Kojolɔi 2:13 - ŊMALƐ KRƆŊKRƆŊ LƐ

¹³ Ni amɛfɔ̃ɔ Yehowa jamɔ, ni amɛyasɔmɔ Baal nyɔŋmɔi lɛ kɛ Astarte nyɔŋmɔi lɛ.

Ṅmãle̱ Kroṅkroṅ Le̱

¹³ Ni beni ame̱šĩ Iehowa, ni ame̱yasúmo̱ Baal ke̱ Aštarot le̱,

Kojolɔi 2:13 ပူးပေါင်းရင်းမြစ်များ

1 Maŋtsɛmɛi 11:33

Mibafee enɛ, ejaakɛ Solomon ekwa mi, eyaja Astarte, Sidonbii lɛ anyɔŋmɔ lɛ, kɛ Kemosh, Moab nyɔŋmɔ lɛ, kɛ Molek, Amonbii anyɔŋmɔ lɛ; ebaaa ejeŋ jogbaŋŋ koni efee jalɛnii ni sa mihiɛ ni eye mikpɔi kɛ mimlai lɛ anɔ, tamɔ bɔ ni etsɛ David fee lɛ.

1 Maŋtsɛmɛi 11:5

Ejaakɛ Solomon yaja Astarte, Sidonbii lɛ anyɔŋmɔ lɛ, kɛ Molek, Amonbii lɛ anyɔŋmɔ, ni Yehowa hiɔ lɛ.

2 Maŋtsɛmɛi 23:13

Kɛkɛ ni maŋtsɛ Yosia bule jamɔhei grɔŋŋi lɛ ni maŋtsɛ Solomon mamɔ yɛ Yerusalɛm bokãgbɛ lɛ, kɛ afɔleshãa latɛi ni yɔɔ Mugɔŋ lɛ wuoyigbɛ ni akɛjaa Astarte, Sidonbii lɛ amãgã lɛ, kɛ Kemosh, Moabbii lɛ amãgã lɛ, kɛ Molek, Amonbii lɛ amãgã lɛ.

2 Kronika 12:2

No hewɔ lɛ, Maŋtsɛ Rehoboam yinɔ afi ni ji enumɔ lɛ nɔ lɛ, akɛni amɛtɔ̃ Yehowa nɔ lɛ, Ijipt Maŋtsɛ Shishak batua Yerusalɛm

2 Kronika 28:3

ni eshã tsofakɛŋma yɛ Hinom Jɔɔ lɛ mli ekɛja jemawɔji lɛ. Etee nɔ po esha lɛ diɛŋtsɛ emusuŋbii akɛ afɔle ekɛhã jemawɔji lɛ. Gbɔmɛi ni yɔɔ shikpɔŋ lɛ nɔ sa, shi Yehowa shwie amɛ yɛ Israelbii lɛ agbɛ nɔ be ni Israelbii lɛ jɛ Ijipt amɛbaa lɛ akusum ni ehiɔ ji enɛ.

2 Kronika 33:3

Ejaakɛ jemawɔji ajamɔhei ni etsɛ Hezekia kumɔ lɛ, Manase saa emamɔ ni emamɔ afɔleshãa latɛi hu ehã Baal jemawɔji lɛ; ni asaŋ efee amãgã ehã jemawɔŋ yoo Ashera lɛ, ni eja ŋwɛi nibii srɔtoi ni yɔɔ lɛ, ni esɔmɔ amɛ hu.

2 Kronika 7:22

Mɛi aaabua he akɛ, ‘Amɛkwa Yehowa, ni ji amɛtsɛmɛi aNyɔŋmɔ lɛ, mɔ ni yahere amɛtsɛmɛi lɛ yɛ Ijipt shikpɔŋ lɛ nɔ kɛba lɛ, ni amɛkɛ amɛhe yahã nyɔŋmɔi komɛi, ni amɛja amɛ ni amɛsɔmɔ amɛ. Enɛ hewɔ Yehowa ehã nɛkɛ nɔ fɔŋ nɛɛ eba amɛnɔ nɛɛ.’ ”

Lalai 106:36

Yehowa webii lɛ ja maŋsɛɛbii amãgãi lɛ, ni no hã amɛnane tɔ̃tɔ̃.

