Kojolɔi 16:7 - ŊMALƐ KRƆŊKRƆŊ LƐ

⁷ Samson kɛɛ lɛ akɛ, “Kɛji amɛkɛ kpãi hei ŋmɔji kawekawee kpawo fĩ mi lɛ, no dani magbɔjɔ ni matamɔ gbɔmɔ fɛɛ gbɔmɔ.”

Ṅmãle̱ Kroṅkroṅ Le̱

⁷ Ni Samson kē̱le̱ ake̱: Ke̱dši ame̱ke̱ kpãi hēi kãwekãwē kpawo fĩmi le̱, no dã-ni magbo̱dšo̱, ni matamo̱ gbomo-fẽ-gbomo.

Kojolɔi 16:7 ပူးပေါင်းရင်းမြစ်များ

Abe̱i 12:19

Anɔkwale wiemɔ hiɔ shi kɛyaa naanɔ; shi amale lɛ, ehiɔ shi hiŋmɛitswaa kɛkɛ.

Abe̱i 17:7

Wiemɔ ni bɛ hiŋmɛi nɔ esaaa kwashia po, aahu ni apasa wiemɔ aaasa ablade.

Romabii 3:8

Ani jeee tamɔ bɔ ni afoɔ sane afɔ̃ɔ wɔnɔ ni mɛi komɛi kɛɔ yɛ wɔhe akɛ wɔkɛɛ akɛ, “Nyɛhãa wɔfea efɔŋ koni ekpakpa aba” lɛ? Nakai mɛi lɛ afɔbuu lɛ ja pɛ.

Galatabii 6:7

Nyɛkalakaa nyɛhe, Nyɔŋmɔ lɛ aliii lɛ. Ejaakɛ nɔ pɛ ni gbɔmɔ duɔ lɛ, no nɔŋŋ ebaakpa.

Kolosebii 3:9

Nyɛkamalemalea nyɛtsɔ̃a nyɛhe, ejaakɛ nyɛjie gbɔmɔ momo lɛ kɛ enitsumɔi lɛ yɛ nyɛhe,

Kojolɔi 16:10

Delila kɛɛ Samson akɛ, “Naa, mihe fɛo sɔŋŋ oyeɔ nɛɛ, ni olaka mi. Ofainɛ, agbɛnɛ tsɔ̃ɔmɔ mi bɔ ni aaafee afĩ bo.”

Kojolɔi 16:6

No hewɔ lɛ, Delila kɛɛ Samson akɛ, “Ofainɛ, tsɔ̃ɔmɔ mi nɔ mli ni ohewalɛ kpele lɛ yɔɔ kɛ bɔ ni aaafee afĩ bo ni anyɛ ohe ajɔɔ.”

Kojolɔi 16:8

Kɛkɛ ni Filistibii alumɛi lɛ kɛ kpãi hei ŋmɔji kawekawee kpawo bahã Delila, ni ekɛfĩ Samson.

Kojolɔi 16:9

Shi Delila yɛ mɛi ni ewo antɛo yɛ pia lɛ mli. No hewɔ lɛ, ekɛɛ Samson akɛ, “Samson, Filistibii lɛ eshwie onɔ.” Kɛkɛ ni Samson tserɛ kpãi lɛ amli tamɔ anaanu kpãa hwiãa tseɔ kɛ esa la he lɛ. No hewɔ lɛ, Samson hewalɛ lɛ teemɔŋ sane lɛ ejeee kpo.

1 Samuel 19:17

Enɛ hã Saul bi Mikal akɛ, “Mɛni hewɔ ni olaka mi nɛkɛ, ni ojie mihenyɛlɔ lɛ gbɛ etee, ni ohã eje midɛŋ nɛɛ?” Mikal hã Saul hetoo ekɛɛ akɛ, “Ewo mi shi ekɛɛ akɛ, ‘Kɛji owaaa mi koni majo foi lɛ, no lɛ magbe bo.’ ”

1 Samuel 27:10

Kɛji Akish bi David akɛ, “Ni namɛi ofɔ̃ nyɛyaye ŋmɛnɛ lɛ?” David kɛɔ Akish akɛ, “Wɔyatua Yudabii lɛ awuoyigbɛ, aloo Wɔyatua Yerameelbii lɛ awuoyigbɛ lɛ, aloo Wɔyatua Kenbii lɛ awuoyigbɛ lɛ.”