Kojolɔi 17:3 - ŊMALƐ KRƆŊKRƆŊ LƐ

³ Mika kɛ jwiɛtɛi kukuji akpe kɛ oha lɛ ku sɛɛ hã enyɛ. Kɛkɛ ni enyɛ kɛɛ, “Mijie jwiɛtɛi nɛɛ yɛ midɛŋ, ni mijɔɔ nɔ mihã Yehowa yɛ mibi lɛ hewɔ; akɛfee amãgã ni akpɛ kɛ nɔ ni ashwie; enɛ hewɔ lɛ mikɛmiiku sɛɛ mahã bo.”

Ṅmãle̱ Kroṅkroṅ Le̱

³ Ni eke̱ dſie̱te̱i kukudši akpe ke̱ oha le̱ kũ se̱ hã enye. Ni enye kē̱: Midšie dſie̱te̱i ne̱ ke̱-dše̱ mideṅ midšō̱ no̱ mihã Iehowa ye̱ mibi le̱ hewo̱, ni aṅõ-fe amãgã ni akpe̱ ke̱ noni aſie; nohewo̱ le̱ mike̱-mīkũ se̱ mahão!

Kojolɔi 17:3 ပူးပေါင်းရင်းမြစ်များ

2 Kronika 33:7

Ewo jemawɔŋ ko amãgã ni efee lɛ, ni ekɛyama Nyɔŋmɔ We lɛ mli diɛŋtsɛ, he ni Nyɔŋmɔ kɛ David kɛ ebi Solomon wie he, ni ekɛɛ amɛ akɛ, “Sɔlemɔtsu nɛɛ, yɛ Yerusalɛm maŋ nɛɛ mli, mikɔ yɛ Israel akutsei lɛ fɛɛ ateŋ akɛ he ni abaaja mi yɛ kɛya naanɔ.

2 Mose 20:23

Nyɛkafea mihenɔ jwiɛtɛi loo shika amãgãi; nyɛkafea eko eko nyɛhãa nyɛhe koni nyɛja amɛ nyɛfata mihe.

2 Mose 20:4

“Kaafee amãgã ko loo nɔ ko ni tamɔ nii ni yɔɔ ŋwɛi loo nii ni yɔɔ shikpɔŋ lɛ nɔ loo nii ni yɔɔ nu mli yɛ shikpɔŋ lɛ shishi lɛ ohã ohe.

2 Mose 34:17

“Kaafee dade amãgã ko ohã ohe.

Yesaia 30:22

Kɛkɛ lɛ nyɛaabule nyɛmãgãi ni ashwie he jwiɛtɛi kɛ amãgãi ni ashwie he shika lɛ hu. Nyɛaashɛrɛ amɛ nyɛshwie tamɔ nibii ni ahe tseee; nyɛaakɛɛ akɛ, “Aloo amɛ ashwie kɛje wɔhiɛ.”

Yesaia 66:3

“Mɔ ni gbeɔ tsina lɛ, etamɔ mɔ ni gbeɔ gbɔmɔ nɔŋŋ; mɔ ni kɛ toobi shãa afɔle lɛ, etamɔ mɔ ni kɛ gbee shãa afɔle nɔŋŋ; mɔ ni shãa niyenii afɔle lɛ, etamɔ mɔ ni kɛ kplotoo lá bahãa nɔŋŋ; mɔ ni shãa krɔbɔo afɔle lɛ, etamɔ mɔ ni jaa wɔŋ nɔŋŋ. Mɛi nɛɛ fɛɛ ekɔlɔ amɛ diɛŋtsɛ amɛgbɛi, ni amɛnaa nihiinii ni amɛfeɔ lɛ he miishɛɛ.

Yeremia 10:8

Buului kɛ kwashiai sɔŋŋ ji amɛ; yakanii amɛkaseɔ lɛ, ejaakɛ tso amãgã dɛŋnii amɛkaseɔ lɛ.

3 Mose 19:4

“Nyɛkayanyiɛa yakayaka wɔji asɛɛ, ni nyɛkafea dade wɔji hu ni ashwie nyɛhã nyɛhe; mi ji Yehowa, nyɛNyɔŋmɔ lɛ.

Yohane 16:2

Amɛaashwie nyɛ kɛaajɛ kpeehei lɛ. Ni be baaba tete, ni mɔ fɛɛ mɔ ni gbeɔ nyɛ lɛ aaasusu akɛ ekɛmiija Nyɔŋmɔ.

5 Mose 12:3

Nyɛkumɔa amɛfɔleshãa latɛi lɛ kɛ shiui ni amɛkɛ tɛi emamɔ lɛ nyɛshwiea; ni amɛ, Ashera, wɔŋ koi lɛ nyɛshãa; amɛtso amãgãi lɛ nyɛfolɔa mli nyɛshwiea shi, koni akaja amɛ yɛ hei nɛɛ dɔŋŋ kɛjɛ kɛyaa nɛɛ.

5 Mose 27:15

“‘Alomɔ mɔ fɛɛ mɔ ni tsɔ̃ɔ ŋaalɔ nilee nɔ ekɛ su loo tso loo dade feɔ amãgã ni ejaa lɛ yɛ teemɔŋ, ejaakɛ Yehowa miihi.’ Ni maŋ muu lɛ fɛɛ ahere nɔ akɛ, ‘Amen!’

Kojolɔi 17:13

Kɛkɛ ni Mika kɛɛ, “Kpaako mina mile akɛ Yehowa baahã mashwere, ejaakɛ mina Levinyo akɛ osɔfo.”

Kojolɔi 17:2

Ekɛɛ enyɛ akɛ, “Jwiɛtɛi kukuji akpe kome kɛ oha lɛ ni awo yɛ odɛ̃ŋ, nɔ ni olomɔ yɛ he ni owie he hu yɛ mitoiŋ lɛ, naa, eyɛ midɛŋ; mi miwo.” Enyɛ here nɔ akɛ, “Yehowa ajɔɔ bo mibi.”

Kojolɔi 17:4

Kɛkɛ ni Mika kɛ jwiɛtɛi lɛ ku sɛɛ hã enyɛ. Enyɛ kɛ jwiɛtɛi lɛ mli kukuji ohai enyɔ hã nishwielɔ, koni ekɛfee amãgã ni akpɛ kɛ nɔ ni ashwie; ni akɛba Mika we lɛ.

Kojolɔi 18:30

Danbii lɛ kɛ amãgã ni akpɛ lɛ ma shi hã amɛhe. Yonatan, Mose bi Gershom bi lɛ, kɛ ebihii lɛ ye osɔfo hã Dan akutso lɛ kɛyashi gbi nɔ ni aŋɔ mɛi ni yɔɔ shikpɔŋ lɛ nɔ lɛ nom lɛ.

Kojolɔi 18:5

Amɛkɛɛ lɛ akɛ, “Ofainɛ, ni obi Nyɔŋmɔ ohã wɔ bɔ ni afee ni wɔle akɛ wɔgbɛ ni wɔnyiɛ nɛɛ aaafee omanye lo?”