Kojolɔi 17:5 - ŊMALƐ KRƆŊKRƆŊ LƐ

⁵ Nuu Mika nɛɛ yɛ he ko ni ejaa yɛ. Efee amãgã ni akɛgbaa kɛ wɔji; ni ewo ebihii lɛ ateŋ mɔ kome osɔfo koni eye osɔfo ehã lɛ.

Ṅmãle̱ Kroṅkroṅ Le̱

⁵ Ni nū Mika le̱ we le̱ tšṍ nyoṅmo̱i awe, ni efe *efod ke̱ wo̱dši, ni ewo ebi-hĩĩ le̱ ateṅ mokome oso̱fo, ni eye oso̱fo ehãle̱. *8,27.

Kojolɔi 17:5 ပူးပေါင်းရင်းမြစ်များ

1 Mose 31:19

Laban etee eyaaku etoi lɛ ahe tsɔi, ni Rahel ju etsɛ shĩa amãgãi lɛ.

1 Mose 31:30

Agbɛnɛ, yaa oyaa nɛɛ, ejaakɛ ohiɛ etsɔ̃ otsɛ we lɛ; shi mɛɛba mɔ ni oju mimãgãi lɛ?”

1 Maŋtsɛmɛi 12:31

Yeroboam mamɔ shĩai yɛ he grɔŋŋi lɛ, ni eŋɔɔ mɛi kɛjɛɔ maŋ lɛ mli he fɛɛ he kɛkɛ, ni ewoɔ amɛ osɔfoi, tsɛbelɛ amɛjɛɛɛ Leviwe lɛ.

1 Maŋtsɛmɛi 12:32

Yeroboam to jamɔ gbijurɔ hee ko yɛ nyɔŋ ni ji kpaanyɔ lɛ nɔ gbi ni ji nyɔŋma kɛ enumɔ lɛ nɔ, tamɔ jamɔ gbijurɔ ni ayeɔ yɛ Yuda lɛ, ni eshã afɔlei yɛ afɔleshãa latɛ lɛ nɔ. Eshã afɔlei yɛ afɔleshãa latɛ ni efee yɛ Betel lɛ nɔ ehã shika tsinabi amãgã ni efee lɛ. Ni ekɛ osɔfoi ni ewowoo lɛ to hei grɔŋŋi lɛ ni efee lɛ.

Ezra 1:7

Yehowa we lɛ okpolui kɛ kpuji ni Nebukadnezar yaloo kɛjɛ Yerusalɛm kɛba ekɛbawo ejemawɔŋ lɛ we lɛ, Maŋtsɛ Koresh jie amɛ kpo.

2 Mose 24:5

Ni etsu Israelbii lɛ ateŋ oblahii komɛi, ni amɛkɛ tsina hii yashã afɔle kɛ shidaa afɔle amɛhã Yehowa.

2 Mose 28:15

“Okɛ ŋaa afee tsitsinɔhaanii lɛ ohã osɔfonukpa lɛ, ni ekɛtao Nyɔŋmɔ suɔmɔnaanii ele. Nibii ni okɛfee efod lɛ okɛ no nɔŋŋ eko afee tsitsinɔhaa nii lɛ: kuŋtu wuɔfɔ kɛ kuŋtu bluu kɛ kuŋtu afaseo kɛ kuŋtu tsuru fɔɔ kɛ klala kpakpa.

2 Mose 28:4

Ni hewulamɔ nibii ni abaakpɛ lɛ nɛ: tsitsinɔhaanii kɛ efod kɛ atade yuu kɛ flaka ni alo nii awo mli kɛ fai kɛ mliteŋfĩinii. Amɛkpɛ hewulamɔ nibii krɔŋkrɔŋi nɛɛ amɛhã onyɛmi Aaron kɛ ebihii lɛ koni amɛkɛsɔ̃mɔ mi akɛ osɔfoi.

2 Mose 29:9

ni okɛ mlifiinii lɛ afimɔ amɛmli, ni obumɔ amɛ faii lɛ. Bɔ ni owo Aaron kɛ ebihii lɛ osɔfo nɛ koni osɔfo nitsumɔ lɛ afee amɛnɔ ni kã shi akɛ naanɔ akpɔ.

Yesaia 44:13

Kapintafonyo ŋmɔɔ kpãa yɛ tso he; eyereɔ kpãa lɛ mli, ni ekɛ pɛnsil kadiɔ he. Egbɔɔ tso lɛ he kɛ dade, ni ekɛ kɔmpas tɛŋɔ nii yɛ tso lɛ nɔ; egbɔɔ tso lɛ gbɔmɔ su pɛpɛɛpɛ fɛɛfɛo, ni ekɛyawoɔ gbatsu mli.