Yeremia 16:11

no lɛ okɛɛ amɛ akɛ, mi Yehowa, mikɛɛ akɛ, ‘Nyɛtsɛmɛi lɛ kwa mi, ni amɛtee amɛyanyiɛ nyɔŋmɔi krokomɛi asɛɛ, ni amɛsɔ̃mɔ amɛ, ni amɛja amɛ; amɛkwa mi ni amɛyeee mimla lɛ nɔ.

Yeremia 2:20

“Blema ko beebe ni oku opã lɛ, ni otserɛ kpãi ni fimɔ bo lɛ mli, ni okɛɛ akɛ, ‘Misɔ̃mɔɔɔ mɔ ko mɔ ko!’ Shi gɔŋkpɔ fɛɛ gɔŋkpɔ yiteŋ kɛ tso fɛɛ tso ni ebu kusuu shishi oyakotoɔ shi ojaa, ni okwaa mi yɛ.

4 Mose 25:3

Ni Israelbii lɛ kɛ amɛhe yabɔ jemawɔŋ Peor lɛ he. No hewɔ lɛ, Yehowa mli wo la,

1 Korintobii 8:5

Ejaakɛ kɛji nibii komɛi yɛ ni atsɛɔ amɛ nyɔŋmɔi lɛ; ŋwɛi amɛyɔɔ jio, shikpɔŋ lɛ nɔ amɛyɔɔ jio, tamɔ bɔ ni asɛ̃ɛɛ nyɔŋmɔi ahe ni asɛ̃ɛɛ nuŋtsɔmɛi ahe lɛ,

Kojolɔi 10:6

Israelbii lɛ fee efɔŋ amɛshi Yehowa ekoŋŋ. Amɛyasɔmɔ Baal nyɔŋmɔi lɛ kɛ Astarte nyɔŋmɔi lɛ ni ji Siriabii kɛ Sidonbii kɛ Moabbii kɛ Amonbii kɛ Filistibii anyɔŋmɔi lɛ. Amɛkwa Yehowa, ni amɛsɔmɔɔɔ lɛ hu.

Kojolɔi 2:11

Kɛkɛ ni Israelbii lɛ fee efɔŋ yɛ Yehowa hiɛ, ni amɛyasɔmɔ Baal nyɔŋmɔi lɛ.

Kojolɔi 3:7

Israelbii lɛ fee efɔŋ amɛshi Yehowa. Amɛhiɛ kpa Yehowa, amɛNyɔŋmɔ lɛ nɔ, ni amɛyasɔmɔ Baal nyɔŋmɔi lɛ kɛ Ashera nyɔŋmɔi lɛ.

1 Samuel 12:10

Enɛ hã nyɛtsɛmɛi lɛ bolɔ amɛtsɛ Yehowa, ni amɛkɛɛ, ‘Wɔfee esha, ejaakɛ wɔkwa bo, Yehowa, ni wɔyasɔmɔ Baali kɛ Astarte moŋ. Shi agbɛnɛ heremɔ wɔ yɛ wɔhenyɛlɔi lɛ adɛŋ, ni wɔbaasɔmɔ bo.’

1 Samuel 31:10

Filistibii lɛ kɛ Saul tawuunii lɛ tee yato jemawɔŋ Astarte we lɛ, ni egbonyo lɛ amɛkɛyatsotsoro Bet-Shan maŋ lɛ gbogbo lɛ he.

1 Samuel 7:3

Kɛkɛ ni Samuel kɛɛ Israelbii lɛ akɛ, “Kɛji nyɛmiikpale kɛba Yehowa ŋɔɔ kɛ nyɛtsui fɛɛ lɛ, no lɛ nyɛjiea maŋsɛɛ jemawɔji lɛ kɛ Astarte amãgãi lɛ hu ni nyɛyɔɔ yɛ nyɛteŋ lɛ nyɛsherɛa nyɛshwiea koni nyɛkɛ nyɛhe ahãa Yehowa kwraa; asaŋ koni nyɛsɔmɔ ekome too; ni lɛ hu eeejie nyɛ yɛ Filistibii lɛ adɛŋ.”