ni oyakane Israelbii kɛ Yudabii lɛ.”

2 Samuel 7:11

be ni mito hiɛnyiɛlɔi koni amɛkura mimaŋ Israel lɛ. Ni mahã ohe ajɔ bo yɛ ohenyɛlɔi lɛ fɛɛ agbɛfaŋ. Asaŋ mi, Yehowa, miiwo bo shi akɛ mibahã owo shwiei babaoo,

2 Maŋtsɛmɛi 13:3

Ni Yehowa mli wo Israel la, ni no hewɔ lɛ, daa nɛɛ Yehowa tuɔ amɛ ewoɔ Siria Maŋtsɛ Hazael kɛ ebi Ben-Hadad dɛŋ.

2 Maŋtsɛmɛi 17:20

No hewɔ lɛ, Yehowa kwa Israel kɛ Yuda shwiei lɛ fɛɛ, ni ehã amɛna amanehulu, ni egbala amɛtoi, ni etu amɛ ewo nihalɔi adɛŋ kɛyashi beyinɔ ni eshwie amɛ kɛjɛ ehiɛ.

2 Kronika 15:5

Nakai bei lɛ amli lɛ mɔ ni yaa ni jio, mɔ ni baa ni jio, amɛ fɛɛ amɛbɛ hejɔlɛ, ejaakɛ kpokpai fɛɛ anɔ ejɔɔɔ kɛ basabasa nifeemɔi.

2 Kronika 28:5

Ahaz jeŋba nɛɛ hewɔ lɛ, Yehowa, eNyɔŋmɔ lɛ, ŋmɛɛ ehe ehã Siria maŋtsɛ ni ebaye enɔ kunim yɛ ta mli, ni eŋɔ Yudabii babaoo diɛŋtsɛ nom kɛtee Damasko. Nakai nɔŋŋ Israel maŋtsɛ lɛ hu baye Ahaz nɔ kunim, ni ekpãtã Yudabii ahiɛ musúmusú,

2 Kronika 36:16

Shi Yudabii lɛ, Nyɔŋmɔ bɔfoi lɛ, he fɛo moŋ amɛyeyee, ni amɛgbe amɛwiemɔi lɛ ahe guɔ, ni amɛliɔ gbalɔi lɛ. Amɛfee nɛkɛ aahu kɛyashi beyinɔ ni Yehowa mli fu emaŋ lɛ kɛteke nɔ bɔ ni ehiii he nɔ ko feemɔ dɔŋŋ.

Nehemia 9:27

No hewɔ lɛ, oŋmɛɛ amɛhe ohã amɛhenyɛlɔi, ni amɛhenyɛlɔi lɛ hao amɛ. Amɛhaomɔ nɛɛ mli lɛ amɛfo amɛtsɛ bo, ni ohere amɛ nɔ kɛjɛ ŋwɛi. Omɔbɔnalɛ babaoo lɛ naa lɛ, ojie hiɛnyiɛlɔi ohã amɛ koni amɛhere amɛ yɛ amɛhenyɛlɔi lɛ adɛŋ.

Lalai 44:11

Ofee wɔ tamɔ toi ni akɛ amɛ miiya gbeehe; ni ogbɛ wɔ oshwã majimaji lɛ amli.

Lalai 44:12

Ohɔ̃ɔ omaŋbii lɛ ofoo, ni ahe amɛ mlɛo.

Yesaia 42:24

Namɔ ŋɔ Israel ehã nihalɔ lɛ; ni namɔ ŋɔ Yakob ehã ojotswalɔi lɛ? Ani jeee Yehowa? Mɔ ni wɔfee esha wɔshi lɛ, mɔ ni wɔkpɛ̃lɛɛɛ egbɛi lɛ anɔ nyiɛmɔ, ni wɔbooo emla lɛ toi lɛ ni?

Yesaia 50:1

Bɔ ni Yehowa kɛɛ nɛ, “Nɛgbɛ nyɛnyɛ shwiemɔ wolo ni mikɛshwie lɛ lɛ yɔɔ? Minyɔjiatsɛmɛi lɛ ateŋ namɔ mihɔɔ nyɛ miha? Dabida! Nyɛnishaianii lɛ ahewɔ ni ahɔɔ nyɛ, ni nyɛtɔ̃mɔi lɛ ahewɔ ashwie nyɛnyɛ.

Yeremia 37:10

Kɛji nyɛye Babilonbii ni kɛ nyɛ wuɔ nɛɛ anɔ, ni eshwɛ amɛpilafoi sɔŋŋ ni kamɔ amɛbuui amli kɛkɛ po, pilafoi nɛɛ ateŋ mɔ fɛɛ mɔ baate shi, ni amɛbaama maŋ lɛ naa la amɛshã.’ ”

3 Mose 26:17

Majie mihiɛ maka nyɛ, ni nyɛhenyɛlɔi baaye nyɛnɔ, ni mɛi ni hetsɛ̃ɔ nyɛ lɛ aaaye nyɛnɔ bɔ sɔŋŋ, ni nyɛbaawo foi be mli ni mɔ ko mɔ ko enyiɛɛɛ nyɛsɛɛ.