Ezekiel 21:21

Ejaakɛ Babilon maŋtsɛ lɛ damɔ gbɛnta lɛ naa, yɛ he ni gbɛi enyɔ lɛ gbaa akloŋta yɛ lɛ. Ebaahoso gãimlibii kɛkla ni eeebi emãgãi lɛ anii, ni eeekwɛ afɔle kooloo ni agbe lɛ mlɛbo mli fitsofitso.

Ezekiel 21:26

bɔ ni Nuŋtsɔ Yehowa kɛɔ bo nɛ, Jiemɔ oyifiinɔ lɛ, ni jiemɔ okekre lɛ yɛ oyitso. Nibii ehiŋ shi tamɔ bɔ ni amɛyɔɔ nɛɛ dɔŋŋ; nɔ ni eba shi lɛ, awo nɔ; ni nɔ ni awo nɔ lɛ, aba lɛ shi.

Hosea 3:4

Ejaakɛ nakai pɛ Israel baahi shi gbii pii ni amɛbɛ maŋtsɛ lɛ, amɛbɛ lumɛi hu; asaŋ amɛshãaa afɔle; ni amɛbɛ shiu lɛ amɛbɛ efod kɛ terafim hu ni akɛbiɔ nii.

Hosea 8:14

“Ejaakɛ Israel hiɛ kpa ebɔlɔ lɛ nɔ, ni emamɔ mɔji moŋ ehã ehe; ni Yuda hu tswa gbogbo ewo emaji pii ahe. Shi mawo amɛmaji lɛ amli la ni mashã amɛmɔji lɛ.”

4 Mose 3:10

Ojɔɔ osɔfoyeli lɛ nɔ ohã Aaron kɛ ebihii lɛ pɛ. Mɔ fɛɛ mɔ ni aaajɛ sɛɛ efee ehe osɔfo lɛ agbe lɛ.”

Hebribii 5:4

Ni mɔ ko eŋɔɔɔ nyam nɛɛ ehãaa lɛ diɛŋtsɛ ehe, akɛ ja Nyɔŋmɔ etsɛ lɛ, tamɔ etsɛ Aaron hu lɛ.

Kojolɔi 17:4

Kɛkɛ ni Mika kɛ jwiɛtɛi lɛ ku sɛɛ hã enyɛ. Enyɛ kɛ jwiɛtɛi lɛ mli kukuji ohai enyɔ hã nishwielɔ, koni ekɛfee amãgã ni akpɛ kɛ nɔ ni ashwie; ni akɛba Mika we lɛ.

Kojolɔi 18:14

Kɛkɛ ni hii enumɔ lɛ ni tee yasara Laish shikpɔŋ lɛ bi amɛnyɛmimɛi lɛ akɛ, “Ani nyɛle akɛ shĩai nɛɛ ateŋ eko mli lɛ efod kɛ wɔji kɛ amãgã ni akpɛ kɛ amãgã ni ashwie yɛ mli lo? No hewɔ lɛ, agbɛnɛ nyɛkwɛa nɔ ni nyɛaafee.”

Kojolɔi 18:24

Mika to he akɛ, “Nyɛŋɔ minyɔŋmɔi lɛ ni mifee lɛ kɛ osɔfo lɛ, kɛmiiya; mɛni eshwɛ mi dɔŋŋ? Te feɔ tɛŋŋ ni nyɛbiɔ mi akɛ, ‘Mɛni feɔ bo’ lɛ?”

Kojolɔi 18:30

Danbii lɛ kɛ amãgã ni akpɛ lɛ ma shi hã amɛhe. Yonatan, Mose bi Gershom bi lɛ, kɛ ebihii lɛ ye osɔfo hã Dan akutso lɛ kɛyashi gbi nɔ ni aŋɔ mɛi ni yɔɔ shikpɔŋ lɛ nɔ lɛ nom lɛ.

Kojolɔi 8:27

Gideon kɛ shika nɛɛ fee efod, ni ekɛto emaŋ ni ji Ofra lɛ mli. Ni Israelbii fɛɛ kwa Nyɔŋmɔ, ni amɛtee jɛi ni amɛyaja efod lɛ. Enɛ tsɔ̃ tsɔne ehã Gideon kɛ ewe lɛ.

1 Samuel 19:13

Kɛkɛ ni Mikal wo nɔ ko ni agbɔ lɛ tamɔ gbɔmɔ efɔ̃ David saatso lɛ nɔ, ni ekɛ nɔ lɛ yitso tsɔle abotia he tsɔi sune lɛ, ni eha nɔ lɛ mama.

1 Samuel 23:6

Be mli ni Ahimelek bi Abiatar jo foi kɛtee David ŋɔɔ yɛ Keila lɛ ehiɛ efod lɛ kɛtee.