Kojolɔi 18:2 - ŊMALƐ KRƆŊKRƆŊ LƐ

² No hewɔ lɛ, Danbii lɛ tsu hii kãkãlɔi enumɔ kɛjɛ amɛweku lɛ fɛɛ mli kɛjɛ Zora kɛ Eshtaol, koni amɛyasara shikpɔŋ lɛ ni amɛkpa lɛ shi. Amɛkɛɛ mɛi ni atsu lɛ akɛ, “Nyɛyaa ni nyɛyakpaa shikpɔŋ lɛ fɛɛ shi.” Amɛba Mika shĩa lɛ yɛ Efraim gɔji ashikpɔŋ lɛ nɔ, ni amɛbawɔ jɛi.

Ṅmãle̱ Kroṅkroṅ Le̱

² Ni Danbii le̱ tšũ hĩĩ kãkãlo̱i enumo̱ ke̱-dše̱ ame̱weku le̱ fẽ mli ke̱-dše̱ *Zora ke̱ Eštaol, koni ame̱yasra šikpoṅ le̱ ní ame̱kpale̱ ši tſẽm, ni ame̱kē̱ame̱ ake̱: Nyeyaä ni nyeyakpaä šikpoṅ le̱ ši! Ni ame̱ba Efraim gõdšĩ ašikpoṅ le̱ no̱ ye̱ Mika we le̱, ni ame̱bawo̱ dše̱i. *13,25.

Kojolɔi 18:2 ပူးပေါင်းရင်းမြစ်များ

1 Mose 42:9

Kɛkɛ ni Yosef kai lamɔi ni ela yɛ amɛhe lɛ, ni ekɛɛ amɛ akɛ, “Saralɔi ji nyɛ; nyɛba ni nyɛbakwɛ wɔshikpɔŋ lɛ yayaiaŋ.”

Abe̱i 20:18

Ŋaawoo akɛtoɔ yiŋ, ni nilee akɛwuɔ ta.

4 Mose 13:17

Mose tsu bɔfoi nɛɛ koni amɛyasara Kanaan shikpɔŋ lɛ nigii, ni ekɛɛ amɛ akɛ, “Nyɛtsɔ̃a kooyigbɛ nɛɛ kɛyaa Kanaan shikpɔŋ lɛ wuoyigbɛ; ni kɛjɛ jɛi lɛ nyɛkwɔa gɔji lɛ,

Luka 14:31

Aloo mɛɛ maŋtsɛ ni kɛji ekɛ maŋtsɛ kroko yaawu lɛ etaŋ shi ni esusu he dã akɛ eeenyɛ ekɛ mɛi akpei nyɔŋma kɛ mɔ ni kɛ mɛi akpei nyɔŋmai enyɔ baa eŋɔɔ lɛ ayakpe lo?

Yoshua 15:33

Ŋa nɔ shikpɔŋ nɔ maji lɛ ji Eshtaol kɛ Zora kɛ Ashna,

Yoshua 19:41

Amɛgbɛfaŋ shikpɔŋ ni akɛhã amɛ lɛ nɔ maji lɛ ekomɛi ji Zora kɛ Eshtaol kɛ Irshemesh,

Yoshua 2:1

Kɛkɛ ni Yoshua, Nun bi lɛ, tsu hii enyɔ nigii kɛjɛ Shitim koni amɛyasara shikpɔŋ lɛ nɔ, ni ekɛɛ amɛ akɛ, “Nyɛyaa nyɛyasaraa shikpɔŋ lɛ nyɛbaa, shi titri lɛ Yeriko.” Kɛkɛ ni hii lɛ yi mli amɛtee, ni amɛyato yoo ajwamãŋ ko ni atsɛɔ lɛ Rahab lɛ we.

Yoshua 2:2

Ni atee ayakɛɛ Yeriko maŋtsɛ lɛ akɛ, “Naa, Israelbii lɛ ateŋ hii komɛi eba biɛ nyɔɔŋ nɛɛŋ koni amɛbasara shikpɔŋ lɛ.”

Kojolɔi 13:2

Nuu ko yɛ Zora ni ejɛ Danbii aweku lɛ mli. Egbɛi ji Manoa. Eŋã lɛ kene ji lɛ, ni ebɛ bi.

Kojolɔi 13:25

Yehowa Mumɔ bɔ̃i Samson nɔ baa be ni eyɔɔ Dan Shitoohe lɛ, yɛ Zora kɛ Eshtaol teŋ lɛ.

Kojolɔi 16:31

Kɛkɛ ni enyɛmimɛi lɛ kɛ etsɛ we lɛ mli bii fɛɛ yiŋ kɛtee ni amɛyawo lɛ. Amɛkɛ lɛ ba amɛbafu lɛ yɛ Zora kɛ Eshtaol teŋ yɛ etsɛ Manoa fuuhe lɛ. Samson nyiɛ Israel hiɛ afii nyɔŋmai enyɔ.

Kojolɔi 17:1

Nuu ko ni atsɛɔ lɛ Mika hi shi yɛ Efraim gɔji lɛ anɔ.

Kojolɔi 18:11

Kɛkɛ ni hii ohai ekpaa ni jɛ Danbii aweku lɛ mli ni emia kɛ tawuunii fã kɛjɛ Zora kɛ Eshtaol,

Kojolɔi 18:13

Amɛfo mli yɛ jɛi kɛtee Efraim gɔji lɛ anɔ, ni amɛba Mika shĩa lɛ masɛi.

Kojolɔi 18:3

Be ni amɛbɛŋkɛ Mika shĩa lɛ, oblanyo lɛ wiemɔ hã amɛyoo akɛ Levinyo ji lɛ. Amɛgba kɛtee shĩa lɛ, ni amɛbi lɛ akɛ, “Namɔ kɛ bo ba biɛ? Mɛni ofeɔ yɛ biɛ? Mɛni otsuɔ yɛ biɛ?”

Kojolɔi 18:8

Be ni mɛi enumɔ lɛ ku amɛsɛɛ kɛba amɛnyɛmimɛi lɛ aŋɔɔ yɛ Zora kɛ Eshtaol lɛ, amɛnyɛmimɛi lɛ bi amɛ akɛ, “Te nyɛyana tɛŋŋ?”

Kojolɔi 19:1

Nakai bei lɛ amli be ni maŋtsɛ bɛ Israel lɛ, Levinyo ko yato gbɔ yɛ Efraim gɔji lɛ anɔ he ko shɔŋŋ. Ekɛ yoo ko ni jɛ Betlehem yɛ Yuda lɛ fee hemɔ.

Kojolɔi 19:18

Levinyo lɛ to he akɛ, “Wɔjɛ Betlehem ni yɔɔ Yuda lɛ; wɔmiifo mli kɛya Efraim gɔji lɛ asɛɛgbɛ shɔŋŋ. Efraimnyo ji mi. Mitee Betlehem yɛ Yuda, shi mimaŋ miyaa nɛɛ; ni mɔ ko eŋɔɔɔ mi kɛyaaa eshĩa.