3 Mose 26:28

no lɛ mi hu mate shi mawo nyɛ kɛ mlila, ni magbala nyɛtoi shii kpawo fe tsutsu lɛ yɛ nyɛtɔ̃mɔi lɛ ahewɔ.

3 Mose 26:37

Ni amɛaagbeegbee shi, mɔ ko kã mɔ ko nɔ tamɔ mɛi ni miijo klante naa foi gbeɔ shi, tsɛbelɛ mɔ ko woko amɛ foi; ni nyɛnyɛŋ nyɛhenyɛlɔi ahiɛ nyɛdamɔ.

4 Mose 32:13

Yehowa mli fu Israelbii lɛ, ni ehã amɛtsomlo yɛ shiaŋa lɛ nɔ afii nyɔŋmai ejwɛ kɛyashi yinɔbii ni gbo Yehowa nɔ toi lɛ fɛɛ gboi.

4 Mose 32:14

Amrɔ nɛɛ lɛ, nyɛ nyɛbaye nyɛtsɛmɛi hii toigbolɔi lɛ anajiaŋ, ni nyɛmiitao akɛ Yehowa mlifu ni naa wa lɛ aba Israel nɔ fe tsutsu lɛ?

5 Mose 28:20

“Yehowa aaalomɔ bo, ni eeehã ojijaa, ni onijiaŋ aaaje wui yɛ nɔ fɛɛ nɔ ni ooofee mli kɛyaashi beyinɔ ni aaafite bo, ni ohiɛ aaakpãtã oya mli yɛ nibii fɔ̃ji ni ofee lɛ hewɔ, ejaakɛ okwa Yehowa.

5 Mose 28:25

“Yehowa aaahã henyɛlɔi aye onɔ. Ooonyiɛ gbɛ kome nɔ kɛyatua amɛ; shi gbɛi kpawo nɔ oootsɔ̃ ojo foi kɛje amɛhiɛ. Osane lɛ baahã shikpɔŋ lɛ nɔ nɔyelihei fɛɛ atsui afã.

5 Mose 28:58

“Kɛji okwɛɛɛ ni ahi koni oye nɛkɛ mlai ni aŋma yɛ nɛkɛ wolo nɛɛ mli lɛ anɔ, ni oooshe Yehowa, oNyɔŋmɔ lɛ, gbɛi ni yɔɔ nyam kɛ gbeyei fɛɛ lɛ gbeyei lɛ,

5 Mose 32:30

Te feɔ tɛŋŋ ni gbɔmɔ kome kɛkɛ woɔ mɛi akpe foiŋ, ni gbɔmɛi enyɔ kɛkɛ hu woɔ mɛi akpei nyɔŋma foiŋ? Nɔ ni kɛba ji amɛTɛsaa lɛ ekwa amɛ, ni Yehowa eŋmɛɛ amɛhe ehã.

Yoshua 23:16

Kɛji nyɛtɔ̃ Yehowa, nyɛNyɔŋmɔ lɛ, kpãŋmɔ ni ewo nyɛ ehe kitã lɛ nɔ, ni nyɛtee nyɛyasɔ̃mɔ nyɔŋmɔi krokomɛi, ni nyɛja amɛ lɛ, no lɛ Yehowa mli aaawo la awo nyɛ; ni oya ni nyɛhiɛ aaakpãtã yɛ shikpɔŋ kpakpa ni ekɛhã nyɛ nɛɛ nɔ.”

Kojolɔi 1:19

Yehowa wa Yuda, ni Yuda shwie gɔji anɔ bii lɛ. Shi Yuda nyɛɛɛ eshwie jɔɔ lɛ mli bii lɛ, ejaakɛ amɛyɛ dade shwiilii.

Kojolɔi 1:34

Amorbii lɛ tsi Danbii lɛ kɛtee gɔji lɛ anɔ, ni amɛhãaa Danbii lɛ akpeleke shi kɛba jɔɔ lɛ mli.

Kojolɔi 10:7

No hewɔ lɛ, Yehowa mli wo Israel la, ni ehã Filistibii lɛ kɛ Amonbii lɛ ye Israel nɔ.

Kojolɔi 2:20

No hewɔ lɛ, Yehowa mli woɔ la woɔ Israelbii lɛ, ni ekɛɔ akɛ, “Akɛni nɛkɛ maŋ nɛɛ etɔ̃ mikpãŋmɔ lɛ ni miwo amɛtsɛmɛi lɛ akitã yɛ he lɛ nɔ, ni amɛbooo mi toi

Kojolɔi 3:12

Israelbii lɛ saa fee efɔŋ ekoŋŋ amɛshi Yehowa. No hewɔ lɛ, Yehowa hã Moab maŋtsɛ Eglon na hewalɛ fe Israelbii lɛ.

Kojolɔi 4:2

No hewɔ lɛ, Yehowa hã Yabin, Kanaan maŋtsɛ ni yeɔ maŋtsɛ yɛ Hazor lɛ, ye amɛnɔ kunim. Etatsɛ ji Sisera, ni yɔɔ Jeŋmaji Haroshet lɛ.